水魚出巡
2010/03/09 00:35:08 網誌分類: 未分類
上星期citibank打電話給我話幫我review下我幾份保單,並保証不是sell再我再買. 我好清楚講明, 我係唔會再買保險.
今日一見, 講完保單, 又係sell我買基金. 個sales知我剛買了份Prudential savings, 要供 $300K, 馬上知自己錯失良機, 因他正想sell我買一份$300K的”封頂與保本”的基金. 他就說他覺得Prudential那份不是太適合我. 又說Prudential的紅利派發是根據他的將來盈利,並非保證. 買過保險的人都知紅利有兩部分,分為保證與不保證. 我笑說,我真是錯有錯著, Prudential剛宣布收購 AIA,收入應該大增啦！ 他也沒反駁. 我再話, 我已供左第一年五萬幾蚊, 我係一定唔會cut.
這份”封頂與保本”的基金, 供5年, 再要鎖住資金7年,一共12年. 12年後攞錢, 會保証拿取這12年來基金的最高價值. 比如買股票基金, 如這12年中最高那年的恆指是35000點, 你便會取回基金相等於恆指35000點時的account value. 如大市不停狂瀉12年, 你在12年後就取回本金(即零 return or保本).
我說, 12年後我已老屹屹, 先至有得攞錢, 死左點算? 這個計劃對我這個age group的人來說是鎖得太長. 他還不死心, 話再打電話俾我.
點解個個當我是 ATM? 照計我個樣唔係好蠢! 真係激死人!
我出年就會有一份好大的保險收成, 應該有七位數字! 不過我投資咁屎, 看來都是會將d錢是但柄埋一邊 (或者床下底) 噢！
中信資源唔生性, 同我拖出去打!!!!!!
馬仔：內需真係幾好的，隻特步都係內需。
我今日見#1205冇乜郁動，所以又加注等運到。我唔知尾市有股份抽上。工作中好難𥄫實個市。
我從來沒買過港鐵架。阿媽就好似係港鐵迷。
馬仔：我又係冇入國藥。其實$32以下都好平，唔怕入。
我今日見#1205冇乜郁動，所以又加注等運到。我唔知尾市有股份抽上。工作中好難𥄫實個市。
我等緊航運股，沉寂一時，幾時到佢升？都睇緊#2357。
咁有某美色呀?
資金同埋膽色.......畝呀!
Persie, 今晚做完功課, 好多心水股都到入貨價, 但係我好驚周五, 十五十六, 不過通常我計劃第二日入貨, d股份都會飆左上去唔睬我, 近排好多企業既業績都好靚仔, 港股既市盈率就會下降, 吸引力亦會增加.
今日下午維達一度沖上 $5.12, 睇番即市走勢圖, 原來係受#1044恆安國際爆升所帶動, 拉衫尾跟升.
馬仔, 睇你都唔會加注咖啦! 如果你想走貨, 我建議你掛定高價沽盤, 寧願臨場改價, 又或者做唔到就算數, 今日中信資源收市微跌, 幸好成交縮減.
港鐵近排最低都係做 $28.05, 今朝最低造 $28.1, 見到我都會入一手先, 但係一瞬即逝.
我覺得今日港股係低位有人密密掃貨推番港股上黎, 可能係因為期指結算/基金季度結, 今日雖然係跌市, 但係股市仲好有鑊氣, 市場氣氛唔差啵! 唔通大鱷想頂埋三月?
短炒其中一個玩法就係搏即市跌過籠, 見大市急跌超過300點, 就有理冇理掃入一兩隻心水股搏反彈, 雨天購物其實勝算好高, 你需要既就係資金同埋膽色.
阿爸似乎係 $15.5 左右已見底
中信資源.中渝置地.招金礦業周五公布業績噢!
~~~~~~~~~~~~~~~~~~~~
中石油董事長蔣潔敏表示,未來會把旗下的江蘇和大連 LNG 接收站及相關業務注入#135中港石油,雖然今年中港石油的盈利與去年相比將有所下降,但隨著業務的調整,相信中港石油的盈利會有所改善,為發展低碳經濟作出貢獻。
昆侖能源 (前稱中油香港 )去年盈利12.03億元，按年跌64.5%，末期息7港仙，按年跌53.3%。期內收入52.8億元，按年跌22.2%。(轉貼)
我見佢日＄28 呀.
本周五 港鐵公司 末期股息: 港元 0.38
港鐵係地產與公用股的混合體, 倉底必選優質股, 具防守性之餘亦會跟地產股上落, 平日波幅不大,早前公布業績好靚仔, 沖上一年新高 $29 就回頭, 落到 $28 就唔肯落, 因為持貨者都等派息.
港鐵已經連續15天守住 $28, 上次恒指跌差不多 500點佢都死守, 勁!
近日我想入貨搏天日收息, 點知佢企得好硬凈, 死守 $28 樓上, 我諗住追唔到就等佢除息後, 落番 $27 邊先至入, 點知剛公布港鐵加票價, 睇黎天日港鐵會造好, 要等港股回調時才有機會上車喇! 激屎!
港鐵 $??,pls
舅父仔，有冇買國藥?
資源商品價格受全球經濟因素影響, 急升急跌, 上落難以捕捉, 其實唔易炒, 我而家都轉吼內需股, 阿爺重視內需, 大鱷耐不耐就炒番一轉, 非常適合跟上車短炒.
我鍾意港鐵多過恒生.
中信資源天日出業績, 不過唔知係幾點鐘公布, 我要吼住睇下出貨定入貨.
My dear angel,
內需股???
我諗任何股票買入都要等嘅。隻招金我唔驚蝕，我只是冇耐性等佢，想平手換馬， 我今日見佢跌咁多，我想在$14.2買多500股。
{處於下跌浪中, 就要預左坐貨等下一個升浪咖啦!} 呵.....我現在知啦.
#1205今朝競價褂＄2。14，褂高一毫.
//#606 爆上// hee, is not my business.
我想用私己錢買＃11 做長倉＄？？,pls
舅父仔, 會唔會考慮趁股市回調時買港鐵放入長倉? 港鐵是地產與公用股的混合體.
馬仔, 恕我直言, 我覺得你既性格唔適合炒資源商品股(油股.金股之類),原因:
股份正處上升趨勢:
當金價.油價上揚, 帶動相關股份急升, 短炒既散戶都會追入搭順風車, 但係你就唔敢入場
股份正處下跌浪:
當金價.油價下挫, 帶動相關股份急跌, 你梗係可以係低位撈貨啦! 但係入左貨你就會好驚, 因為跌勢持續, 你就好想止蝕, 其實你明知金.油正處於下跌浪中, 你伸隻手出去接貨就要預左坐貨等下一個升浪咖啦!
結論:
資源商品板塊波動好大, 炒呢類股份要有充足心理準備才可入場, 我覺得內需股較適合你, 今朝隻 #606 爆上喇!
股戰場多左咁多高手，我唔敢開聲添，怕自己的說話太naive。
唉，David James，你又黎神神化化喇。地下又岩岩有個洞，你真係唔好彩。看來車仔今晚不會失分了。我應該可以轉台了。
樸茅一個球員被打暈抬左出場，另一個爆鼻個鼻狂噴血。車仔你地唔好咁茅喇，勁旅係唔會咁打人架。
糧油，水務股當炒，但我唔熟悉呢D，唔識入。我覺得我入#1205是沒錯的。
多謝soho告知 #606 的入貨位。
一覺醒來，真係涼左。
馬仔, 你天日唔得閒睇市, 不如係開市前競價時段掛定止賺沽盤, 搏大市拋上拋落時食糊都好呀! 你係低位入貨唔會艇好耐, 俾d信心, 唔好咁悲觀啦! 雖然美匯指數差少少上到82, 現時歐洲股市靠穩, 美股跌大約50點, 世事無絕對, 跌市都有上升股份, 況且港股期結在即, 好淡雙方仍在角力, 頭條網高手話向下兩個大位係 20745, 20500.
我都會繼續減倉, 因為驚阿爺周五出招, 美股屢創新高, 但係港股就屎下屎下跟唔到, 真係有隱疾噢! 港股走勢圖已轉差, 我驚港股跟美股跌但係就唔跟升, 咁就屎火喇!
前週恒指遺留裂口 20820 ~ 20899 未回補
散戶心態:
冇貨驚升市, 有貨驚跌市 ~ 定力不足 !!!
冇貨就好想入貨, 入左貨就寧願止蝕都想走貨 ~ 運桔 !!!
明明想減倉, 但係沽貨後又手痕買過第二隻 ~ 矛盾 !!!
因為我有＃2357,#1205, #1818要佢升一蚊執一千難過＃1205,#697升10cents.
我跟佢落＃763，招金佢有舊貨，而我唔想hold 咁多喺手，想放一D，隻招金我喺冇諗住入到咖
馬仔, 你好似話過主席都有入招金, 你唔係打算跟佢一齊落車咩? 早排你日日都話入金, 入到又咁快走鬼?
soho,thanks ,you are my angle guard.
主席話我應該賣＃1818好過，我同意，一隻強勢中一隻弱，但係我明天不能長期對電腦，算啦，law 個彩
剛做完網誌噢! 年紀大手腳慢, 搞左好耐.
我唔會俾你嚇親, 我都係估你入一兩手, 即入即食, $250 我都殺, 贏錢好意頭嘛!
#606 $10.5 樓下入貨才有值搏率, 佢幾次跌到落 $10.3 左右已經跌唔落, 呢兩日回升相信係因為內地旱災, 大鱷借勢炒糧油股, #606 蚊撈價係 $10.22
What do you think #606?
賣雞...即（湯）就有用
soho 唔好瞓抵喎.........一手......暈未$250
O,you are v late tonight.
馬仔, 好開心你既中興一夜情獲利, 你入左幾多手?
你隻賣雞嘅＃3999大成食品今日好得啵! 開市沖入去已經食糊喇! 由於內地旱災, 呢兩日炒糧油食品股, 即日鮮既散戶最鍾意跟風追入.
Persie, 我炒中信資源長短倉都有貨, 不設止蝕, 係一隻我能夠做到愈跌愈買的股份, 今日收 $2.06, 我睇向上向下都係一毫水位, 我都希望佢份業績有改善, 不過近排興見光死, 出完業績就跌.
近排美元強勢, 但係油價落到 78 美元左右已有承接力, 買油股要揀油價回軟時入貨, 然後等收成, 要有入貨膽色同埋坐貨耐性.
您唔喺慳，喺穩陣,
隻招金在弱勢，想平手搵位走咗去。要佢升一蚊執一千難過＃1205,#697升10cents.
少少地都喺錢
馬仔：恭喜你收錢啊！祝財源滾滾來！
我由於明天不貼市，加上有賺，賣咗去。我今年第一次收錢
soho:: 咁隻#1205咪要捱價囉? 希望佢有份靚靚業績喇. 其實今日沽都有五舊但它應不止於此.
馬仔: 如果我昨日隻#697掛低少少今日有得賺. 我沽左特步掛左#697 20K股, 咁今日應該有千幾蚊執. 唔知點解咁慳.
舅父仔，豪B 我走咗寶呀，我2個月前搵到＃3933，跟住無做{簿仔法}，呢兩日諗起，兮!!!!
憂慮加息, 加上政策打壓, 兩地 地產股有明顯沽壓, 恒指已連續兩天收低於5/10/20天平均線, 過去六日恒指都是日升日跌, 按此走勢模式, 周三有可能係跌市.
不過現時道指升得好靚仔, 近日公布業績既企業大部份都勝預期, 港股又好難大插, 斷估港股就算回調也不會深, 如果道指再創新高, 相信天日大鱷亦樂得借勢推升係高位出貨.
下周一夏令時間, 歐洲將會在本港時間下午三時開市, 我反而擔心以後港股尾市會受歐洲方面影響而波動, 由於後市不明朗, 所以我會在三月份盡量減倉.
BTW 你地有冇留意一隻股份＃3999大成食品，賣雞嘅，乜有得做咩？
so大師 你估聽日升定跌?
我聽日9 am sharp見客，
可能同廁紙一樣，震完再上，但一上就碌番落黎，要𥄫實。
中信資源係大落後股, 好少企係 $2 樓下, 多數係 $2 ~ $2.2 窄幅上落, 今次連跌三天, 有點奇怪
1) 本周五出業績, 去年業績麻麻地, 照計今年亦不會寄予厚望, 所以業績前冇炒上去, 今日跌到落 $1.99 有點莫名其妙
2) 難度是震倉收貨? 今日成交大幅增加, 諗唔明.
中航科工今日造好相信係因為向母公司收購資產, 陸 Sir 話 // 注入的兩個項目雖然較細但利好，睇中航科工要睇長啲，每次較大調整都可以吸納，若好想買在3.7元可以開始分段吸納。//
soho: 我都覺得杜指好奇怪，唔肯跌，基金季結應該係其中一個理由。國藥和太航跌得唔錯，但 #2357係都企硬！#1205跌落$1.90無相干，可再加注。
馬仔, 你入左8000股中信資源, 由於貨多以及係近期低位入貨, 就算升幅不多亦能食糊, 冇壞丫, 你今日入三隻股份都係相對低位, 獲利機會好大, 我建議你不設止蝕, 屎喇! 唔知主席睇到會唔會鬧我教壞細路呢?
近排出左業績既企業大部份都好靚仔, 換句話說, 港股既市盈率就會下降, 對港股有支持作用, 對後市不應看得太淡.
我都睇到＃2343跌咗好多日，但我唔入啦。留D錢加＃763.
#1205我褂盤買8000，下午醒起你講細細住想改4000，已成交咗.
馬仔, 股票市場升與跌循環不息, 除非有大鑊野發生, 否則不會走單邊, 換句話說, 股市跌完就會升, 相反亦然, 大鱷係高位派貨, 我等散戶只要耐心等候筍價才接貨亦冇壞, 就算艇都唔會坐好耐, 因為股市跌完就會重新上路, 到時就可獲利, 所以見到大鱷派貨, 就要忍到低位先至好出手.
Persie說中了我的意思, 冇人知股市個底係邊樹, 我地只好分注入貨來拉低成本價, 就好似隻中信資源亦有可能落到 $1.9, 我就會加注而唔係止蝕, 中興雖然係低位, 但亦唔排除會轆落 $42, 大鱷係衍生市場度搵食, 好多時要不問價沽出或追入正股, 我地見股份到心水價不妨出手, 優質股份是有投資價值的.
Persie, 太航連跌六天, 由高位跌了差不多一成, 近日好多股份都俾大鱷抽高黎掟, 沽得好狠.
陸 Sir 同頭條網既分析高手都不約而同話美股見頂, 但係又唔見美股大跌, 仲愈升愈有, 歐洲亦好硬凈, 我係度諗緊會唔會因為基金季度結呢?
馬仔：我只有ipod touch，我用來看看D股票野。公司講明叫我地唔好用公司電腦睇股票，但買賣我仍博懵用公司電腦，因為IT的同事提我唔好用iPod做。
uncle persie ipod can do on net??咁你在office電腦買賣呀？？定用iphone
我以為招金會買唔到，＃1205,#1818是短炒的.
馬仔：所以soho就係講要分注，慢慢買。如果大鱷派幾日，你第一日已經用晒子彈，遲下就冇錢買平貨。
馬仔: 我今日冇掛國藥因為我好想入#697 ($1.66), 亦冇諗過我會入唔到. 我見隻國藥冇乜升勢, 覺得如果想賺一千幾百#697好似仲容易, 但現在國藥可能已跌到投資價位.
我買左隻ipod, 在公司可看到股戰場的留言, 但我log in之後卻留不到言,要再研究一下. 不過隻野只可打英文, 打唔到中文.
因為看到主席留言, 我$2.02入左 #1205. 我並不知道尾市大瀉, 係咪好羊群呢？哈哈！不過我買左好少啫, 再跌可加注 .
我老闆今朝唔喺office，法例規定我要有人監督下工作(means in the same office)
招金x1 and ＃1205在今朝褂的，
#763x1......個刻我咁啱埋電腦睇到，即打電話，做＄43.85/9，我試＄43.8，收線，電話即晌，做咗。
所有盤在下午3點後全做到, 所以我先驚.#1205我有D後恢因買得多.
豪婆婆 容許我問一愚蠢問題，倘若大戶真的派貨，咁仲買？
馬仔, 巧犀利噢! 三個盤都係靚價啵! 你今日有好多時間睇市咩? 本周五中信資源出業績噢! 上次份業績好屎, 相信今次會有改善.
你要留意一個重要指標, 當好多心儀既股份紛紛跌到落心水入貨價, 就要有逆向思維, 問一問自己, 大鱷係唔係派緊貨? 所以隻隻到價呢? 是否市況已逆轉而自己卻懵然不知呢? 既然升市我地唔會沽清倉底貨, 跌市也不應用盡子彈入貨, 任可時候都要作出兩手準備, 股市難測, 世事無絕對, 大鱷隨時變臉.
今日上午成交280億, 下午交易時間比上午短, 成交都有255億, 下午跌落黎個浸成交增加, 尤其是最後半小時, 沽得好急, 股份跌到走晒樣, 市況不穩, 手上既貨有得食就食, 唔好大貪噢!
你要問下自己, 如果未來幾日大跌, 你會唔會有壓力? 你仲有冇資金低位撈貨? 適當時候就要減倉.
~~~~~~~~~~~~~~~~~~~
各位中航科工擁躉,
#2357 中航科工公布，向母公司收購中航凱天與中航蘭飛權益，總代價為9.08億元人民幣，以配合其擴大航空業務規模與提高盈利能力之計畫。中航凱天主要從事大氣 數據採集系統及相關專業航空儀器錶的業務的研究、製造及銷售。中航蘭飛主要從事航空自動控制器件及儀錶的研究、製造及銷售。(轉貼 23/3)
我今日做咗3個盤，#763$43.8
#1205$2.04
#1818$14.94
豪B，舅父仔，我有D驚,居然3個做齊. 好多股臨尾半個鐘跌得好快.
舅父仔，你應該入到國藥
六合彩歷來第二最高獎金 6800萬頭獎明日攪珠（23/3）
soho
我今日 $16.02 掛牌入阿爸, 孤寒得滯失敗了, 阿爸從近期高位 $18.44 轆落黎, 現水位我會考慮入第一注, $19 ~ $21 你就追入, $16.17 竟然唔制!!!!!!
馬仔, 怕一買就艇咪就係心魔囉! 如果係超筍價, 就算低處未算低, 好快都會浮上水面俾你食糊, 相反, 高追有機會摸頂, 股份重上高位反而較難, 你短炒往往輸多贏少就係因為你掉轉左黎做野, 敢高追卻不肯低吸, 其實高追坐艇機會比低吸更大.
你回想下港交所.阿爸...... 都係沖緊上去時你買入, 跌落去又唔加注, 結果呢? 你要對隻股份有信心, 只要係優質股份, 分注向下買, 其實贏面好高, 你好多時都係入到第二注就驚, 結果錯失了超筍價入貨機會.
你要檢視一下你曾經炒過既股份, 睇下你在炒賣過程中邊度出左問題, 日後就不要再重蹈覆轍, 散戶要不斷修正炒股方法才有機會致勝, 如果你過往既短炒方法令你獲利, 你當然可繼續沿用, 相反, 如果係蝕本多, 就一定要改變, 否則......
唔好成日計住手上有幾多隻蟹, 蝕左幾多錢, 短炒要有不怕死的精神, 因為大跌才會有超筍價, 當時既市場氣氛一定好差, 要鼓起勇氣入市撈貨.
以紙巾為例, 佢由近期高位 $5.67 一直轆落黎, 紙巾發盈喜是在 $4.7x 起步, 所以我今早夠膽係 $4.9 入第一注貨, 我估佢下跌空間有限, 不過我已有心理準備再跌入第二注, 點知佢即刻大幅反彈俾我食糊, 如果我好似你咁驚低處未算低, 今日就冇糊食喇!
大跌市係人都驚啦! 我都唔例外, 今日恒指跌近500點我都嚇一跳! 不過我照樣入貨, 因為我相信分注買入風險不大, 你要明白冇人可以係最低位入貨咖! 我降低風險既方法就係每注銀碼減少, 以前我入首長呢類股仔, 每注起碼入一兩萬股, 而家就每注入4000~6000股, 中信資源就由每注一萬股降至每注4000股, 寧願入多幾注都唔想一注就用晒子彈.