留住青春一刻<II>
2009/09/20 00:58:28
網誌分類:
寫作
早前在網誌＜留住青春一刻＞中提過，很想在拍造影照的時候，為自己準備一幅「車頭相」，結果昨天終於找到了！
昨天在影樓看照片的時候，從幾十張照片中選出了二十張，難度不算太高。因為凡是拍得我太胖的，或是笑容不自然的，都一概刪除。但那營業員當真用心良苦，睜大雙眼又掩著良心的不斷說這張照片拍得我相當嬌俏，那張又眼大大的精靈可愛，總之目的只想我多要一些，因為每張照片又可多收一百二十元。可是這些美麗的謊言，又怎會令有自知之明的我輕易相信？最後她知道游說徹底失敗了，只好建議我做個雜誌般大的水晶相簿，承惠一千五百大元，又勸說我把大照片做成磨砂效果，可以永久保存。結果昨天共花了兩千大元，前後共花了三千三百八十八元。唯有安慰自己，取了個好意頭啊！
因為老同學看了我的網誌，也有點心動想拍些造影照，所以昨天和她一起前往，也幸好身邊多一個朋友，可以提供意見，才不致舉棋不定。始終自己看自己總是不太順眼，覺得怪形怪相的。大家一邊看一邊後悔，怎不年青時就來拍照？現在幾乎人老珠黃了才來學人攪這些小玩意。唉，有早知無乞兒呢！
所以各位仍有「青春」的網友，如想留住現有的好時光，請儘快行動，以免花開花落，為時太晚！
立冬真的 [太謙] 了!
立冬姐好有型噢QQ
心之，唔會再照架喇，除非結婚啦．加單係因為做果本相簿貴，如果普普通通，真係＄１３８８可以攪定的．
能夠得到一輯喜歡的照片，滿意就收貨，仲加單，已經很好。
青春真係會流逝，再過十年，又是一番面貌，到時再照一次。
為了睇立冬的靚照，個個出晒絕招咁0
大臣哥，我梗係怕自己幅玉照靚得滯，攪到你日日冒險逃獄啦，到時連我都受到牽連，一樣被＜關注＞咁點算呀？我講明先呀，我好愛祖國又好愛香港架．
喂，兄弟，好似得个讲字甘沃，好不容易出来一趟，赶住黎睇玉照，某沃！
几失望啊！！！要对得住我甘冒险越狱至得0架！！
還有“玉女素心劍”，“峨嵋梯雲縱”，
棉里針“呀！
蛋哥，我的絕招好似係＜金頂綿掌＞喎。嘩，我真人靚好多，呢張唔夠靚喎。
立冬，我幫你登張相出來：
各位男網友，自問有兩招先好黎呀，冬女俠一招穿鳳腿好厲害架！
點解無post啲相出黎嘅?
Wongi，咁你又幾時去留住你的美貌呀？
Candy妹，要影得我瘦的呀．
影相相幾時都有得、無無問題。
立冬，你真懂得為自己的美貌下功夫！
連這類照片也未雨綢繆，真是佩服呢！
嘩，被老同學踢爆左添。寶寶就是我的老同學呢。
幾千元拍一輯照片是否值得, 端看個人的價值觀而定. 有些人肯花幾千或幾十萬元買一個名牌手袋, 但可能很快便貪新忘舊, 甚至丟掉或轉售. 但相片如果保存得好, 可以流傳作為一個紀念.
時間和青春都是稍縱即逝的, 所以要在最佳狀態和有經濟能力時, 留下一生中最美好的一刻, 待年老時拿出來緬懷一番.
哈哈, 我有幸已一睹立冬的豔照, 拍得不錯啊! 一定萬衆期待.
大家一定要密切留意映期呀。
係呀，幾時有相啊，好期待呀！
不過.係既..青春像小鳥,,一去不回頭..拍些照片留來觀賞係值得既.
襯青春留倩影，只要拍得好，貴一點也沒所謂啊！
花姐，我依家塊面真係越來越黃架喇。
噢，要八個星期後才拿到手呢，大家又要耐心等待了。
無端端，基本價是＄１３８８，想要再好一點才需要加錢呢。
沒錯，最緊要有相看——我的意思是說妳本人滿意就ok啦！
立冬午安:
博主除了寫文了得,自嘲也有一手,
你都叫人老珠黃,真的謙虛得有點兒假呢!
總之未婚網友,快馬加鞭
有追錯,冇放過,否則遺憾終身,
話帶過了,行動在乎你自己,
嘩!出兩千元留住青春一刻,
豪情可見一斑。
負豬負狗都不要負有心人啊！
加推星
係呀!幾時有得睇先?
幾時有相睇呀？
強烈抗議, 仲未有相睇！
早上好 ...... 雖然貴了點，能留住青春的一刻真好。
立冬姐：
我都係咁話，要睇相噢QQ
indy
自貼，無就柴台
留住青春一刻，是沒有問題喔~
我贊成.....
聽立冬這樣說,我地男仔也該拍下青春的一刻,不過幾千元就唔多值噢~~