如此服務

     話說新年期間, 屋企電話線故障, 打電話去有線維修部要求維修. 第二日維修部打電話問什麼事, 再問我是否搬遷電話線. 大佬, 太牛頭不對馬嘴了吧. 耐心解釋俾佢聽只係電話問題, 對方竟話俾我聽查不到我的資料, 叫我通知客戶服務部更新資料. 一頭霧水, 但都照做. 如此不斷打電話俾兩個部門, 一個說更新咗, 一個說收不到資料, 事件過咗十多日仍然沒有解決到, 也都冇人主動聯絡我. 非常無助, 逼於無奈, 向電訊管理局投訴. 對方回覆電郵第二日, 即有人未經預約上門維修, 不到十分鐘, 問題解決了. 就是這麼一件小事, 為何要在投訴後才有人做呢? 自此, 對這類電訊公司充滿戒心.