少年食神：做生意唔係賺就蝕

        食得是福，新晉食家林澄光Michael主持飲食節目《為食一條街》成名，人人讚他識飲識食，然而，成名背後附帶冤屈，那種無中生有的惡意中傷和抹黑，緊隨諸事者跑出來指控他，挑釁是非，盡說不是。須知道，個人信譽很重要，怎能屈服？今天我要給Michael一個機會平反，還找來錢銀糾紛中間人Sunny作證，公道自在人心。

主持：黃柏高
統籌：林永匡
協力：彭燕燕、袁東亮

        捐窿捐罅介紹飲食，林澄光火速爆紅，誰知人紅是非多，這位「少年食神」極速被抹黑成「騙神」，一切錢作怪。

        Michael：「做生意唔係賺就蝕，我承認澳門生意係蝕錢，但我仍願意全數退回文迪（EO2經理人），因為我有個宗旨『千金易得，朋友難求』，做生意唔好唔開心，07年文迪投資五萬元，今年年頭經好友Sunny退回給他。段報道好多資料都有出錯，Otto我真係唔熟。」

        Sunny：「我識Michael好多年，知佢份人好要面，點會為咁少錢丟面？05年我介紹文迪給Michael，係我幫Michael入數畀文迪，張入數紙我仲有保存。」

背心袋退錢給森美

        誰說投資做生意有包賺錢的？因財失義，朋友也做不成，實在可惜，抹黑醜聞中，還搬出尊稱Michael做少年食神的森美。

        Michael：「森美係我朋友，仔細老婆嫩，當日佢去東來居搵我，同我講聽到啲唔好嘅傳聞，話想退錢，我即刻用個紅色背心袋裝住十萬元現金畀佢，做朋友唔使講，最緊要開心，少一點戾氣。」

        Sunny：「早於去年已有傳Michael做生意呃人錢，但我唔信，直至森美來問我，我覺得有必要講出嚟，講真，Michael澳門火鍋店係蝕住走，佢都肯退錢畀文迪，呢個朋友算係咁。」

逐一反駁呃女指控

        一拖兩美主持節目，食盡港九新界隱世佳餚，人人讚Michael識食，讚賞背後還來趟大整蠱，說他跟高海寧撻着。

        Michael：「唉！話我八月帶高Ling（高海寧）去美國，實情我去拍廣告，話高Ling整蛋糕畀我，實情係節目劇情所需，我本人係九月份生日，可能係時空錯亂。報道出街後，我還未親自致電高Ling，始終這些報道是針對我而來，講真，清者自清，高Ling係好拍檔。至於梁敏儀那個車牌，真係誤會，在我嚟講，車牌同電話一樣，當日係借畀佢用，後來自己有部車覺得啱用咪攞番囉。我兩年無拍拖，心中女神最重要係精神和思維上共通，外表真係唔重要。」

食神自白論

        錢作怪，一切是是非非都源於此，難得Michael自嘲做生意難過揀老婆，是的，做朋友亦然。

        Michael：「以後同人合作做生意會小心啲，今次事件無影響我和森美的友誼，反而真係鞏固咗，商台節目《公子會》會繼續，之前請六個星期假係因為做《為食一條街》。我今年36歲，爸爸過身後便接手家族生意，冇呃人，生活亦OK，投資有斬獲，嗜好只係玩車，我唔係吳彥祖，拍拖只可以話隨緣，好似截的士咁，你唔要就周街都有，你想要就伸極手都冇，自己唔係娛樂圈中人，從未想到食版以外會見報，真係好多謝TVB畀機會我，未來日子都係發掘美食介紹下，希望大家學會珍惜，千祈唔好後悔。」

        Paco
        MichaelSunny

        黃柏高