《3D肉蒲團》成熱話 雷凱欣瞓身肉搏葉山豪 蕭定一：最緊要睇得興奮又開心
2011/04/11 08:47:15 網誌分類: 娛樂
| 今時今日，要吸引觀眾花錢入戲院睇戲，不單要有卡士、製作強勁，就連噱頭也要搞得有聲勢，改編經典著作的《3D肉蒲團之極樂寶鑑》就是最佳例子，出品人正是慣性食腦的蕭若元父子，以3D效果把情慾場面立體呈現觀眾眼前，未上映已成熱話，人人討論戲中男女主角真人騷，緊接是極樂派對、LadiesNight觀賞團，成功吸引十萬名內地同胞包團捧場，真的非常成功。 主持：黃柏高 統籌：林永匡 協力：彭燕燕、袁東亮 場地提供：豪門（Tel：27301118）火鍋 港產片要成功突圍，真要認真思考，單是劇本、演員不夠，還要加入3D效果，蕭若元父子正是把這概念放到《3D肉蒲團》上，把連場肉搏戲呈現眼前。 蕭定一：「兩年前睇《地心探險記》時已知3D會大行其道，那時已諗香港人要拍一部3D電影，應該拍咩好呢？拍同類型一定輸，製作一定唔夠人，諗諗下，由細到大，睇書睇AV都想個女仔立體喺面前，所以就取家父作品再改編，加多些娛樂元素，最緊要觀眾睇得興奮又開心。」 重點開拍3D電影 一部電影成功與否，看巿場反應便知道，玩盡視覺效果的《3D肉蒲團》獲觀眾熱捧，蕭公子坦言已有下一步大計。 蕭定一：「其實如果電影收到二千萬以上已叫滿意，始終內地禁演，要靠中國人來港睇，慶幸已有十萬人包團來港睇，賣埠亦幾好，客源亦夠。未來公司亦會重點發展3D電影，預計八月開拍一部合家歡3D電影，希望男女老幼入場，但都係唔着衫的，哈哈，我意思係得意的。」 雷凱欣演陰陽人 入場睇《3D肉蒲團》的，都想看女主角在鏡頭前婀娜多姿，身材惹火的雷凱欣笑言這次是一大突破。 雷凱欣：「當初電影公司搵我做鐵玉香，即葉子媚那角色，我覺得自己未夠班，推了，一年後，蕭定一再搵我，拿個改編劇本吸引我，要我演陰陽人，真的很難演，很有挑戰，既要有女人的嫵媚，又要有男人的粗豪，有一場戲要我勾引葉山豪，我扭盡六壬去吸引佢，講真，不算太難，最難是要我演男人，勁麻甩，粗魯擘髀，平時我好姿整的。拍情慾場面沒有要求清場亦沒有半點尷尬，做戲嘛，反而文戲我會驚，個個金睛火眼望住我。」 葉山豪睇厭裸女 電影選角很重要，《3D肉蒲團》找來日籍型男葉山豪露股肉搏百多位美女，說到這次經驗，葉山豪坦言很攰。 葉山豪：「拍完《分手說愛你》後，有朋友話想搵我拍LoveStory，還即席播放舊版《肉蒲團》給我睇，嚇咗一跳，心諗『下，LoveStory？』走都走唔切，後來被導演游說接拍，好多朋友知道都話好羨慕我，羨慕我可以摸雷凱欣胸部，個個走來問我真定假，老實講，是真的，手感好大好軟，肯定係真的，我仲故意NG幾次摸真啲。第一次拍情慾片要露股，刻意減肥操一操，埋位就一定要清場，尷尬嘛，反而原紗央莉一埋位就脫清。啲人成日問我有冇生理反應，真的冇，包到實，反應唔到，日日對住咁多赤裸美女，反而有啲厭，會諗佢哋着返衫係點樣，哈，總之就無下次。」 |
 | |
| |
 | |
| |
 | |
| |
 | |
 | |
| |
 | |
|
回應 (0)
我要發表
