「大吃了一頓」
尋日放工去練拳之前,過左以前讀時裝及營銷採購間學校既地鐵站度上網,跟住順道去附近常去既商場逛.見到之前讀書時常去既串燒皇食店未關,遂想去食晚飯,過口癮。
點知不過八點幾,0個度竟然已經無晚飯食,但真係幾肚餓,於是去另外一間都成日去既上海食店食野。唔去猶自可,一去,點左一杯豆漿四隻鍋貼一個生煎飽加一碗擔擔牛肉麵.大拆(吃)左一番。
食完之後仲要啱啱夠飽,俾餓鬼上左身。
我都頗意外,原來自己有時都幾拆得。
(笑)都係第一次去練拳前食到咁飽。但當時真係好鬼肚餓,又好鍾意食鍋貼,加上好耐無食,所以雖然都知上海野”濃油赤醬”味濃夾肥膩,唔知食唔食得哂,但都唔叉理,照叫左先算。
點知真係清哂。但最搞野既係我叫同食完第三隻鍋貼後,先係右手面張枱個阿姐又同個Waiter叫兩隻鍋貼,到食埋第四隻後,我左手邊同身後面張枱對情侶同一個女人又叫兩隻鍋貼,哈哈!係咪因為見到我阿炎咁大食所以傳染埋俾佢地?
好搞笑!
二零一零年十一月十九日
凌晨一時十四分
炎澄魂字