PACO名人會
PACO名人會
PACO名人會

《全城戒備》勁收7千萬票房 陳木勝睇好功夫動作片 林小明:電影明顯向北移

2010/08/16 08:43:56 網誌分類: 生活
16 Aug

 常言道「電影人需要創作空間」,這點我絕對贊同,剛上映的《全城戒備》玩妖獸大戰,CG特技、動作爆破,讓人拍案叫絕,這正是觀眾需求的創作電影,導演陳木勝功不可沒,演員配搭、場面控制,盡在掌握中,說到內地累積票房達7千萬元(截至上周六),老闆林小明喜上眉梢,無他,面子獎金雙贏,誰不樂乎?主持:黃柏高

統籌:林永匡

協力:彭燕燕、袁東亮

 一部電影的成敗,觀乎出品人對導演的信任程度,林小明對陳木勝抱有絕對信任,放手任對方創作,從選角至拍攝,一切都全交導演陳木勝手上。

 林小明:「拍完《男兒本色》已開始籌備《全城戒備》,後期做足一年,當初陳木勝話想試下拍得奇幻啲、誇張啲,咪試囉,我哋唔係以特技掛帥,講特技點同荷里活比?人哋行早我哋十年,但亦唔可以因為咁唔行呢一步,陳木勝做事好認真,拍完都剪咗三個版本畀我睇,剪到最好為止,我對佢好有信心。」

 陳木勝:「老闆好好,好支持我,自己想突破,拍動作片一向好實淨,今次玩變種人,動作可以超現實,『變』係指人性,做人無分好定壞,只要一個念頭就可以變成壞人。曾經有人問我抄外國變種人概念會否尷尬,我話無,點解會係尷尬?外國人都拍功夫片啦,人哋轉頭整部《功夫熊貓》贏晒添,對我嚟講,拍CG特技係新嘗試,認識更多,有咗今次經驗,未來可以再做得更好。」

 睇透巿場動向

 隨着合拍片的興起,香港電影復甦,電影人有更大發展空間,CG特技讓《全城戒備》更添引力,說到電影巿況,寰宇老闆林小明馬上跟我分析局面。

 林小明:「今時今日,電影明顯向北移,如果拍一部超過5000萬的片,一定要有大陸支持,題材趨向國際化,唔會再係地道港產片式的《古惑仔》,除非內地巿場放寬,唔係根本唔使做,如果你硬要用一千幾百萬拍部片出嚟,除非好有話題性,唔係都好難,因為觀眾會識比較,唔係你剪個預告片出嚟好勁就得,要提高質素,同外國巿場競爭,合拍片令票房增加,其實商業對電影投資好大,內地觀眾層面對電影觀感濃厚,試多啲題材。明年預計開五部電影,其中一部投資過億的時裝警匪片會同陳木勝合作,亦會同彭氏兄弟合作一部3D特技古裝片同一部鬼片,還有其他考慮中。」

郭富城放低包袱

 演員需懂得「豁出去」演戲,若受身份形象掣肘而演得不好,痛苦的只有自己。導演陳木勝識用演員,舒淇、張靜初、郭富城、吳京、鄒兆龍全部打得又睇得。

 陳木勝:「今次舉手投足全部都係錢,班演員好拼搏,動作場面大多親身上陣,我諗郭富城早已有心理準備迎接咁大型動作,其實拍完《三岔口》後,佢愈嚟愈唔錫身,放低晒包袱,有人問我點解城城中生化毒都仲咁靚仔?相由心生嘛。張靜初文戲做得好好,之前《寶貝計劃》已想搵佢合作,但夾唔到期。舒淇係意料之外,始終成部戲啲心機設計放重動作方面,我覺得舒淇係好聰明,做戲快而準,講一知三,係話頭醒尾那種。」

 林小明:「我都想讚郭富城,拍戲好投入亦好專業,有場戲話佢中毒發脹,化肥妝好熱,搞到出熱痱。張靜初都好搏命,打得有紋有路。」

激讚吳京打得

 對動作場面,陳木勝有絕對信心,演員很重要,真功夫肯拼搏,吳京打得出色,鄒兆龍亦見精采,觀眾入場自然睇得肉緊,導演說,武指功不可沒。

 陳木勝:「吳京好打,《男兒本色》已知,內地觀眾好鍾意佢,佢同鄒兆龍打得好,將功夫放落變種人度,好正,大家好有默契,剛合作完《少林寺》,見到吳京進步好多。武術指導志叔真係好,設計動作做得好好,其中一場戲兩邊街泊滿車,然後條好窄嘅馬路上兩邊飆車再對打,演員拍攝時好危險亦好精采,我知呢場戲喺志叔腦中構思多年,今次佢送咗畀我,所以真要多謝。完成《少林寺》後期,我打算休息下,淨化下思緒,真係好攰。」

回應 (0)
我要發表
user