眼不見為乾淨?
2009/11/23 17:18:51
網誌分類:
寫作
最近天氣轉變,小妹也受鼻敏感的困擾,常打噴嚏,每晚都要服藥睡眠,否則夜半必因吸入冷空氣而睡得不穩。走在街上,同樣看見很多路人打噴嚏。有良心的會用紙巾遮掩一下,沒良心的就任由口水鼻涕一起噴出來。遇著沒公德心的人,唯有自己小心!
某天到茶餐廳吃東西,看見一位侍應生打了一個大噴嚏,然後用手擦一擦鼻子,見有客人坐下,又用同一隻手拿茶杯奉客。心想那個茶杯的細菌真夠多了,自己的又會否一樣?再看看那位負責煮食的大姐,那副「話知你死」的眼神,也不敢多想了!
記得年少時在一間大牌檔吃粥,看見那位煮粥的老闆跌了一大塊免治牛肉在地上,只見他用竹籮側放在地上,然後用那隻穿著人字拖的左腳,一腳把那牛肉球踢入籮中,嚇得我呆了半晌,以後都不敢光顧了。
香港地方吋金呎土,很多食店的廚房都小得可憐,部份工序如洗菜、洗碗等都移師到後巷進行。有時看見工人在佈滿積水的地方洗菜,我一定不會光顧。出外吃東西最大的問題,除了是擔心「味精」之外,還有食物是否「衛生」?朋友看我吃東西不要蔥,以為我不愛吃,其實我只擔心食店沒有把蔥粒徹底洗淨,才儘量不吃。
我家附近有間燒味店以燒肉馳名,在過節時候常出現人龍爭相購買,但我看那伙記不單用手斬肉,更用手收錢。須知那些銀紙最多細菌,而燒肉又是即買即食,不會再加工處理的,那豈非把細菌一同吃下去?既然眼睛看見了又怎能扮作乾淨?心裡有了陰影難免影響味覺。
所以自己閒來沒事都寧願留在家中做飯煲湯,把洗菜當成洗衣服一樣,洗魚洗肉如同自己洗澡一般,那肯定夠徹底了!正所謂「病從口入」,自己做的食物,味道「可能」不及酒樓的大廚師,但論清潔衛生,自己做的「肯定」最好!
早晨。日日有靚湯﹐真係一個溫暖的家﹐難怪其門如市﹐冬冬﹐妳係得O既﹗
美人靚湯正呀
人哥,你有假期嘛,週末兩天就可以自己下廚,煮餐好野俾自己食啦。又或者看看你自己以前刊登過的佳餚,來個望梅止渴吧!
还是家里好啊............
我很可怜啊现在,
每天都在街上吃饭,一天2餐阿.
救命啊!!!!!!!!!!!
Candy妹,唔係天天煲架,邊有咁得閒呀?家權哥就可能日日煲靚湯。
出街找吃,真的眼不見為乾淨啊! 還是立冬姐姐你好,天天煲靚湯,攪到我又想來喝一碗呢!
立冬:
哦...知道啦,謝謝妳!
我近排條氣管好不暢順,因家住附近常換地下渠管!令空氣浮現塵埃...還有點難聞的氣味...
所以希望煲多些湯水家人同飲,和晚上早點睡覺望增強自身能力而已!
也請妳多多休息和保重身體吧
立冬: 要多保重休息呀! Good Night!
立冬靚女靜雞雞入咗來都唔知添, 真係招呼唔到!
出街食嘢真係唔好睇得太清楚, 如果唔係就
奇哥,我開班無人來報名架。
qq,我康復中,有心了。你都好像生病,看來大家都要保重,早些休息啊!
立冬: 今日好番啲未 ?
qq
幾時開班教滾/煲湯?
EE,最好唔好啦。白蘿蔔化氣,與紅蘿蔔功效不同,最好分開啦。
這個是滾湯,三十分鐘已很足夠了。
立冬:
請問妳...紅蘿蔔煲湯可不可以和白蘿蔔同煲?
因我今天買多了一條(買較2斤平一蚊),今天用它同粟米條及西骨齊煲,是以前的一位同事教我...
如可以的話我明天試煲妳以上講的湯水
關EE.
今晚唔舒服,要早休息了,各位晚安!
大臣哥,我都好想食你煮既菜架。
蛋哥咁大隻都應該頂得順的細菌ge.
出去食嘢,计唔到咁多喇,真系眼不见为净0架。
除左自己煮食,咩酒楼都系心唔过。
我煮就好卫生,试下咧~~~
立冬講得真好,『病從口入』;
而更可怕的則是另一句-- --『祸從口出』!
還好上海的街邊檔不合我口味,所以就沒有此種煩惱。哈,哈,阿Q一番
不過番到香港就一般忍唔住嘴,衛生情況暫時放于腦后,反正唔系成日食。
Netnet姐,是滾湯啊。你都試下啦,簡單快捷。
冬妹 :
個靚燙是滾定褒?
出外食飯不能去廁所或廚房觀看否則應響食慾。
沒有呀,不過買左本<清明上河圖>慢慢睇,有埋放大鏡,好清楚!真係佩服得五體投地啊!
立冬姐
有沒有看展覽,我錯過了.
比較之下, 唯一慶幸香港冇內地o甘污糟.
對啊!衛生很重要啊!不然,吃了,肚子痛!
小妹曾經在某餐廳用膳的時候,坐在小妹身旁的仁兄突然做了個吐痰的動作。
嚇得小妹也不敢看,也不去查證是甚麼一回事!立刻動身,付錢,走為上着!
嘩,睇完您地講,我都冇晒胃口,一陣餐晏點算呢 ?
qq
嘩...呢湯好!!
老人家成日話大菌食細菌,就無諗過依家都市人抵抗力比上一輩弱得多...
污糟的食店,造就成鐵打的胃。
一手一腳自己做當然係最好,但出外飲食又無可避免,所以都唔驚得咁多.
唯有樂觀的去想,安慰一下自己,一於想著"大菌食細菌,細菌當補品"
啦!
Zero,所以睇完食店的廚房,可能你以後唔敢出外食野了。以前看過一個節目,說國內有些酒家,那個砧板劏完蛇,又用來斬雞。那條蛇身上的寄生蟲黏滿砧板,廚師只用刀刮兩刮,又繼續斬雞切肉了。
Pancy,四次都有小強?好誇張啊,第五次即使無小強,你都唔敢食啦。
原來若水姐姐有來看我的,歡迎光臨寒舍啊!
我就試過食煎蛋,連續換咗4次,次次都有隻小小強,你話恐唔恐怖.
立冬: 好多食店真係好唔合衛生, 貪方便就冇辦法啦!
立冬妹妹的美食篇,總是惹得我流了不少的口水呢。
Indy,你說得對,中國人吃東西,好似心口有個勇字,咩都敢食的。
冬姐:
你唔好話自己煮得唔夠人地大廚好食, 我次次見你登的湯水照片, 都好想試QQ
講開又講...我記得睇過一飲食節目, 話台灣街邊一品鍋其實是剩飯菜汁撈埋做的, 但當地人好鍾意食.
於是我唸, 中國人係一個咩垃圾都唔怕食的民族, 所以生命力強橫, 就像蟑螂一樣...@@;
indy
我也害怕斬燒味的朋友,一手斬燒味,一手找錢給客人。
我有位舊同事以前是做廚房的,他說自己不敢喝食店的例湯,因為以前他們最愛把吃完吃剩的骨頭,放在例湯裡煲的。聽完之後問你怕唔怕?
有啲食物館嘅衛生情況的確如此,但永遠都有咁多無飯主婦,勇者無懼!
立冬:看來我們對食物都有種潔癖——我就是想確保進入身體的東西盡可能做到是乾淨衛生的,所以就算肚子餓了,經過外面的食肆亦常常是過門不入……但有時候又避無可避,唯有祈求有關人員多多自律喲!
我地呢d日日出街食飯既人真係唯有眼不見為淨...
完全讚同,當妳見到胃口都反晒呀!
+3
哈哈,等我享網上搜尋一些金銀銅杯出來先有得玩啊.哈哈...
自己煮,吃得開心又放心.家裏飯一定比外面的好吃,因為有愛.
靚女快快出來頒獎,博士唔得閒,係呢邊玩住先.
+2
第一名啊