澳門手信
2010/01/06 20:13:55 網誌分類: 寫作
同事最近到澳門，帶了幾種零食回來，包括「迷你杏仁餅」、「鳥結糖」和「黑芝麻花生糖」。反而沒買那種「三千年開花、三千年結果」的東西，令我有點失望！
我自少佩服那位想出這兩句廣告標語的人，好像還有兩句：「此果只應天上有，人間哪得幾回嚐？」但那些黑漆漆的東西是甚麼？吃了幾十年依然蒙在鼓裡。以前年少無知，以為這種印有嫦娥奔月的桃紅色小盒，是種極珍貴的食物，致使我每次貪得無厭的吃上十多盒。後來姐姐說這麼便宜的東西怎會珍貴？一語說穿了！但是小孩子心性，看見甜甜酸酸的東西總愛亂嚼一餐的。
提起澳門手信，當然要說杏仁餅。以前的杏仁餅，中間有層白色的豬油，但今天的迷你版已少了那層白，多了些碎杏仁，但味道更好！加上體積較小，可以一口吃下，自然更適合我們這些櫻桃小咀，講究儀態的小女人。那時大大個的杏仁餅，又乾又易碎，其實一點都不好吃。另外有種叫「豬油糕」的，好像用牛油紙包裹著，味道已忘記了，也不知現時是否仍然有售？然而，在澳門手信街，最香氣四溢的一定是豬肉乾、牛肉乾之類。但香港賣這些東西的地方太多，也看得膩了！還有那些雞蛋筒，圓筒長條型的、摺成長方盒型，內有椰絲、花生的。香港全部都有了，能有甚麼是澳門獨家發售的？
我對孩童時代的食物本該早已遺忘，若非兄弟姊妹閒聊時愛懷舊，喜歡想當年，又豈能讓我重拾昔日人、情、事？可惜記憶總有衰退之時，唯有從文字中細意回味。
唔記得囉，王母蟠桃之類。
我都想食三千年開花結果
你大师姐宜家好努力甘闭关苦练“股--------神奇功”！好快大功告成喇！
等佢一出山，你地峨眉派，用金砖黎起屋都得啦！今次，真系金屋藏娇罗喂~呵呵~
多謝表哥！
表妹，短文生動有趣，讚。
大臣哥，大師姐淨係去探你咋，好耐無來睇我喇。
君儿女侠确实系黎度打左个转，老老实实，啊。不过佢丢低个唔知边度黎0既美女，话帮我红袖添烛。就飘然而去哦，到处都搵佢吾到。那，某收埋0架~
点解某去拜揭峨眉派首任当家君儿女侠啊，听讲人家今年又有皇上的金银赏赐哦！
那句"此果只應天上有 哪得人間幾回嚐" 我都覺得正，好耐之前我已背了這兩句啦！
最近澳門鉅記在銅鑼灣開分店了。買手信唔駛去澳門QQ
以前有人去澳門我就想佢幫我買陳皮的說。
後來在旺角找到冠華，就不駛幫襯鉅記了。
indy
Indy，以前好似真係去親澳門先至有，但網友佩妮說么鳳都有得賣．香港應該咩都有得賣了．
冬姐：
那個是西王母的蟠桃呀！
三千年結果開花。
那個果吃了延年益壽，但不是香港都有售的嗎？
我一直不知那是澳門獨家。
indy
那包裝俗氣，味道偏甜了些。但我間中都會買，久不久吃一粒。7+
哈哈！
現在喜歡吃澳門帶回來的豬肉乾呢！
迷你的杏仁餅也很好吃呢！
智多星講得咁誇張呢，不過小妹都希望有呢一日．
蛋哥，依家大師姐只去大臣哥屋企，唔來我呢處了，想佢睇到都好艱難．
我細細個果陣先鍾意食＜三千年結果＞，大少少都已經唔鍾意食了．
三千年果子我就唔中意食喇！
最中意有肉心的杏仁餅，有硬粒的也可以。
其他東西嗎，周圍都有，唔算澳門特色。
立冬講澳門手信，系咪想提醒你大師姐識做呀
立冬:你終於給我們貼士,未來的簽名會實見到你,我上刀山下火海也一定去你的簽名會,如果和你一起影張相,本人也三生有幸了.
EE，我去澳門都未坐過巴士添，次次都打的，有機會都要試下．
心之，咁你知唔知＜三千年結果＞的正確名稱係咩呢？
智多星，多謝你捧場，令我很感動！名作家寫文章是有錢收的，但小妹一個仙都沒有．距離收錢的階段尚有一大段距離啊．
我出書的話一定會打響鑼鼓叫人去買的，放心啦，仲要攪個簽名會添．
立冬:不愧為名作家,小弟佩服,外間有沒有你其它的作品介紹給我呢,真想將你咯全部作品吞落腦去好好消化,應該得益良多.
睇外表就以為係好到極品，原來都係一般，三千年結果，係真超攪笑。
立冬:
去澳門...我最鐘意食咀香園的杏仁餅,記得第一次去澳門...那時是有單層公共車搭的,上車後沒位坐就只好揸住頭上的橫繩,沿途都有位女聲問:是否有人要落車呀?每個站都聽到她在叫..
我們一班大儍坐到終站才知那橫繩原來是下車專用的
關EE.
小春哥又來開玩笑啊．貼出來想嚇死人咩．
賽馬兄係度講笑借,立冬,你不如大方點影張靚相係度,我地大家就唔會心思思.男人睇靚女係好正常咯反映,女人唔靚邊有人睇借,你生得靚唔怕給人欣賞了,係味!
聽我媽咪講,公開自己幅相,中六合彩就更易如反掌,立冬你容光煥發相一出來不出三月必中六合彩,信不信由你!
馬哥，我又點會當街吃杏仁餅呢？大家千祈唔好亂咁影人相呀．
下次見到當街有人好有儀態的食咁杏仁餅時見到個張櫻桃小咀的美人，肯定是立冬妹了,各位記得帶相機影低呵!
機不可失, 時不再來!
安仔都食過豬油糕呀？記唔記得咩味呀？
無端端吃過新鮮的杏仁餅呀？點解會食得到呢？
佩妮記性好好啊，個名雖然叫＜皇母蟠桃＞，但真正是甚麼來呢？請問有沒有人知呢？
原來么鳳有售呀？那麼澳門還有甚麼特式手信呢？
博士，我經常都懷舊啦，我要用文字留住記憶啊！
立冬靚女又來懷舊一番！
澳門手信, 有特色, 又能保留原有風味。
3 號星
杏仁餅的確好好味
+讚星2
「三千年結果」的東西，好像叫皇母「盤」桃喔~
這東西其實香港都有得賣，曾經在銅鑼灣叫[么鳳]，她是專賣涼果的店舖，見過有得賣。
咀香園的杏仁餅不錯.
係囉，我都好耐冇見人買豬油糕番黎做手信啦！
新鮮出爐既杏仁餅很可口,可惜每次帶回香港食入口就覺味道差別好大.