但願身體健康！
2012/06/17 00:07:51 網誌分類: 寫作
昨晚舊同事晚飯，其中一位女友說她的眼睛最近出現問題，看影像模糊不清，醫生也無法找出原因，並說有一天可能會完全失明。聽了之後，不禁有點心酸難過。
這同事與我的年紀只相差兩天，看著她拍拖、結婚、生孩子，有個完美幸福的家庭。奈何在最開心的日子，上天卻給她這樣的一個考驗。原來做人要平穩走好一段路是並不容易的，當你平凡過活的時候，也已經並不簡單了。
我有一位小學同學，現在是一間國際律師事務所的合夥人，丈夫是位專科醫生。最近提起身體狀況，原來已經做過八次手術。當年小學畢業，我很羨慕她可以考入伊利莎伯中學，繼而學業、事業都一帆風順，但聽到她經歷過好幾次大手術後，我很感慨。人生就像一個天秤，這邊給你多一些，那邊就會讓你失去一些。當我以為人家生活比我好的時候，她卻羨慕我身體健康。
朋友問我知不知哪種人最長壽？我說是窮人。Bingo!
命運弄人，要一個窮人長壽，是否一個玩笑、一種折磨？
我不求甚麼了，但願身體健康。
Persie，我希望有醫生可以搵到原因啦。
我希望你朋友會有更多病徵顯露出來，不是黑心而是希望醫生可以從中找到端倪。
Persie，我都問左了，佢話個腦照過好正常．所以依家真係唔知點算好？
立冬，你的朋友有沒有去照腦？我在溫哥華的朋友，最初有幾種病徵，包括視線模糊，brain scan之後見到腦有腫瘤，開刀取出腫瘤之後發現upper chest又有一個，又開刀，上身留下一條長長的疤痕，佢話好似被人解剖過！但他現在仍好好活著，剛上Alaska油輪去玩。在最絕望的時候，人生又給了他驚喜。祝你的朋友好運。
嘩，３哥的個案很值得各位網友留意，真係要小心啊！
講起醫德，小心！
很多醫生都無醫德的。明明無事，都要你割這割那，做左手術先。
特別是那些無傷大雅的小手術。
例如：割盲腸，激光視網膜。
小弟就試過，隻眼痛，個醫生望左一望，就話：做激光啦，你視網膜出事。
又話唔做會突然睇唔到野架！
後來，我自己上網睇過：原來，視網膜有事，是不會痛的。
這個醫生，真無醫德。
點解事後我會去查呢？
因為，做完激光依然痛，睇左幾次，先發現，有條眼節毛入左眼。
做左激光後，本來無飛蚊，攪到好多也蚊。無醫德的醫生，要小心。
如果個醫生話割，話做手術，一定要找多兩個醫生再看。不要信一個。
無醫德的醫生，就好像內地無良心的食物生產商。人神其憤！
舊同事話中西醫都試左，希望她有奇蹟啦。
舊同學的丈夫是專科醫生，應該唔會俾人欺騙得到的。
或者轉醫生試試.
送上知足常樂星星!
對呢!但願身體健康呢!
有機會係原本無事，做完手術後元氣大傷而出事。
做手術一定傷身，做八次就肯定...
如果米高積遜唔係做咁多整容手術，佢應該還在世。
做手術，最袋袋平安係邊個？唸唸就知...
做大手術前我覺得都係多比較唔同醫生意見先好Ｄ，同埋唔好俾醫生知道你有米，隱藏財富為上。
看不清則可能是老花，我都配左老花鏡啦！唔知你同學有無搵專業視光師睇過？如果係青光眼或白內障之類，資深專業視光師都睇得出來。
這個年代，賺大錢的一句係：「你唔係幾妥，要……」
這句話對身體驗查、健康食品、醫藥、保險等行業都岩用。有時係真話，但有時唔係。唔識分真假的話多多錢都倒入鹹水海，仲整壞身體。
所以話窮人健康Ｄ，有箇中道理。
indy
會不會是眼的血管出了問題,即眼中風,我有位舊同事有類似情況.如杲是,要儘快睇醫生.
剛知道一舊同事退休不久即走了, 心中覺得有點...但知道他是在夢中安祥去世, 之前沒有痛苦, 也是心安了。總之, 長壽而多病, 也是懲罰..短壽而多彩多姿, 燦爛人生但令人嘆息. 奈何
+3 當身體健康時，有些人會覺得揾錢/愛情/享樂/... 最緊要；當健康出現問題時，才醒悟健康最重要，其他事都變得次要。
身體健康真係好重要..真的要好好保重..
但願，各位都好好保重身體，健健康康，快快樂樂。
立冬姐，小心保護個肝啊！做多些運動，食少些太肥美的食物，早睡早起，個肝的脂肪會被消耗掉的。
人到年紀大機器壞,先覺得身體健康那麼重要,
+*
祝大家身體健康.
60歲,太平常了,除非你有不治之症,否則,70以上係好正常
無錯,人最緊要係身體健康,其他都係次要
我阿媽成日話,如週身病痛,要咁長命做乜
祝大家身體健康
祝願大家身
健康快樂 