紅館開騷群星撐場 孖郭富城勁歌熱舞 張智霖：一定會全力以赴！
2011/02/21 08:48:06 網誌分類: 娛樂
| 常說，香港歌手要視紅館舞台為最終目標，是的，站在台上接受萬多位歌迷擁戴，是一種肯定，入行20年的張智霖（Chilam）將於下月26及27日在紅館開其個人演唱會，作為舊戰友，我為他感到興奮。這個第一次，Chilam話明要全力以赴，把最好的送給觀眾，又苦練舞步，跟草蜢、郭富城勁歌熱舞，噱頭十足，還夾定日子推出新唱片，當中包括親自填詞《反斗奇兵》一曲，是給兒子的信，爸爸的心底話確實夠窩心。 主持：黃柏高 統籌：林永匡 協力：彭燕燕、袁東亮 化妝：HettyKwong 髮型：SamPan@HairCulture 服裝提供：ExI.T 場地提供：Tott'sRoofTerrace@Excelsior 首度踏上終極舞台，Chilam不容有失，整個班底都是一等一的，說真的，一個成功的演唱會，從節奏、編排至樂隊每一Part都很重要。 「兩年前推出《你太善良》時已想在紅館開騷，但檔期太Full，反而今次時間夾得好好，開演唱會前會出碟，加上部電視劇《魚躍在花見》，宣傳方面唔會太擔心。講真，我份人唔衰得，演唱會班底要最好，GaryTong擔任BandLeader，佢玩琴好出色。張叔平負責形象、ChrisChoi排舞、靚仔Jacky做導演，每個單位都好強，自己都好放心。這次主題是《我係外星人》，舞台設計可以玩得盡啲，視覺空間可以好誇，我自己好鍾意外星人那種神秘超自然的故事。」 嘉賓夠驚喜 張智霖是多產藝人，既要拍電影、拍電視劇，又要唱歌登台，經典作品數之不盡，這次開騷，Chilam說要傾盡全力，也會請來昔日合作的拍檔當嘉賓。 「嘉賓？有好多，只可以透露有草蜢同舞台王者郭富城，其他的唔講住，但一定夠份量同有驚喜，阿王講到明已攞假，任我安排，做朋友，佢哋真係好好，今次我會勁歌熱舞，又草蜢又阿王，我都要排Part勁舞玩下，講真，我唔跳啫，唔代表我唔識。經典作品有好多，一定會唱Paco你當年幫我揀的《祝君好》、《西關大少》主題曲《相愛無恨》等，全部都係好Hit。」 演唱會特訓 演唱會是Solo表演，要獨力孭飛三小時絕不簡單，體能訓練更要認真考量，少點氣力也不行，張智霖說他已安排體能特訓。 「演唱會唔同登台，體能上真要苦練一下，已請教練安排餐單和訓練，希望自己狀態可以更好，亦會注重飲食。歌手上台，把聲很重要，要小心保護把聲。開會時，有很多意見，大家都知道，演唱會口碑好緊要，希望會再做PartII，張叔平好得，佢唔會太花巧，只會令我更好，唔會話突然變咗第二個人，穿TUXEDO（燕尾禮服）呢個建議唔錯，我會同阿叔講。」 給兒子的信 今時今日，開演唱會的，例必順勢推出新唱片，張智霖不例外，唱片將於三月推出，當中更有他首度執筆填詞的作品。 我記得你講過，今日仲有人肯攞錢出嚟出廣東唱片，係好難得，我覺得自己好幸運！演唱會主題曲《冧爆你》MarkLui幫我搞，林夕填詞，好正，旋律好好，夕爺的詞直頭攞你命。還有好多音樂人合作，伍樂城、GaryTong，個個都好出色。有新嘗試，自己填詞《反斗奇兵》，可以話係寫畀個仔，歌詞好感動的，其實自己真係好開心，好感動，有個小朋友，生活唔同晒，我花了兩年時間陪伴佢成長，當中感受好深，兩年真係好奢侈，你聽下，你會被感動。」 |
 | |
| |
 | |
| |
 | |
| |
 | |
 | |
| |
 | |
|
曾俊華犯咗為政者大忌:不患寡而患不均!
第一,他犯了原則性大錯,今次政府係還富於民,係人都有份,
李超人都有份,除咗十六萬公務員和教師。
第二,他話公務員每月退休金可以食到老死,這同今次政府係還富於民無關!
佢最大既問題係做製造廣大市民同公務員之間的矛盾。
今次3月6日遊行係佢攪出來, 外國人如果因此而覺得香港社會不穩定都係佢嘅問題。
第三,今次係人都有錢分,公援人士出和老人生果金雙糧,MPF每人注資6千元,
但今次佢剩係唔比16萬公務員和教師,他即係今個財政年度懲罰佢地每個月小收500元,罰足12個月。
第四,如果他話公務員每月退休金可以食到老死,係政府最成功嘅制度,
由於政府推行MPF制度令每人都輸錢,退休金唔可以食到老死,
政府做錯咗,所以注資6千元以作補償。
第五,根據基金條例,去買基金人士必須透過專業人士幫你分析才可以去買。
但MPF基金就要一大班盲毛兼無專業人士幫佢分析便要佢地自己去買,根本係犯法,
所以3月6日應該所有人都出來遊行。