"都係繼續努力啦"
"有時有伴比無更加教人寂寞,孤獨.更加需要獨立唔能夠依賴--尤其對男人(對炎呢種男人)黎講更甚."
..........所以坦白講炎對愛情呢樣野態度係矛盾.既好想有,但又好鬼怕有.因為呢家野,好就好好,唔好就煩到人想X人老母.尤其而家炎正處事業起步既階段,感情頃惱係可免則免.
不過,呢D係上天安排既事,係緣法所至,唔到炎話事.
所以都係隨緣算.但就邊隨緣邊勤修善積德,希望由此天可憐見,俾個合適既對象我呢個"愚者"炎澄魂.
確實,有時愛情之所以令人咁煩,係因為"對象"唔啱.但何謂啱何謂唔啱,有時又真係好難講.要睇好多野,同埋要俾時間發展.因為所謂"時位移人",世事常變,同一個人,可能隔左一排,又會突然間變得同以前唔一様,例之前做人對事都好無信心,點知因為一次成功,自信心即突然番黎,咁佢呢個人就跟以前唔同左,往後既人生路亦可能會有轉變.
所以若愛情同對象有時係要睇長遠少少,尤其已成伴者,就更加唔好眼淺睇到對方少少野,或某D野唔啱自己,就認為揀錯,人地唔係自己真正既對象.放棄.咁好無謂同無必要.
........(一笑)打文開解完某位網友既感情煩惱後,突然有上面D感想.
有伴對而家既炎黎講係好事,不過無,事實上亦唔係壞事--起碼有時間專心裝備自己,到"那避無可避既傢伙"真係出現,係埋一齊時大家都過得愜意D.
所以而家炎係一方面無愛情之苦照呻,但另一方面亦加緊努力提昇自己既內涵.因為唔知點解,硬係有種感覺,覺得"個個人"今年之內會出現.但唔係都無問題,因為提昇內涵點都係有賺無蝕.
所以都係繼續努力啦.
二零一零年七月一日
早上九時四十一分
炎澄魂字