冬天的愛恨交纏
2009/12/07 23:41:34
網誌分類:
寫作
我喜歡冬天,因為愛吃火煱、愛羊腩煲、又愛其它補品。可惜鼻子經常不爭氣,遇到天氣轉涼時,會因鼻敏感而打噴嚏,有時鼻膜腫脹會令呼吸困難,要服食敏感藥才能暢順。雖然明知吃西藥多了會對身體不好,但最緊要是成效快!
香港空氣素質差是鼻敏感的致病原因之一,十個港人可能有七個是受害者。當鼻敏感發作時,會不斷打噴嚏、流鼻水、呼吸困難,令自己無法集中精神或會坐立不安,是很困擾的事。
我的致敏原因很多,例如油煙味、香煙味、樟腦丸味、香水味、塵蟎等等。有時在地鐵遇上那些渾身散發著樟腦味的人,便知他們的衣服是剛從衣櫃底「摷」出來的。也因為近年對香水味有點抗拒,已戒了幾年。記得七、八年前,我還很愛塗香水的,覺得塗了香水的女人特別有女人味。況且香水是女人的一種記認,會令人留下深刻印象。而香水更會隨著體溫散發出不同香氣,又會流露獨特個性,加強女性魅力,讓人一「嗦」難忘。
以前上班前愛塗上香水,但擠在地鐵車廂中,喜歡你味道的人,自然不介意與你靠近,但不喜歡那種味道的,會把你當成有臭狐一樣,掩著鼻子對你怒目而視。所以無論自己認為香水是如何吸引,也該為他人設想,避免在人多擠逼的地方使用。
冬天剛剛開始,還未踏入最冷的時候,待氣溫跌至十度或以下時,冷空氣又會刺激鼻膜,需要靠吃藥來舒緩病徵了。到底鼻敏感能否根治?但願早日找出良方,再做個有香味的女人。
小春,以前我早上起來必定打噴嚏的,但現在已經完全沒有了,相信已經好轉過來.Touch Wood下次再試啦.
係呀,簡單的運動和水其實係天然的寶藏,當然你自己愛護也每天少不了,話你知一個更簡單的保護法,有鼻敏感的再發作時可以在起身前先戴口罩,去洗手間也要戴,直到洗面後才去掉,但出門口再戴上,持之以恆鼻敏感慢慢不再了!
小春,多謝通知!我的鼻敏感突然之間好了,可能早前去健身室不斷做運動,所以體魄強了,加上很多有益湯水補身,現在已非常健康了.
立冬:你咯鼻敏感靠冷伯咯鼻技可以根治,佢05年一出哩本書,我家姐立即買了第一版,我也學過, 你如需要我可以同你寄來,因為我全家全部睇晒, 當然你不想欠我的, 可以向我傳授點樣煲<淮山茨實玉竹蓮子百合陳皮鯽魚西施骨湯>如怕泄露秘笈
也可向冷伯去購買.
我最喜歡吃火鍋,所以一到冬天就肥啊!!
多謝凡人教路啊!一於試下先。
我早兩年都有鼻敏感, 一到秋冬, 辛苦到真想割咗個鼻, 今年情況有所好轉, 你都可以試一試.
方法好簡單, 想打噴嚏時, 用手按揉合谷穴, 即虎口位置, 約三數分鐘, 或搓揉迎香穴直至發熱, 可有效防止噴嚏打出. 久而久之, 鼻部的不適可減輕不小.
我以前也有鼻敏感,自從來到上海后就自然的好了。每個人的鼻敏感成因都不同,不過能夠轉換一下環境,可能會有改善。
慳妹姐講得對啊!那種酸臭味真的很難頂啊!
除了香水和樟腦味之外,另一樣難以忍受的就是有些人只洗澡但忽略洗衣服,行過的時候會嗅到陣陣衣服發出的酸臭!
跑多幾步!
我來喝湯啦!
帥哥,我平時有跑步架。
Jogging may help U
冬姐:
你真係好有PR同Marketing Sense。勁QQ
indy
哈哈!立冬,不用愁啊!
我的朋友曾告訴我,多用紙巾‘blow your nose', 你的鼻子會長高啊!
石仁哥,你有無良方呀?
天涼了.保重啊.
多謝帥哥資料,我會繼續飲多的靚湯架喇.等天氣冷點就花膠煲雞啦.
立冬:
看一看這个
http://hk.knowledge.yahoo.com/question/question?qid=7009112201839
帥
有鼻敏感真是慘!!!我女也有鼻敏感,很時辛苦到話想割左個鼻算了。
望妳快O的好番﹗以前我沒有鼻敏感的﹐這幾年空氣質素差我也成為受害者﹐食O野時真係好麻煩。
今日天氣唔好呀...出門記得著多件衫同埋帶把遮呀....~★
EE,個湯有魚有骨,特別鮮味架.如果單用肉來煲,效果無咁正架.
May姐,係喎,你日頭好少出現架喎,多謝俾面呢!
希望大家早日搵到良方啦.
立冬早晨!難得有機會在這個時候向您道聲 !
我也有同樣的煩惱,遇到換季、灰塵……就會猛流鼻水,包一大堆“雲吞”……
同盼:但愿早日找出良方。+8
立冬:
看了的妳這篇網誌才知"魚和西施骨"可同煲的,(又學多一味湯水啦)
謝謝。
關EE.
心之,我唔想打針呢,真係怕有副作用,同埋日後越打越勁啊!
多謝Indy的建議,所以你見我經常煲淮山茨實湯,其實都係想強身,補脾胃及五臟的.我最近洗左牙,怕吃中藥會令副牙齒變黃啊.
體質唔好都會病發。
最近看到報章新聞,說是有針可打,不過要打多針,打到好為止,打針是否有副作用,好定唔好,實在唔知。
又有靚湯水啊
+6
冬姐:
中醫話鼻敏感其實係內臟問題, 我唔記得係肝鬱定脾虛.
總之訓返夠, 戒下口一排, 食返多D飯, 補返身體的正氣, 煲多D薏米茨實淮山湯飲, 應該會好...
致敏源係一個問題, 身體處理致敏源的能力, 又係另一個問題.
有時間不妨搵個好中醫把下脈,我會建議去浸會名下的中醫診所睇, 駐診醫生甚麼有D係經驗豐富的教授黎...
indy
冬天令人懶洋洋,太凍,唔想郁.
qq+4
冬天愛恨交纏?
冬天係進補, 食好嘢嘅時候就真!
3 號星
我也又愛又怕吃火鍋,就好像怕吃自助餐一樣,每次吃完那種飽肚感很不舒服!