闊別紅館8年梁詠琪勁歌熱舞會樂迷 一定要唱廣東歌！
2011/02/07 08:47:27 網誌分類: 娛樂
| 相隔8年，梁詠琪（GiGi）於2月26及27日再踏紅館舉行「梁詠琪巡迴演唱會香港G夜」演唱會，久未在紅館開Show的她自言︰「等咗好耐。」的確，GiGi多在外地開Show，唱國語歌的機會較廣東歌為多，可以跟香港歌迷再作近距離接觸，GiGi不敢怠慢，除努力練歌練舞外，更會在彈結他及打鼓方面下苦功，希望帶給歌迷一個滿足的晚上，除此之外，GiGi還會為香港歌迷在演唱上作一個「香港限定」的環節，務求跟香港Fans可以作一個心靈上的感性交流。 主持：黃柏高 統籌：林永匡 協力：廖思慧、袁東亮 去年尾，GiGi先在北京舉行演唱會，由於北京歌迷的超熱情反應，令GiGi相當感動，更為她下月的香港Show打下強心針。 「喺香港做Show大家都想去紅館做，可以同觀眾近啲，感覺親切好多，之前我又好少喺香港，所以呢個Show，我真係等咗好耐。其實我真係好感恩，本應做北京Show，然後有人有興趣幫我喺香港搞，依家北京Show就好似熱身咁，可以食住個勢，又可以畀我有充足時間去加入跳舞環節。雖則演唱會名稱一樣，但曲目唔同，所以都好似由頭做過咁。其實對上一次喺香港開Show，係3年前嘅博覽館，好多歌迷都同我講過，話好耐無聽過我唱廣東歌，所以今次演唱會，我更加開心，因為真係好耐無唱過廣東歌嘞。」 寓唱歌於情感交流 久未唱廣東歌，GiGi相當期待今次演唱會，除努力練歌外，更會施展一連串冧Fans絕招，支持GiGi的歌迷絕對不能錯過。 「以前讀書有彈過結他又打過鼓，演唱會我會努力重新練習，之前我喺北京都有打鼓，好出力咁打，觀眾見到我好賣力就會好開心，反應更好，又會令我更加投入，係一個好好嘅互動環節。另外，我會特別加一Part環節For香港Show，因為香港觀眾睇住我入行，同我一齊經歷好多事，所以我會設一個好似『俏俏話』嘅環節同觀眾去交流，所以我會揀4首歌，分別關於以前同未來戀人，以及以前同未來嘅我，呢個環節我唔會講太多嘢，只會用我嘅歌詞去表達我嘅感受，可能我呢個年紀嘅女性比較多諗人生，好似生死又或是對幸福嘅定義，所以我好想可以用呢Part跟觀眾作心靈上嘅交流。」 為歌衫自虐式減肥 GiGi入行以來一直Keep住纖瘦身型，但她為了在演唱會上可以忘我地穿上性感歌衫跳勁勁舞，所以對KeepFit亦不容有失，戒口之餘還要狂做運動，務求以最佳狀態去跟Fans見面。 「其實歌衫都唔算好性感啫，係腰位有個窿，露下腳咁啦，但跳舞個身會郁，好怕會喺啲窿位到見到肥肉，所以要努力Keep，今次演唱會算係我最瘦嘅一次，總之，我依家每晚8點後就唔會食飯，就算食都只食半碗糙米飯，粗啲，口感唔太好，但唔會肥嘛。另外，我亦戒咗凍飲和所有罐裝同紙包裝飲品，唔好畀自己吸收太多糖份，雖然我唔係肥，但一定要Keep呀，依家我日日上磅好似上咗癮，每日起身同臨瞓前都會上磅，從而發現一個人喺一日裏面原來相差三磅之多。」 |
 | |
| |
 | |
| |
 | |
| |
 | |
 | |
|
回應 (0)
我要發表
