創作靚聲王 重點2新人出擊 陳慧敏 J. Arie堅持好聲音去感動人
2013/05/20 08:41:32 網誌分類: 娛樂
| 2013年過了一半，又係新人輩出、備戰年底樂壇頒獎禮爭攞新人獎的時候，太陽娛樂文化重點介紹兩位2013極力推崇的兩位新人─慧敏(陳慧敏)和J.Arie(雷琛瑜)。兩位青春、懂彈鋼琴和創作的音樂才女，同時擁有一把好聲音，期待用真摰感人的歌聲去感動每一個人。 主持:黃柏高 統籌:林永匡 協力:袁東亮、林書鉉(陳慧敏) 髮型:VincePang@ILCOLPOPlatinum 服裝:AmelieStreet (J.Arie)髮型:JoLam@Queen'sPrivateI 化妝:Francis服裝:Uniting&AmeileStreet 慧敏《排隊》入行 比起其他新人，早已有曝光的24歲慧敏(陳慧敏)，2010年參加《超級巨聲2》比賽而為人熟悉。翌年慧敏決定回歸原點，由出生地澳門樂壇出發，去年憑《始終》一曲奪得《第十屆澳廣視至愛新聽力》至愛歌曲金獎，外表柔弱、樣子甜美擁一雙娃娃大眼睛的她，希望用好聲音感動香港樂壇。其第一首主打歌《排隊》更是她入行的寫照。 慧敏：「喺澳門做音樂多，今次就第一次同香港音樂人合作，呢首歌幾切合我做新人嘅感覺，識我嘅人都知我參加歌唱比賽，一直期待做個真正歌手。輾轉幾年，遇到好公司，好嘅Management，正如我要經歷一段長時間嘅等待，好似《排隊》咁先可以入行、開花結果。所以幾得意，亦係一首正能量嘅歌。」無錯，慧敏終於都上到車。堅持和對自己有信念，係每個新人應有的態度。 唱Demo出身 至於23歲港大法律系畢業的J.Arie，寧願放棄做見習律師都希望圓唱歌夢。家教甚嚴的她，讀書時瞞住家人夾Band學結他，又偷偷唱Demo兩年，其實好多謝阿琛(藝琛)將多才多藝的J.Arie推薦畀我，好彩我隻耳仲識聽，J.Arie上年已經簽約太陽娛樂文化。 J.Arie:「我想講吓點樣識Paco，哈哈！我之前幫依家嘅唱片監製藝琛唱咗兩年Demo，有一日，藝琛問我有無興趣出唱片，我話『梗係好啦！』，當時正讀緊法律系Year4，好倉卒用咗一個星期錄咗6首歌，之後拎畀Paco聽，Paco一邊聽一直低頭沉思，直至聽到我唱《Haveitoldulately》第3句，Paco就話：『我要同你簽約。』嘩！真係好驚喜。」 難得好聲音 一手發掘J.Arie的音樂人藝琛，一路用心栽培畀機會她，對J.Arie又有何觀感？ 藝琛：「佢(J.Arie入行)成個過程好幸運，亦係我哋(Paco、藝琛和J.Arie)3個嘅緣份。最深刻、最有興趣嘅係佢把聲好感人，我好耐無聽過有把咁真摰嘅聲音。作為音樂人，我希望將好嘅歌，同有最好聲音嘅Artist合作，我可以講起碼呢幾年，J.Arie係難得有把聲感動到我。」 J.Arie《第一志願》唱歌 由細到大愛音樂，擁八級鋼琴底子又懂結他的J.Arie，曾擔任獨立樂隊主音，又拍過多條自彈自唱短片放上網，讓人認識。派台歌《第一志願》是jazzy之中帶點R&B的輕快曲風，當然少不了J.Arie露兩手，又彈又唱。《第一志願》歌詞中，「天空會給我意志，驚險也必要嘗一次，趁這青春要擁抱心儀的事」正好是J.Arie夢想做歌手的心聲。 「呢首歌真係代表到我自己，或者對有夢想嘅人，因為無論咩人喺唔同嘅年齡層，都會仲有夢想喺心底入面。歌詞講我能夠義無反顧咁去追求我哋認為啱和熱愛嘅嘢，同埋坦誠面對自己鍾意嘅嘢。正如我家教嚴，從無真正機會去接觸音樂，我就偷偷夾Band、唱Demo，進修Piano同結他，生活上無離開過音樂，所以我嘅第一志願就係做歌手。畢業最後嗰年同屋企人有個Deal，一張沙紙換一張合約。」 擴闊曲風 兩位新人初踏樂壇，聽眾只欣賞到她們的第一面，今日的觀眾要求很高，希望歌手全情投入，亦要求她們最好有自己的創作，令自己增值和進步。例如慧敏，我希望她嘗試不同的曲風，去表現不同的她，歌詞再貼切她本人，令更多人從不同角度認識她。 慧敏:「我本身尤其喜愛清新曲風，好似CountryMusic，連電話鈴聲都係。以前喺澳門，每個月都要交創作，交4、5首自己寫嘅歌，可能之前雜亂咁聽外國嘅歌，有好多奇怪嘅想法，寫歌之中，居然有Rock同Heavymetal，多類型嘅嘗試，自己都會Enjoy。」 J.Arie亦有同感：「真正派台歌之前，我有幾條片放上網上平台，Visual影像好重要，尤其係Livejam，片入面開心、隨意咁同班音樂人jam歌，玩音樂要有玩味，要帶出開心快樂嘅感覺，Share音樂。所以嚟緊，大家都會有機會聽到我寫嘅歌。」 |
 | |
| |
 | |
| |
 | |
 | |
 | |
 | |
| |
 | |
| |
| |
回應 (0)
我要發表
