Coleman 皈依源頭
Coleman 皈依源頭
Coleman 皈依源頭

堆填區撞大板 焚化爐又走寶

2010/10/29 09:13:50 網誌分類: 時事
29 Oct

講番垃圾處理呢筆,過去十年本港固體廢物增加咗三成四,現有堆填區過幾年就會飽和。當局對廢物處理無所作為,既唔想辦法喺源頭減少垃圾,又唔肯盡快建焚化爐,獨沽一味垃圾堆填區,滿瀉就擴建,呢次卒之搞出個大頭佛。

查實焚化爐唔係洪水猛獸。浸會大學一項研究顯示,以焚化方式處理垃圾喺海外相當普遍,其中德國、荷蘭、台灣、新加坡同日本,焚化爐燒垃圾比例由最少約三成到最高嘅八成。雖然香港起步遲,仍然有條件利用垃圾焚化發電

垃圾焚化可以化腐朽為神奇,既能夠紓緩堆填區壓力,又能夠發電,仲可以創造就業添,一舉三得。咁着數嘅方法,當局居然一拖再拖唔實施,你話係咪個腦有問題吖?

唉,環境局官員眼矇、耳聾兼壞腦,良莠不分,珠寶當係草早有前科啦。呢,青洲英坭四年前已經向環保署提交咗一個處理垃圾方案,叫 「環保廢物熔化系統」。簡單嚟講,就係將水泥生產過程同燒垃圾結合用都市固體廢物代替燃料煤生產水泥,過程中產生嘅剩餘灰燼又可以循環再用,做水泥生產 原料,既環保又有經濟效益,垃圾處理量高過傳統焚化爐,而且成本更低,啱晒香港。

開講有話,禮失求諸野,港府高官明知自己冇腦,照計應該多聽專家意見,集思廣益至係正路㗎。吓,估唔到呢班官老爺有眼無珠,擇惡固執,以選址同當局計劃中選擇嘅地方唔同為理由,拒絕考慮方案。

話時話吖,抽膠袋稅畀人狂炳,港府照樣掠水;派慳電膽券唔驚畀人鬧利益輸送;硬銷停車熄匙劣政亦唔驚擾民,「環保廢物熔化系統」既有利減排又惠及市民,當局居然前怕狼後怕虎,一直唔接納。係咪真心支持環保,畫公仔唔使畫出腸嘞啩。

話到尾,香港環保搞到一鑊泡,處理廢物嘅好橋胎死腹中,好大喜功、冥頑不靈嘅環境局高官難辭其咎。

前兩日有環保團體上街抗議港府喺環保方面無所作為,誓要「休騰華」,表達咗市民嘅心聲。計功夫茶話齋,如果班庸官仲知廉恥,快啲主動讓賢罷啦!

2010年10月26日(二)

http://orientaldaily.on.cc/cnt/news/20101026/00190_001.html?pubdate=20101026

 

 

不能燃燒發電的污泥就用焚化爐,能燃燒發電的垃圾就去堆填。明要浪費人民利益。

堆填區?可以為地產商制造土地嘛!所以博命堆填囉!最近仲狼到喺郊野公園嘅地做垃圾堆填!地點靚,最適合將來做高尚住宅的黃金地皮呀,所以咪堆填囉!唔會選擇啲冇人嘅小島。咪就喺因為唔會有人住嘅地做地產是得地無所用嘛! 

不去發電?會損害電力公司利益嘛!所以咪不用垃圾焚化爐發電囉!

從以上分析,政府唔係冇腦。而且辦事十分精明,很懂得計萛利益。

回應 (0)
我要發表
user

最新回應

Cigam
Cigam 2019/10/27

盈虛仍有數........往天台

指的該是三峽工程及其水掩大地的影響

Cigam
Cigam 2019/10/27

二四八,三七九

指的是八九年的六四運動

二四八,前缺一

三七九,中缺五

89年6月4日,正是農曆五月初一

十八十八
十八十八 2019/10/22

二四八那段開始

小弟覺得

777說的是香港特首林鄭

Coleman 皈依源頭
@我才是義士...

我只看見中國的人民被中共政府欺負和剝削。我只知連馬雲的全副身家都被中共政府吃掉。

新疆原本是自治區,因為有石油,所以全面被中共政府控制和剝削。香港原本是繁華的商業和金融的自治城市,因為繁華富裕,所以中共政府又想全面控制和剝削。

君子無罪,懷壁其罪。

支持盗賊的就是盗賊。

我只知有很多無耻之徒想擠身中共政府,想從被剝削者成為剝削者。