生死
2018/08/31 10:58:02
網誌分類:
生活
去年11月我曾在浴缸滑倒但一個膠盤子擋住救返我,完全冇事,當天還大嘆自己夠運;大半年後終於出事有點死神來了的意味。
原來上天要取回的東西,我冇得唔俾。
不如這樣想,對比浩瀚宇宙其實人很渺小,既有其生,必有其死,去維持世界人口的平衡。既然有人出生就會有人死亡。有人中六合彩頭獎,必定亦有人遇上意外。對比宇宙的infinity,人無論1歲死, 60歲死, 108歲死,都係一樣長短,無所謂夭折或長壽。
這樣想就得到安然。
PS. 好奇妙我對阿仙奴甚至足球已經失去興趣。沒有我的支持,希望阿仙奴有更好演出。
歐聯抽籤
利記三叉戟鬥PSG三叉戟
沙拿 麥巴比正面交鋒
值得期待👏👏👏
巴塞陷死亡之組
現在傳說Now TV 播歐聯,不知是否屬實。咁我要cut Cable TV相信會難過登天。
馬仔,我愛清涼的天氣。我晚上仍開冷氣,恆溫才能使我入睡和睡得好一點。
主席,冇好亦冇更嚴重。醫生話將來不用拐杖手指會漸好。物理治療師話若嚴重佢幫我打衝擊波,但現在不需要。佢教左我拉筋。早上係最痛,因為晚上睡覺我們自然會輕力握住手,早上想攤開手時就彈弓。
我暫時都係用雙拐杖傷腳輕力partial weight bearing咁樣行,仍然係放病假中。如果我自己喜歡上班也可以,冇人會理,後果自負(事實上曾有鬼佬律師朋友滑雪斷韌帶都係雙杖單腳跳返工,係可以的),但發生了一些事,令我看清楚覺得不需要堅持。理論上手術後12星期可以full weight bearing,練下單杖,兩星期後改用行山杖,兩星期後不再需要用杖,但每人進度不同。醫生延遲了我的進度。佢話叫我輕力行時我行得太大力。佢稍稍不滿意我張X光片顯示的進度。醫生亦訝異我腳的瘀腫久久不褪,我撤換了之前的西洋物理治療師,改了去找一位針灸物理治療師,腫退了很多,但晚上係必腫,瘀色淡左。治療師話3-6個月才會回復舊觀。
我住處遠離地鐵站,也不會信任巴士司機唔dub車,所以一直要以的士代步。
舅父仔:
彈完未? 我係問你隻左手無名指,唔係問股市![{#icono_16}](//img2.stheadline.com/headline/forum/icon_face/icon_face16.gif)
天氣真的轉涼了,大家謹記加衫
祝大家中秋節快樂。
主席,希望啦!這幾天它仍然在彈弓!
我祝大家中秋節快樂,幸福美滿,一家團圓。
舅父仔:
十幾年前我試過右手姆指彈弓手,曲起時不能伸返直,要用左手將佢掹直,我沒有特別理會,過一段時間沒事,好彩沒有再番發。
@蕃茄
有女初長成,當佢和你把臂同遊小心被人誤會![{#icono0_2}](http://img2.stheadline.com/headline/blog/images/smile/icon_face02.gif)
@chanreborn
你們仨都好啊! 你和蜜蜂仔有冇齊齊睇世界盃? 高鐵香港段今日開通,對你來往兩地會否有另一方便?
點都要靚,鼓掌👏👏👏
最開心見到一街靚女呢!已為人妻的都要努力keep住靚啊!自己開心先生又開心。
網購不難,但要輸入信用咭號碼和後面的三位密碼就令我感到卻步。我有一張信用咭得$3000信用額,另外一張就$20000可作網購。以前隔離部門有個鬼婆,整天網購時裝送來公司,但有7成佢係退回。老實講秘書係公司出糧,卻整天要幫佢退回時裝,實在離譜。這鬼婆生左3件後離職。
我只有洗臉時才扭毛巾。物理治療師教好似玩15 20般收實拳頭再用力打開手,暫不用做小手術。
網購沒太大難度,只是我們年代不流行,試過燒烤,網購海產,不新鮮,下次都是街市買實際,
你的問題是否常扭毛巾,我姊扭毛巾很用力導致,於是去診所剪一下就不再彈弓手.
多些運動,幫助很大.
前幾天發現左手第四隻手指變成「彈弓手」。天啊,人老左真係好恐怖,問題逐步浦出來!
我從未試過網購,真係老了。
蕃茄,令千金16歲了!
如果我有個女,佢應該大過16歲了。
不過我沒有遺憾,因為生兒育女係很大的責任,我肩負不來,最怕教得不好,誤了小朋友。
另,恭喜進入收成期!
ha ha, 馬仔、{点都要靚}、係一個會令人非常積極 同 充滿正能量的宏大目標、我就都好讚同女士們keep 住呢個目標嘅。
我個女十六歲、呢一年都開始網購唔小化裝品同 面膜 了……
hello, chanreborn, 好耐無見、仔仔已入學了?仲有無睇波?我就呢两年都小睇阿仙奴了、歐联同世界杯就仍然有興趣睇的。
人生是漫長的馬拉松、必會遇上顺、逆風的時候、我近來睇左 蔡東豪 本書: {復完力},入面有幾句我認為好啱、意思大约是: 明天未必一定更好、但會是新的一天、我的演譯為: 不要盲目地樂觀、但要勇於面對。·
工作開始進入悠閒期、今年会放多d假、和家人去一、兩次長、短旅行。
Chanreborn.......I miss you so much ah![{#iconb_213}](http://img2.stheadline.com/headline/blog/images/smile/2/13.gif)
蜜蜂仔3歲了?
我現在同自己講,保持開心,吾開心就吾靚,會出斑架,点都要靚呀![{#iconb_212}](http://img2.stheadline.com/headline/blog/images/smile/2/12.gif)
Chanreborn, 你還好嗎?真係發生左好多事,世事如棋。
我現在對阿仙奴冇乜feel,之前冇想過我會這樣。
希望大家都好,明天會更好!
Persie ,馬仔,主席,番茄,聯廣,大家好。
很久沒上來,這二天心血來潮看看大家近況,知道大家都有各自面對問題,希望你們要堅持,樂觀,多些正能量,知道盡力做好就可以,給大家包括自己打氣,加油💪!
聯廣
我個D爛鬼專業!2o年前就好吃香!
現在俾錢就可以讀,攞牌.人多了,價值就低了。
主席,下午三時許個風吹到來我家,風聲唬唬作響,傾盆大雨,都幾驚人。現在個風又走了,一切回復平靜。
舅父仔:
可能同個風吹的方向有關,我感覺剛好相反,去年天鴿冇咁利害,但今次啲雨迎面直潑,去年我還開有一扇小窗,但今次全關上,連隙縫都不能留!
昨晚睇波到兩點幾,完全冇風。今早還說9號10號風球,真係感受唔到。我知山竹數據驚人,離香港亦不遠,但總覺得天鴿比她更勁!
應該係聯播,史上第一次!
剛才Now TV播拜仁冇粵語旁述,好似唔係咁好。
馬仔,你係專業人士,轉工很多時都不會太容易,繼續努力,祝你早日成功轉工。
有線電視昨公布,今季至2020/21球季,將與beIN Sports合作播放歐聯及歐霸盃賽事,更計劃選取部分賽事於免費電視奇妙電視中文台直播。至於NowTV,亦盛傳會一同直播歐聯。
原來係咁,自僱人士就唔同了。
冇乜老闆真係好好。希望妳快些找到理想的工作。
舅父仔
佢話我地是自僱人士,我問過勞工處,自僱人士介定有6項,我的工種符合3項,5/5波。
仲要段鐘計,5点冇客,係咪要扣一個鈡,我推左佢地啦!
個老闆冇面珠登架
,刻薄相。
大家專業人士,咪當我真係洗頭妹先得架……
(只因我仲有野做……人窮志短)
馬仔,我隨手google,見到
“MPF enrolment, however, is not subject to the “418” rule. The MPF System covers both full-time and part-time employees. No matter how many hours of work your employees perform in a week, as long as they have been employed for 60 days or more, you are required to enrol them into an MPFscheme and make contributions.”
照咁講,Part-time 員工都應該有MPF,僱主係要供款的。或者妳可以去問下。
You may contact our officers through the MPFA hotline during office hours from 8:45am to 5:45pm, Monday to Friday (except public holidays).
或者問勞工署?
今日見工,又是沒有mpf,仲要段鐘計,可能因為p/F??
搞了一大輪都無法搜到77台,終於放棄左場法國v荷蘭。用iPad睇好累。本來想看看古華特兒子Justin演出。
法國2:1荷蘭
基奧特奠勝局
主席,我現在住的地方因業權問題,可能不是永遠屬於我,但細節不便詳述。我也冇可能搬回老家長住吧,而且母親亦總有離去的一天。
我愛住市區,太遠的好似與世隔絕。我諗住排隊都要排好幾年,所以都要打算下。
花姐,不好意思,我想回應妳但肥手指錯誤刪除了妳的留言。我不會度日如年,因為我儘量參與公司的工作,而且網上很多webinar可以參加,我都儘量做。網上很多新資訊可以吸收,只是有時真會提不起勁。我有NowTV on demand,Fox+都有很多電影可看。無聊中連嫌疑犯X的獻身日本版(神探加利略)和台灣版(蘇有朋導演)都看了,比較一下,日本版的石神演得真太好,全搶了湯川的戲。蘇有朋版本好多地方都係copycat,但結局某部分他又改得不錯。
舅父仔:
雋悅之外,私營安老院都看到富貴長者院舍有市場,在新界北開始有提供,相信這類院舍會愈來愈多供選擇,但你還未真有需要呢!
我真係連英格蘭對西班牙都冇睇。難道這是所謂「轉死性」。我真係覺得自己變左!
Persie, 生老病死都是人生必經之階段,高興你能看得透徹。亦非常認同quality of life的重要。
見你對足球消息仍瞭如指掌,應對阿仙奴及足球未至完全失去興趣吧!試放鬆一下,不用場場挨更抵夜追看的。
Kyle Walker,靚到爆,2-1
我考慮緊好唔好60歲去排北角雋悅老人屋。
有醫護,環境好,可以短租。最平開放式單位租金大約$25000,$4000管理費和雜費。所有其他嘢(比如清潔)都逐樣計錢,唔平。現在有幾百人輪候。
係啊,都冇咩可以做啦。
利記車仔4戰4勝。曼城唔夠運和左一場,現在對紐卡素1-1。和埋呢場就被放甩了。
今天跟同事聯繫過,佢話我地部門未必咁灰。希望係啦,如果冇左份工作,真係唔會搵得返。
馬仔,明白的,不用說甚麼,我心領。意外嘅嘢,冇得準備。
花姐,多謝妳。妳好叻,肯去做身體檢查,俾個讚妳。我同妳在同一間醫院。
我吾識講亦不知應說什麼。
我自己過去1年的轉變到現在亦未能適應,只能見步行步。
人們常說,「两手準備,好讓問題來時不致手足無措」,但有幾多人能做到坦然面對…….
我也不是特別心急,但我見到自己的問題所在,唯有希望上天見憐,終於行得返,行得好。
馬仔,綠點都有在陸sir blog留言。
如果綠點重來,我唯有再關blog。
我去Email給頭條說朋綠点的存在。
它不只在你此處留言,亦有在其他blog處留言。
我發覺它有一pattern, 會在用英文名為blog名處留言。
人生就係好無奈,有人千方百計去長壽,亦有如我不希望拖得太長,無論你有如何盤算,上天自有安排,唔到你話事,我都係心急人,常會行行下扭親,幸好都不礙事,天陰常雨,情緒更波動。祝你早日康復,健步如飛。
回復留言了, 人生是無法掌控的, 順其自然啦
舅父仔:
週末有驚喜,回來就好。 昨天和護老院認識的朋友短訊,她已拆石膏,像小孩般開始學行,她也是心急人,但唯有叫自己慢慢來,欲速不達,你也一樣。
原來TVB剛在重播「珠光寶氣」,又見到高雅美麗的黎姿。佢飾演一個好nice的女仔、演技可能一般,但相當悅目可愛。
蔡少芬庸脂俗粉,常常mark大喉嚨唸台詞,更不停蝦黎姿!邵美琪演得好好。
常言道,福無重至,禍不單行。
我出事之際,正是公司大地震之時。我暫時未能確實知道自己的前途,但打探了有機會在明年二月被放棄。我不肯定,但預左冇壞。有一位相熟同事已經被cherry picked轉team。佢同我頗有交情,因為我一年前幫了他一大把,他亦好有品,銘記於心。佢冇出聲,應該係怕我傷心難受。我都當唔知,冇問佢。
我隻腳仍然未能落地,我希望就快得啦。可惜我腳腕的活動能力很低,原因係我斷distal fibula係非常接近腳眼部份,相信裡面的螺絲釘鎖住影響腳腕的活動能力。我覺得醫生都表達了這意思,雖然佢冇咁直接講,但我覺得第一步係行路,其他問題應該可以有其他方法去改善。我希望我可以行動自如,我不能接受自此會行得唔好,我會努力做好。
很難過聽到伯母情況轉差。蕃茄,你明白我,不是說風涼說話,我係希望人生存有quality of life,而不是辛苦地活下去。這幾年伯母已經陪伴你們,我希望她可以舒服安康。
persie,
你的腳狀況現在有無好D?
講開生與死, 上星期媽媽健康變差, 不大吃到東西, 安排入了療養院, 現在每天只吃流質食物, 望住她極度消瘦的臉和身驅, 雖然話這六七年來巳做晒心理準備,母親始終有離去的一天, 但依然有些心酸.