頒獎禮大豐收 RubberBand營火會Show謝Fans
2011/01/24 08:46:43 網誌分類: 娛樂
| 樂隊要在香港樂壇生存絕不容易，因為信念及對音樂創作的全程投入，入行4年的RubberBand，終憑感動人心的歌曲成功得到不少歌迷的支持，在早前的各大音樂頒獎禮上獲獎頻頻，為了答謝歌迷的厚愛，RubberBand將於3月21日在九展舉行三場《RubberBandCaravanTour2011》演唱會，「有別一般Concert，歌手跟歌迷距離好近，仲有嘢食同飲品，好似一個營火會咁，台上台下完全打成一片，是一個新Idea。」RB的御用監製雷頌德（Mark）相當有信心地說。 主持：黃柏高 統籌：林永匡 協力：廖思慧、袁東亮 RubberBand在頒獎禮獲得連場佳績，當然要打鐵趁熱，在這大好形勢為他們開演唱會，以音樂去答謝他們口中很感激的歌迷，而為了更能跟歌迷打成一片，監製雷頌德更特別構思了一個新的演唱會模式，像一個大型Party般，必定令觀眾耳目一新。 雷頌德︰「其實RubberBand要喺紅館開Show係絕對可以㗎，因為佢哋已經儲咗好多歌迷，但佢哋大前提係想做好音樂，唔係想搵好多錢或者想去到咩位置，佢哋好想可以同觀眾好Close，所以揀呢個場，我諗香港從來無試過有演唱會可以同歌手咁接近，另外，除聽音樂之外，仲會有嘢食同有嘢飲，好似一個營火會咁，係一個全新嘅Idea。」 以音樂打動樂迷 Mark的音樂理念跟我好接近，的確，香港的演唱會歷史相當久遠，但到現在開Show模式也是千篇一律，是時候將一些新概念帶給樂迷，所以RB今次的Show會回歸基本，好Musical，以細膩音色及歌聲去打動觀眾。 6號︰「入行第4年，09年舉行的演唱會比較Serious，好似去決戰咁，今次終於可以輕鬆啲，因為已經可以掌握同觀眾互動嘅情，同埋控制現場氣氛，所以今次好想好好同歌迷分享我地呢4年學到嘅嘢。其實每場Show嘅Rundown都有啲唔同，例如一場會去同樂壇前輩致敬，當晚嘅歌都會圍繞呢個主題，所以鍾意我哋嘅歌迷就要買晒咁多場飛嘞。」 泥魚孟︰「我會好好苦練鼓技，好彩我之前搵到一個好幫手，套鼓要Set啲咩聲，佢都可以幫我，所以在演唱會上，套鼓肯定靚聲，編排亦會好精采。」 新專輯充滿愛 為了配合演唱會，RubberBand亦會推出第四張大碟，命名為《Dedicate》，一張令人聽後充滿愛的大碟。 雷頌德︰「因為RB之前曾經做WeddingBand，當時當然係唱人哋嘅歌，所唱嘅亦係情歌，所以今次佢哋會回歸基本，唱一啲耳熟能詳嘅情歌，當然佢哋會自己方法去包裝同演繹。」 泥魚孟︰「我好鍾意陳百強嘅《劃出彩虹》，首歌好勵志好鼓舞，好切合我哋呢刻嘅狀態，好似揭開新一頁咁，我對呢首歌好有感受，玩呢首歌嘅時候亦頗有氣勢。」 MarkLui談RB 因為Mark我才有幸簽到RubberBand，對於後者有今日的成績，Mark自言相當有感受。 「造佢哋同造其他歌手唔同，好多嘢都放晒手比佢哋，只比guideline，等佢哋唔好行歪，唔好浪費時間，我同Paco一齊去扶正佢哋，等觀眾容易去接受，事實證明，好音樂係會有人認同。」 |
 | |
| |
 | |
| |
 | |
| |
 | |
 | |
|
回應 (0)
我要發表
