《3兄弟》墮情網，陳奐仁：女人鍾意利用我!
2013/09/30 08:42:01 網誌分類: 娛樂
| 巴打溝絲打，聽落有啖笑，葉念琛導演新作《溝女不離3兄弟》是喜感十足的自白書，改玩宅男總動員，預告片花睇到人會心微笑，那些年誰沒當過小男人？又有哪個大男孩沒有煩惱？要Hanjin陳奐仁演宅男，遇上野蠻女友莊思敏，過程抵死又惹笑，情聖張建聲愛上夜總會公關倪晨曦？葉導演以笑聲包裝現代愛情的殘酷和自私，估不到的是，Hanjin這次能激發喜劇細胞，真係面對面唔笑都夠惹笑，10‧17不能錯過。 主 持：黃柏高 統 籌：林永匡 撰 文：彭燕燕 攝 影：袁東亮 服裝提供：Avibe@LeeJeans（倪晨曦）、Religion（莊思敏）、 CDCconceptLtd.（張建聲）、DivisionOne（陳奐仁） 宅男溝女，講就易，葉念琛自編自導的《溝女不離3兄弟》欽點Hanjin陳奐仁飾演宅男，角色造型爆笑，「我的角色是葉禮信，被導演塑造成『古板』老土的宅男，無朋友無人緣，女人見到只會想利用我，這跟我本身的性格相反，雖然我沒Justin（張建聲）咁有型花弗，亦不似Sammy（沈震軒）咁鵪鶉，但仍覺得好好玩。記得當初圍讀時，我度好玩潮州諧音，點知Bob哥埋位客串時搶玩了，結果導演要我轉扮ABC、日本華僑或印度華僑，最後我選了扮印度。」Hanjin還刻意加入轉手動作，突出角色性格。 莊思敏報復牀戰 把「宅男」套入現代愛情觀，葉導放棄那些胡鬧故事，改以宅男遇上野蠻港女，終日被人恰到暈，這樣才夠真實，莊思敏說：「我是女強人，拍拖多年的男友職位比我低，慣性被我呼喝，離譜到決定結婚都只係知會男友一聲，Hanjin一心幫手整走我，點知被我識穿，為了報復，我還主動擒上Hanjin身上，上演女上男下的大膽牀戲。」愛情會令人迷失，葉導以喜感來包裝這種荒唐報復手段，確實精采，「我好欣賞Sammy這對手，表情和意識形態真係幫到好多，令我鬧佢鬧得更狠，甚至使盡力叉住佢條頸。」莊思敏不忘公開剖析對導演的一份情，「好感謝葉念琛，佢對我真係好好，某程度上算是我的伯樂，給我很多機會，佢清楚知我底線，而我亦好放心將自己交託畀佢，埋位前都有同我講這次角色可能很惹人討厭，葉念琛好識得去表達，以前試過跟其他人因溝通錯誤而出錯，但葉念琛唔同，佢好清楚自己想要甚麼。」 張建聲好艷福 誰說只有宅男溝唔到女？戲中攬女無數的張建聲亦有這煩惱，「戲中我飾花弗型男陳永勝，自覺全世界女人都可以追到手，為了得到倪晨曦用盡方法，記得有場戲要Elva講出身世，場景畫面浪漫感人，可惜現場背景實在太嘈，仲要係播緊賀年音樂，當時只好扮聽唔到，繼續面對面扮情深，其實係好想笑。」扮情聖有着數，張建聲周旋三女中，與Jeana、吳若希攬住啜，真係恨死隔離，難怪他大讚導演好好，「葉念琛真係好好，畀我試唔同嘢。我們這班仍是新人，但他好清楚我們各人的元素，好識引導我們入戲。」 Elva讚導演夠體貼 樣子精緻的倪晨曦從旁和應，「導演真的很有耐性，我拍戲經驗不多，埋位前導演同我傾了很多，仲好體貼地為我把角色修改，話唔使驚廣東話唔正，必要時講國語都得，讓我更能投入演出。」靚女自然多着數，就連對戲時的幻想對象都有人爭，「跟Justin剖白那場戲真係好緊張，擔心入唔到個Mood，好在Justin在場幫我，不停教我放鬆，到拍攝一刻，情感一湧而出。」Hanjin搭嘴說：「就係幻想我企在你面前！」眾人聞言即笑到收唔到聲，「沒錯，望住你就喊！」Hanjin由得你笑，自顧自說：「我跟蔣家旻一對，彼此感覺很親切，做戲又好用功，其實今次合作的演員都很用功，對稿時，你會發現Justin已背熟所有對白，這種精神很好，我自己都好用功，無辦法，記性唔好，唯有死記。」 黃柏高 |
 | |
 | |
| |
 | |
| |
 | |
 | |
| |
 | |
|
Thankyou !