玉米豬柳@清新之選 (60款懶女生懂做的小菜---48)

m記前幾年開始宣傳佢地有d「清新之選」俾人食, 我都唔執輸, 整個清新之選。

中間果d係加左粟米整既豬柳, 材料包括碎豬肉、粟米, 醃既時候要落鹽、老抽、黑胡椒粉, 最後加生粉。

煎之前呢, 高火燒熱個鑊, 加油, 等d油起泡, 再放d豬柳落去, 先煎一邊, 再煎另一邊~ 為左保障佢地熟晒, 用微波爐叮一分鐘, 肯定熟。而呢個方法最大既優點, 係你整左好多餸既時候實有d餸會凍左, 叮一叮就一舉兩得。

加d菠蘿, 除左清新d, 仲可以俾d汁d豬柳, 叮完之後「保濕」。