娶老婆要包生仔?
今天上午六時四十分收到老闆的來電,叫我把昨天記者招待會的剪報在今天八時半前送到主席所住的酒店,但被我拒絕了,我說星期一可以快遞到北京,於是她叫我致電給副總,叫他買報紙,待他送主席往機場時交給他。我把要買的報紙告訴他:「星島、明報、成報………。」之後他竟然恐嚇我說:「如果享呢啲報紙裡面搵唔到我地公司嘅野,你要負上全部責任!」小妹當時真的火起三千丈,為甚麼要這樣恐嚇我?傳媒來採訪不代表翌日便要報導出來,我如何有控制傳媒的能力?他又說我態度不好:「喂喂喂,你呢啲咩態度呀?依家老闆唔同左架喇!」我說:「咁你鍾意炒就炒啦!」馬上收線!副總一連打了三次電話來,我就是發脾氣,不接聽!於是他又發短訊:「Pls collect and summarize ALL media reports and send to XX and YY.」
我真的很討厭被人經常恐嚇,很鄙視這種不敢承擔責任的男人。我早已說過公司要開除我的話,請來吧!省得自己辭職要填寫幾份表格,還要handover確保交接順利。雖然被人開除會是職業生涯的一個污點,但我相信過去的工作表現,早已引證自己的為人和能力了。
早前同事給我看一篇文章,那作者說員工離職不一定是因為公司不好的,很多時是因為「上司」不好,這點我非常認同!昨天同事安慰我,說我的努力一定會有人欣賞的,我說:「跟住呢啲衰上司又點會有運行?」
記得上次候任特首梁振英發表過一篇文章,質疑立法會的拉布行為。當時候任特首辦公室把文章發給全港傳媒,但翌日只有四份報章刊登。那證明甚麼?證明候任特首辦都沒有能力要求傳媒刊登文章,小妹又如何去干預傳媒?
娶老婆都不會包生仔,何解小妹要包傳媒必須翌日報導?!到底小妹需要負上甚麼責任?刑事還是民事?
XYZ…XYZ…XYZ…。
+12
多謝多謝!以後多點浮出水面吧!
立冬,支持,支持你!
(潛左水好耐...)
蛋哥,我都想學你咁做老闆,可惜無錢。唉.......
平哥,佢呢種人係欺善怕惡的,好乞人憎!
Indy可以出一本<化解老闆招式之獨門秘笈>。
好多老闆都會在新上場後提出無理或無可能的要求。
老闆一般知道其要求無理,但提出無理要求係完全免費,話唔定有意外收獲,萬一下屬不反抗,真的搏命做到三成,佢都偷笑。同埋,咁樣可以試出員工的工作能力、忠心程度同容易欺負程度。
如果下屬做唔到呢?年終檢討薪金時可以大條道理話唔加薪。
一石二鳥。
我估,呢一種管理手法,已經在管理界廣泛流傳,只係我地打工仔唔知而已。
大家多D交流老闆招式,話唔定可以發掘出更多老闆奸招。
話到呢到,我又分享一招,就係「呢件事秘密,得你同我知」。但只要下屬稍微同同事交流,會發現同一件「秘密」係人人都知,而老闆對每個人都說了同一種話:「得你同我知。」萬一有下屬真係咁乖,因為佢收埋唔同同事講,佢會以為件事真係秘密,而老闆當左佢係心腹,於是做事更賣力。
呢D招式,我仲可以數出一大堆,講哂有一匹布咁長。
所以,冬姐,虛張聲勢的恐嚇,唔駛驚!
支持你
indy
對付變態老闆,千祈唔好退讓,亦都唔使太過勞氣,以免傷神。總之企硬無罪,抗爭有理。只要有本事,就唔使怕無得撈啦。 +9
多謝各位的留言!我會抗爭到底!呢的人真係好衰格!
十卜,十卜!
退休开立冬靓汤!
立冬:
千奇唔好為呢D人而勞氣(間間公司總會有一個响好員工左近),激壞身體就唔值啦,記住求財唔係求氣呀
支持,支持,我支持你 +7
不如請兩日病假,休息兩日。都做咗最壞打算了,不需咁搏命,同那些人生氣不值得,氣壞自己的身體就不劃算了。
立冬, 我真的很明白, 很明白你的處境. 為了買幾份報紙而兇人就少見, 因為其實他可以看完後brief 老細, 扮分析俾佢聽.
還是早些退休算了, 去到那裏都會遇到這些事.
哈哈!送上气顶星星呢!
有些吃古不化的家伙总以为世界上只有他自己,尽管你发了新闻稿到报馆,人家觉得没有新闻价值,不刊登,也拿他没法呢!
XYZ…XYZ…XYZ…。
哈~~~支持你!
你老細都無腦的。佢個腦真係好細……
哈………腦細
不過,未反枱前,無謂當面爆粗,講下理,然後,按章工作,咪算囉。
大公司,秘書、老閭、主席同是打工仔.
上中下三方處事同樣要合理.
下方拒絕不合理的要求,亦要提防冷箭.
寫封信給他吧,白字黑字紀錄公民抗命之理由,以你的文筆,外圓內方絕非難事.
可能有意想不到的功效.
祝好!
一於請幾天病假