喊爆拍MV 陳慧敏出首張處女專輯
2013/12/02 08:41:53 網誌分類: 生活
今年太陽娛樂重點新人,除了早前同時實現出碟又開個人音樂會兩個願望的創作靚聲王J.Arie(雷琛瑜),仲有由唱《巨聲2》開始,深受宅男喜愛的慧敏哥(陳慧敏,Vivian)。懂結他的陳慧敏,苦等三年,終於「排隊」上車做歌星,本月初更會推出處女EP,內有佢自己創作的作品,靚人靚聲,壓軸殺入年尾音樂頒獎典禮,力爭新人獎。而日前Vivian拍新歌《自救》MV時,更喊出戲癮,話唱歌之餘仲愛上演戲呢! 主持︰黃柏高 統籌︰林永匡 協力︰袁東亮、林書鉉 化妝︰CyrusLee 髮型︰VINCEPang@ILColpo 同由澳門來港圓歌手夢的小肥師妹陳慧敏,24歲的她二○一○年參加《超級巨聲2》比賽而為人熟悉。翌年慧敏決定回歸原點,由出生地澳門樂壇出發,去年憑《始終》一曲奪得《第十屆澳廣視至愛新聽力》至愛歌曲金獎,外表柔弱、樣子甜美擁大眼睛的她,大半年前終於「排隊」做到歌手,所以其第一首主打歌《排隊》亦是她入行的寫照。 澳門幫合唱《自拍》 「係呀!其實成隻新碟的歌都係我的人生寫照,是不同經歷的自己。像《排隊》,講想做歌手,唔怕等待的精神,終於上到車嘞。直至第二首主打《自拍》,做咗新人半年,其中一句歌詞『有自信是最可貴』,就好似送一份禮物畀自己咁,我亦覺得充滿信心後的自己是最靚的。由於首歌是小肥作曲,有次食飯,Paco就提議由我們兩個澳門幫來一次《自拍》合唱版,亦造就出一個合唱版出現。」 情緒失落寫歌 陳慧敏現時推出了三首歌加MV,由輕輕鬆鬆唱個心經歷,到最新派台的《自救》,由慧敏親自作曲,火火導演填詞,描寫失戀女孩應該放手「自救」,還是繼續徹底地愛。 「《自救》是我最深感受和最愛的MV。當年我參選《巨聲2》後,又未得到做歌手的機會,嗰時仲要一邊為TVB拍嘢,一邊應付澳門的學業。有一日,早上返完學就趕去香港錄影,晚上回澳門又要做功課,媽咪睇到我咁辛苦好心痛,勸我唔好做歌手,嗰一刻我真係前路茫茫。睡覺前,就用我剛學的四個Chord(結他和弦)去記錄呢段迷失心情。之後將曲錄成Demo,公司就交了給火火導演填詞,寫了首女子失戀的傷感情歌,講一個女仔拍拖時只活在與男友的二人世界中,但當分手後,個女仔一無所有,就好像企在懸崖邊,如果自己都唔好救自己,就無人幫到你。」 新MV喊爆 準備拍MV前,火火已向Vivian清楚講明內容,去到拍攝現場時,由另一導演操刀拍攝,VIvian面對多面鏡子,投入主角失戀心情中,突然悲從中來不停喊。 「我聽導演講完後,一見到幾塊鏡回憶歌詞中女角的痛楚,不知不覺間墮入悲慘故事裏,第一個Shot就崩潰係咁喊。原來代入角色好得意,激發咗情緒出來,好好玩。呢個係我最滿意的MV,亦令我愛上演戲。除了已派台的三首歌,新碟7首歌中,個人心水亦喜歡《不了了之》呢首由澳門音樂人龍世傑為我度身訂造的歌,其中首句『善忘像我』似我本身的性格,係一首值得去思考的歌。」 黃柏高 |
| |
| |
| |
| |
| |
回應 (0) 我要發表 網誌分類最新回應 islamicnuskhe 2020/09/29 We Are Best Islamic Astrologer in The World with 35 Years of Experience. Solve Your All Life Problem With Us. Contact Our Molana Asif Ali Khan. |