月圓之夜
2009/10/04 17:13:46 網誌分類: 寫作
昨天與女友陳小姐看完電影「建國大業」後，去了吃壽司。突然間收到一位失散多年的預科同學的電話，他開門見山便問小妹有沒有結婚？我答沒有並反問他有沒有小孩子？他也說沒有。他又叫我不要把要求定得太高了，雖然我有選擇的條件，但都要給人家機會的。
我越聽越奇怪，因為一個已婚男人，怎會在月圓之夜，致電給一個交情不深的老同學，更忽然關心對方的終身大事？他還不斷讚美小妹當年如何漂亮？如何吸引他坐在我身旁等等，一輪吹捧後更叫小妹不妨考慮他。我被他弄得一頭霧水，他不是已經結婚嗎？他說已經離婚五年了！
記得這位老同學讀書時期是十分認真，不愛開玩笑的。中七時候，莫名奇妙的坐在我旁邊，所以與我認識最深。畢業後他當了小學教師，娶了一位教健康舞的。幾年前的聚會他還帶著太太，想是感情不錯的。
五年了，現在才找我？想必是搜索一輪，撥了很多個電話，才發現所識的朋友都早已名花有主，好不容易才找到我這個仍是落單的人，真的辛苦他了！可是老同學也著實急進，幾年不見，一下子就叫我考慮他。我連他是肥是瘦？性格怎樣？一概不知，叫我如何考慮？
奉勸這位老同學一句，要女孩子給你機會，請別太心急！一切應從朋友關係開始，待雙方慢慢了解之後，才決定對方是否適合自己？小妹記得這位老同學的身形，幾年前已暴漲了幾個呎碼，今天又會否更加發福？
雖然小妹昔日也算得上貌美如花，但歲月不饒人，如今已接近凋謝階段。還有我身上的那片肥肉，只差點梅菜便可以做個「梅菜扣肉」了，自己看著都略嫌肥膩。所以請老同學別妄想小妹是吃防腐劑長大的，我的保質期早已過去！
衷心祝福這位老同學早日找到他的另一半！
Shadow，多謝到訪！你說得極對，我會好唔得閒的．
原來係咁解, 睇嚟小弟真係太老實啦！
慳妹姐，介紹俾你識好唔好？
月圓之夜，嚟個人月雙圓，就算呢個唔係真命天子，都係好兆頭啊！
六哥，我邊會問得佢咁深入呢，我已經俾佢既大膽嚇親啦。
今日先開始爬舊文.
你個同學真係奇人. 果然香港地咩人都有. 你有冇問下佢去過speed dating 未?
蛋哥，我以前讀書果陣就有好多同學話唔敢追我，因為驚失敗，會好瘀。
石仁哥，俾佢知我寫篇咁既野，你想我被人咩咩咩？
我以前讀書時有個男同學，年紀唔大，竟然話拍拖第一件事要問個女仔準唔準備結婚，如果唔唸住結婚就無謂繼續喇。都算系奇人一名，據悉而家仲未結婚喔！
立冬,
不妨請他上來聊天.大家多多了解一下吧.
如玉妹妹，桃花運都有真同假的，所以千祈唔好心急啊．
立冬姐姐行緊桃花運啊！不過，要檢個好啲嘅！
11+
希哥，月圓之夜，真係大家都要小心啊！
（其實我用月圓之夜，亦是這個比喻的．）
Danny，我都覺得太心急的男人好得人驚，怕佢太過衝動呀．
Candy妹，立冬姐好幽默架，和你開開玩笑，當然知你不是另有意思啦．
欲速則不達,看妳的言談描述,測出你舊同學為自己着想多過為冬冬...
身為老師,連遁序漸進都不懂.唔見咁耐,就算有意思.起碼大家都先要了解一下吧.
他也低估冬冬了.開門見山,急於求成,看來有點過份了.
wahaha, 月圓之夜？人狼現身,所以就---
Indy仔，我覺得佢應該話好耐無見班舊同學了，不如我地攪個聚會，一齊出來食下飯啦。咁樣大家米有機會傾下計，又了解下囉。太心急的男人會嚇親對方架。
QQ,
你睇喜羊羊與灰太郎既咩？
indy
qq/+9
幾句話聽出這男人的水準了啦！
面子大過天，求愛要裝成為對方好，這種人嫁左喊三聲。
老老實實話自己很孤單，問下立冬姐有無機會黎飲下湯，咁應該會好Ｄ。
不過，結過婚失敗的男人，無論咩情況，都至少要驗下之前段婚姻因咩失敗先得，有前科者通常很易再犯相同錯誤。
indy
卡卡卡卡，可能月圓之夜，睇見人家一雙一對，所以就心急左D囉。
啊哈哈哈哈哈哈哈哈。。。。。。。。
用詞不當阿。
我看這個老同學是患上：
妄想娶妻症。
Candy妹用飢不擇食好似唔係幾正確喎，立冬姐質素好高架喎，你咁樣講好似踩左我一腳啊。
我覺得你這個老同學好像飢不擇食咁ge樣, 實嚇走一眾女士啦!
隨緣吧。。。。。。。。
很多事情都是命運安排的。
大博士，立冬曰：嘻嘻嘻！娶妻求淑女呀，做人唔好咁貪心啦。
點解妳呢位老同學咁㗎？
咁咪即係自己把門關上。
立冬曰：氣！氣！氣！
Wongi，我跟他說我有很多仍未結婚的女朋友可以介紹給他的，豈料他說：有無你咁靚先．我唯有答見仁見智啦．果陣真係想即刻收佢線架．因為佢自己又唔係靚仔，仲要求對方係靚女，有點兒說不通呢．
哈哈！感謝立冬送上這個佳節大笑話！
獎品是一粒星星！
這個男生如此‘飛擒大咬’，一定要請他吃檸檬！
不然，他一定以爲我們女生‘隨傳隨到’！
你們已經幾年沒見了, 可能他有很大改變也不一定, 何妨約出來見過面, 給他一個機會吧!!
千里姻緣一線牽...呵呵呵
奇哥，我覺得很值得去睇的．
心之，我不是判他死罪，而是沒那種感覺．況且肥人都比較懶的，我姐夫就是個例子．不如介紹你俾佢識，好唔好？
外表倒是次要，肥胖亦可以控制。
倒是男人已作主動，也許他是提了人生最大的勇氣，也許他只聯絡立冬一人，不要先判他死罪，最重要是他的心是否認真向著你，不妨先作了解，再作定奪，世事難料。
建國大業好唔好睇？
對!愛情應該要從朋友開始，自然地發展的。
蛋哥，你睇唔到我已經拒絕左佢咩？
但愿人長久，千里共嬋娟。
中秋之夜，有如此因緣（還不知是不是姻緣啊！），可能是好事，應該給你老同學一個機會呀！
不過這樣的話，“冬粉”們就要搞暴動了。
這位仁兄莫非心急要年晚煎熬
加人有我有星一粒
立冬:月圓之夜最易發生浪漫之事。不過，那位仁兄也太“猴急”了。
拜倒立冬石榴裙下的男生還真不少呵~不過,這位同學也著實太急進了啊!