除衰氣柚葉唔夠勁

除衰氣柚葉唔夠勁 
 
     人生有上有落，有喜有悲，當遇到重覆的不如意，就會覺得「黑過墨斗」，於是想：不如搵些方法除衰氣，而最為人津津樂道和應用的，相信非「淥柚葉」莫屬了，無論是生過病、犯過官非、去過不吉利的地方、見過衰人...都要用「淥柚葉」沖涼才安樂，年尾又用「淥柚葉」沖涼，話去舊立新咁話。
     係又用「淥柚葉」沖涼，唔係又用「淥柚葉」沖涼，其實唔正確。就講真係有衰氣要除，單單「淥柚葉」恐怕唔多夠力，完整些應該用「四葉水」沖涼，四葉除了「淥柚葉」，仲有「黃皮葉」、「扁柏」、「芙蓉」，一齊煲水沖涼效果才顯著，除完衰氣要增運氣，如何應用稍後再談。

七色花水增運最醒

但如果你只是嫌唔夠好，比如加人工冇人咁多，做生詫賺錢少了，讀書成績只是中上，未能名列前茅等等，而去用「淥柚葉」沖涼是會有反效果的。記住，要分清楚什麼叫做衰：大病、失業、意外、離婚、生意失敗、家宅不寧、禍不單行可以叫衰，才用「四葉水」沖涼，可以除衰氣，亂咁除衰氣會將現有的，你認為唔夠好的運勢逆轉，當衰氣咁除左去，要小心，如果唔係你想好的，變左衰的，咪重慘！
除完衰氣要增運氣，最好用七色花，七種不同顏色或七種不同品種都可以，或者兩三種品種不 同色又得，如果要旺財，其中一種要係火百合，去花虛買一大扎，夠沖幾日了。

 　　除衰氣，增運氣的應用係唔同的，但凡生活平淡無波、講不出有什麼禍事，可能只是錢賺得冇人地咁多、人工加得冇其他同事咁好、冇職升、家人同事無傷脾胃的一些爭拗等等，這些不叫衰，只係唔夠好而已，用花水提升運氣就得嘞，用「淥柚葉」沖涼，會將現有的都除掉，得不償失。

　　另外很多人會用「淥柚葉」給神象清潔，其實已經在供奉的祖先及神象，清潔係用花水的，三花水或五花水都可以，甚至清水也無妨，只有給未開光的神象清潔才用「四葉水」，請大家留意下嘞。

　　曾有個案：一位朋友連續半年找不到工作，生活仍是無憂，但太百無聊賴，苦悶不堪，中遜囑其連續沖花水一星期，神奇地一個月內就搵到工作，真係信不信就由你了。

　　今年經濟低迷，工作不穩情況嚴峻，大家不妨試試，最多無效而已，花費有限，且保證無副作用。先用「四葉水」洗幾日，再轉用花水效果甚好。祝各位好運。
來源 :唐中遜師父網誌
 http://www.smown.com/list1.asp?lx=big&anid=59