安樂窩
同事買了物業後一直問題多多，之前懷疑樓上單位滲水，要求入屋檢查，卻遭對方強硬拒絕，更因對方是大律師，每次回覆都用上法律觀點和用語，令同事甚為苦惱。最近更出現嚴重滲水，一屋傢俱全被浸濕了。跟另一同事提起，她也有朋友的房屋有滲水問題，後來管理處建議他們找某間公司，說當年那幢大廈的水渠是他們負責的，知道當年發展商用了某種喉管，時間久了便容易爆裂。
我也有朋友買了一間漏水樓，每逢滂沱大雨，主人房的牆壁必定滲水，令牆紙出現一大個水漬。每次看見大雨，不期然便想起了她。可憐她窮了一生積蓄，卻買不到一間安樂窩。
買房子很講運氣的。一個人運氣不好，自然容易找到一間有問題的房子。像我以前的老闆，在淺水灣買了一間二千多呎的豪宅，原來家裡有鬼的，還經常在夜半出現，嚇得兩個老人家晚晚睡不安寧。又有朋友的房屋，隔壁住了一位患糖尿病的婆婆，多年來行動不便，雙腿肌肉腐爛還時常傳出惡臭，朋友想把物業賣掉卻一直賣不出。又有朋友的隔壁是個精神病患者，終日胡言亂語，旁人聽著難免心驚膽跳，寢食難安。
能否有一班好鄰居，當然要靠點個人運氣，但發展商有沒有偷工減料，也是責無旁貸！小市民花了畢生積蓄置業，卻換來一間千瘡百孔的房子，豈非害人一家？那些縮水樓分明是騙人錢財的，而短樁樓、鹽水樓更是殺人於無形，威脅市民性命安全，該罪加一等！
都市人生活忙碌，為兩餐已疲於奔命，還要為一間到處漏水的房子而傷透腦筋，家宅如何安寧？發展商建築樓宇時也該本著「良心」來為市民服務，別只求外表華麗堂皇，內裡卻經不起時間考驗，更不斷為住戶製造麻煩。
買樓動輒過百萬元，是小市民的血汗金錢。發展商賺錢，不能本著「過了海便是神仙」的態度，還要對得起天地良心！物業素質高自然贏得顧客口碑，商譽和生意越做越好，有麝自然會香。
希望各位發展商日後在用料上多加注意，切勿虛有其表來製造糖衣陷阱，遺禍他人，更別只管賺大錢而妄顧他人幸福！請共同為小市民的安樂窩多盡點社會責任吧！
心之說出租樓的問題，又好似真係仲頭痛喎．幸好我的業主對我很好，住了七年了，只有我說要加租給他，他從沒要求過我甚麼的．太好了！
淺雪姐看問題看得很深入呢．沒錯，家宅不寧影響心情，白頭髮一定出多的呢．
多謝如玉妹妹加星支持！
Indy，要咁型先襯你架嘛．
冬姐:
你隻黑超貓好型喎 !
過獎啦QQ
indy
實在不幸
13+
如果買到間樓咁麻煩..唔止白頭髮都出多的.
重會倆公婆吵大鑊添.
你怨我..我怨你..
租樓壓力仲大，因為住得一年，業主話放盤，你就要走，業主話狂加租，你又要走，要租新屋，四周搵盤，搵到你傻，仲要搬屋，家具可能又要添購，真係煩到唔識講。
買乜都係講彩數，尤其買樓，好同意你講，真係咁大舊錢比落去，買唔買到安樂窩都係好講運氣，係一項好大風險的投資。
買樓有時會睇彩數 ~
Wongi，你咁精明，應該買到靚樓的。
小男人很有智慧啊！
屋大不如心寬.......有幾人可以做到,阿彌陀佛
立冬，呼籲大家小心很有公德呢！
在香港買樓，要多多小心!
唔好客氣,我都受過呢D苦先識.
Indy都好硬淨喎，很明顯是談判專家呢．
多謝Pancy提供既資料，希望大家都來睇下，知道多的常識也可以教下朋友．
唔該晒Pancy!
立冬,
食環署只驗去水管漏水,佢地多數用色粉測試同測儑度,對滲水或隔層滲水、食水管漏水無能為力.
如果食環署要驗漏水,上層業主唔能夠唔開門,只能夠拖.
如果食水管漏水,要搵水務署.
仲有,叫妳朋友打1823就可以
冬姐：
你唔俾食環署上來驗，樓下繼續投訴，分分鐘仲煩。
食環署上來，會用顏色水試，做中介人，驗清驗楚，係邊個位漏，佢會話你知。
有中介人驗左，唔到樓下的人混水摸魚，有時對方惡，話你漏水，見你驚，就會乘機話你漏水損毀左佢財物。見你震，就會把賠償金額加大，例如話唔止厠所漏，廚房廳又漏，又要你賠幾多幾多。咁咪仲死？
所以，食環署話驗，我一定開門。如果要維修，我仲會叫埋管理處派人睇，做中間人證實我修理左，實行揚開，等全世界都知我維修。等樓下咪亂殺價！
我見過借Ｄ二亂開數的人，人有一種劣根性－－得一想二，得寸進尺。
我的對策，連一寸都同你計較，計清計楚，等佢知道，想佔我一寸便宜要付沉重代價，咁佢知道代價大，就會打消占我一尺便宜的念頭。
PS食環署似乎都唔係好慢，可以期待他們按時按候有一定工作進度。
indy
大臣哥，係啦，發展商要有社會責任架，唔係起完樓賺完錢就算數呢．
Sam，是呢，我有鄰居經常夜深時份大力關門，我真係嚇左一大跳架．
心之，買樓自住真係要好小心，可能租樓的壓力無咁大呢．
扇子，咁你解決左未呢？依家仲有無漏水呀？
Indy，如果食環處來到你家，是否一定要開門俾佢呢？因為同事剛剛說起，不一定要開門俾佢，還有他們做事比較慢的．對嗎？
蛋哥，請問上海的房子多唔多漏水呢？
多謝Pancy和各位朋友教路，我會叫他們來看各位的留言的，多謝！
立冬,
你朋友主人房落雨滲水,一定係外牆滲水.應該先係睇外牆有冇裂縫,再通知管理公司維修.如果再有問題,揾民政署民政主任幫手.呢D問題比較易解決.
另一位朋友比較難,因為要證明樓上滲水由去水或來水引起,最好找管理公司的話事人跟進.
小時候住灣仔一大廈，住的房間，一到落雨天，靠外墻的墻壁就不斷滲水，后來還要在靠墻的地下挖一條小溝，用來去水。
當時是小孩心性，一到下雨天，最喜歡看水在這小溝中流去，還弄點小船呀什么的，放在水面上。
在香港有無樓都咁煩﹐令人疲憊不堪﹗
have a nice ｄａｙ﹗
我都試過被人投訴漏水，食環署會派人驗。
多謝提醒啊
加小心星9
發展商就係咁啦，政府又唔規管，咁咪只好由屋主公民抗命，不過，又有幾個能抗命成功，無法啦，香港地好似係騙子天堂，有錢人天堂。
立冬,我的鄰居也經常發出噪音,無奈! 好鄰居難求.
(打穿上層天花,好利害^^!)
是呀是呀！立冬真系有心，应该大声呼吁！
起码作为建筑商，都要有良心。至于隔壁住着什么人，就真的讲缘分了。
几乎所有情况，我都见过。系几头痛0架~好多页就简直系想帮都帮唔上忙。
大家都要靠道德啊，良心啊，善心啊，才能解决，但系，宜家个世界，又有几多人愿意积阴德啊~~~
除左同情，就系呼吁大家都讲道德，积阴德！！！！！
食環處廢架...落色粉....比張紙樓上叫維修(無法律力量)...樓上唔做....仲唔開門....吹牙....咪一聲無計.....收エ
我朋友攪半年特首辦都寄埋信....吊.....咪以行動做野.....得左
立冬：告訴你的朋友——政府有個部門可幫手解決問題，就是向食環署投訴，很快就會有職員上門來檢驗！+5
有錢買樓又有另一種煩惱...
話說回來, 而家d新樓貴舊樓咁多, 硬件應該唔會差. 問題係比唔比得起囉...
但呢個方法好似兩敗俱傷喎。
對付上層惡人...我的朋友在以前舊居便有一法攪定(不過好痛苦)
首先我一個日子上層不在家及自己要離港1天及不怕黑白2道
等上層出路便將漏水處之天花打穿至上層及快快離港1天
1天後回來,上層便會死死地我你....哈哈...
朋友現在已賣出及到深圳定居及日日飲湯
(註:朋友是渠王(大隻佬))
係呀表哥，你仲成日有靚湯飲同好野食呢。
如果隔壁住的是表妹這樣的好人，那屋外下大雨，屋裏下小雨又算得了什麽。
平哥，咁有係喎．
冬妹: 買樓, 請外傭, 揀老公老婆或男女朋友, 都要講運氣, 好多0野開頭係睇唔到架!
+1