18~20/3 尋底之旅

唔該soho...

報告! 報告! 國指已是連續五日跑贏恒指

噢賣桔! 以往記錄? 少少地凈係睇到2013年得唔得呀?

2013年國指連續4日或以上強過恆仔記錄如下:

5月初   4連強

8月中   7連強

10月尾~11月初   7連強

11月中   5連強

2014年國指連續4日或以上強過恆仔記錄如下:

3月中   4連強

3月尾   5連強 (計算至25/3)

謝謝各位的回應!

港股正處在反彈勢頭當中, 但今日的升跌股份數目十分嚇人, 相信係投資者沽出二.三線股及換馬, 有資金流入傳統舊經濟股份, 殘股匯控.中移突然生猛番, 皆因騰訊捱沽, 權重殘股就要出黎幫手

不明白為何所有報導的數據都有出入, 都唔知信邊個好, 會唔會係受創業板影響呢?

3月25日 恒指跌114點 國指跌4點

etnet :    上升392       不變409    下跌1015

勝利証券: 上升317       不變309    下跌851

信誠証券: 下跌984

dbpower 智珠  上升354   不變364   下跌908

Soho... 股份升跌數目資料⋯ http://www.dbpower.com.hk/ch

Soho... 請問腳趾以往最多連續強於恆仔多少天㗎？謝謝⋯

irene, 歡迎你來我家, 這裡愈來愈熱鬧, 傾下講下炒股才好玩, 要多點留言啊! 散戶指數及心態都係我的另類測市指標

以前我睇開的網站取消了這資訊, 所以而家係靠財經報導才取得數據, 真係多謝你!

晚安! 唔好意思, 我日日都上嚟偷睇, 又無貢獻, 見soho係金曹度留言, 話想知邊度睇到有升跌股票數目, 我就係睇: http://stocks.etnet.com.cn/www/sc/stocks/realtime/index.php 係左手面"大市分析". 不過, 似乎同你睇到既證券公司資料又有出入. 我都唔知邊度先準, 你研究下啦!

karl, 國指連續5日跑贏恒指呀! 唔係4日

大佬! 港股日日都好難玩咖啦! 定d黎, 有我撐你, 我會推大市上去俾你食糊

我話趁今次反彈浪會減磅, 因為我仍然覺得港股有病, 只係打左強心針頂住先, 我估仲未彈完, 我係一路升一路沽貨, 怕市況突然逆轉走唔切, 我估基金經理及大鱷都走緊貨, 奇哥俾大鱷左一巴右一巴打到重傷, 正在閉關療傷

原先我估計今日恒指小幅下跌約60點, 因為2月5日反彈那次回調57點, 後來突然靈光一閃, 諗起應該以連續兩日升幅的回調百分比計, 結果就計到今日應跌106點, 無論升跌, 一切都在大鱷計算之內, 仲有一樣野得人驚, 昨晚adr收跌92點, 亦與今日恒指跌幅114點相差不遠, adr 的確具啟示作用

昨日尾市升多一浸真係預留今日回調水位, 否則今日跌落去就會插穿10天線, 嘩)))) 大鱷數口好精, 我話港股今日會收跌, 因為如果夾硬升足全星期的話, 結算日那天沽壓會好大, 今日抖一抖釋放沽壓反而有利後市

指標股仍未有見頂跡象, 升勢應未完, 以往挑戰大位例如22000, 未儲夠力就唔會上住, 上得去就唔會隨便落番黎,

從技術分析來看, 大市升至現水平只屬反彈, 投資者對升勢仍半信半疑, 未敢大舉追入, 但若恒指能全數回補22019~22198下跌裂口, 所有分析就會話確認見雙底, 就可吸引資金入市, 有助進一步推升, 國指是今次升浪的先行者, 今日國指高位剛好掂到50天線, 但最後都俾恒指拉番落黎, 如國指收復50天線及10000會對港股後向起啟示作用

國指連續5日跑贏恒指 利好

昨日人民幣急彈362點子, 今日人民幣盤間上落幅度高達300個點子, 非常波動, 收跌136點子，報6.2024兌一美元

浦發及中工農建等5家銀行有望率先發行優先股, 規模料超過1000億元人民幣, 股息率水平料在6.5 %-8%這個區間內

人行今早再進行正回購抽水, 手機股通達批股, 納指連日急跌, 科網及環保新能源股急挫, 國指上午一度升84點撐市, 午後連中資金融股都頂唔住, 最終嘔晒升幅出黎, 國指收市跌4點, 仍大幅跑贏恒指

按照2月5日港股觸底回升的模式, 明日港股會係升市, 今日只係急升後的整固, 今日港股升跌股份比例擺明係托沽格, 但港匯好強, 指數仲頂得住, 升勢未完

3月25日 恒指跌114點 國指跌4點

主板股票表現       數目      百分比　
上升股票　　　　 317　　21.46%　　　
下跌股票　　　　 851　　57.62%

今日國指高位9779, 3月高位9882, 離3月頂只差約百點

今日恒指高位21858, 3月高位22839, 離3月頂好遙遠, 相差千點

有何啟示? 傳統藍籌新地.恒地.恒生.港鐵.中銀香港反而做得幾好, 投資者似在換馬, 沽升到癲的高危股, 換入殘股, 搏佢下跌空間不大

反彈在望

沽幾多貨/掃幾多貨都係由 soho 負責, 要控制港股升跌幅度不難, 今日恒指跌114點, 一隻騰訊就拖低恒指99點

今日跌市目的係要消化沽壓, 托住指數掩護出貨, 亦要轉倉, 其實上頭吩咐今日只可跌約百點, 要守住21700, 不可拋離22000太遠, 明日許升不許跌, 一定要收復失地, 盡量推高部署轉倉及結算位, 老規矩觸底回升展開反彈浪不容許連跌兩日

呢幾日先後有三位行長為聯儲局主席耶倫上周的言論補鑊, 表示唔會提早加息, 我地收到風今晚歐美股市會反彈, 港股明日食彈高

soho 今日好難玩啊>0

25/3 周二: 期指轉倉

恒指半日收21820 跌25點
國指半日收9754  升59點 大幅跑贏恒指

今早港股走勢緊貼上証綜指, 惟半日成交金額縮減至$336億, 當中國指僅佔$49億(昨日$88億), 掃貨盤唔見左, 港股當堂上升乏力, 觸底後第三日港股果然見沽壓, 呵))) 唔好睇少 soho 沽盤呀! 歐美及亞太區股市普遍下跌, 亦對港股構成壓力

納斯達克指數連續兩日急挫, 禍及熱炒的科網股, 騰訊大幅回調, 拖低大市, 港股低開通常都會係低收, 半日恒指小幅下跌25點, 正路恒指收市應跌約106點

港股半日升跌幅度不大, 但怎麼下跌股份這麼多? 托沽派貨? 今日二.三線股走得好急, 令人不安呢噢! 好友搵傳統大藍籌出黎撐市, 資金大換馬

主板股票表現
上升股票　　　　 362　　24%　　
下跌股票　　　　 708　　48%　　
無升跌股票　　　 407　　27%

karl, 大鱷伸埋最後一腳夾硬插穿2月底21197, 恒指跌破中期升軌和前浪底, 製造恐慌, 加上指數接近20800~21000牛仔, 搞到全世界看淡, 就係裝個假局引奇哥等期指炒家入黎, 擺明係陷阱, 睇住黎食, 結論係無論確認升勢抑或跌勢, 都要慎防市況突然逆轉, 大鱷係好淡通殺

恒指22839見頂回落, 愈跌愈有, 但所有分析一直都係話未能確認跌浪, 直至插穿21197, 技術指標全面向淡, 全部分析都一面倒話確認浪低於浪, 而呢個就係掉頭向上的關鍵時刻, 就好似金價, 月中全城看好睇1400美元, 本周反艇向1300進發, 金融市場瞬息萬變, 搵食殊不容易

了解大鱷的手法比任何指標都重要, 本周尚有四個交易日, 好友大鱷會點佈局呢, 連續兩日急升至現水平就沒有那麼一帆風順, 蟹貨出籠會窒礙升勢, 中資股累積龐大跌幅, 一彈就會引來沽壓, 基金經理會否趁反彈走貨? 到結算完又如何? 今日PMI好屎, 跟住下周二內地公布官方PMI, 上次係50.2, 到時又會點走呢?

奇哥話本周期指若以大陽燭上升，便會構成利好轉勢的早晨之星，期指以雙底見底的機會大增, 如果好友想畫呢幅圖, 會在那一天出手呢? 淡友威左三個星期, 到口肥肉會不會雙手奉還呢? 另外亦有分析指恒指於21500樓下成交不算多, 就算係雙底都唔穩固, 反彈完仍要繼續尋底

劉兆祥分析: 大市以接近全日最高水平收市, 但期指高位卻在今早出現, 在9:44分, 期指由低位的21622點抽上21796點, 而9:45分, 期指卻出現21550及21868點的高低位, 在一分鐘之內高低位相差318點, 也是全日的波幅所在, 這時剛好公佈中國PMI數字, 引發市場大幅波動.

Soho 大鱷専殺奇哥，rip............午休前見rsi居高不下已經走唔切啦我，而家我學識唔同大鱷對著幹，不過手慢，300點先轉好倉，老老實實同我上22250啦

karl, 走遲半日冇命賠, 奇哥屎左喇! 佢話手風唔順, 等結算後再部署, 弊! 冇左指路明燈

回顧恒指兩次觸底回升後表現:

2月5日 見底~第一隻腳    3月20日見底~第二隻腳
2月6日 升153點               3月21日升254點
2月7日 升213點               3月24日升409點
2月10日 跌57點               3月25日跌???點 (回吐升幅16%=106點)
2月11日 升383點
2月12日 升322點
2月13日 跌120點
2月14日 升132點

2月觸底反彈初段升勢唔算急, 留前鬥後, 但今次一起動就爆上, 唔知同期指轉倉及結算有冇關係, 上次觸底反彈連升兩日就回吐, 成交亦縮減, 相信港股明日亦同樣會有沽壓, 中資股弱左好耐, 趁反彈就會有蟹貨出籠

恒指於開市初段見全日低位後掉頭向上, 愈升愈有, 臨收市見全日高位, 尾市伸多一腳上去係唔係預留明日回調水位呢? 畢竟周五才結算, 冇必要太早闖關, 急升後要消化沽壓

國指於開市初段見全日低位後掉頭向上, 但大約在2:15分已見全日高位, 其後在高位窄幅波動, 高位窒步是否有沽壓呢? 國指已是連續四日跑贏恒指, 明日強勢能否持續是港股升跌關鍵, 國指強.港股才會好

呢兩日港股爆上係靠一眾咸魚翻生的舊經濟股份, 係受房企再融資.優先股方案及 A 股止跌回升刺激, 大鱷借勢挾淡倉, 但其實舊經濟股前景堪虞, 大鱷撩上去只係為了派貨

是各位施主呼喚貧僧嗎?

施主已參透玄機, 如能登220-222極樂之地, 眾生得救, 善哉! 善哉!

跟So大師,又搵到食,希望到220-222啦

soho 一額汗,中午收市前清倉,好彩你壓住個市比我逃走咋...今朝9:47分果一棍真系嚇屎我,點知PMI低預期都系升到爆,壞消息即刻消化,夾淡格,我都即刻建好倉

人仔穩,港匯強 7.756X,港股尾市無穿上升軌,貼全日高位收,今星期無重要數據 大鱷要推上20天線~~

史哥 我腐碌到無朋友,我睇指數去到邊,高就put,低就call,RSI系我好朋友,不過今次衰貪心無食餬,結果白做一場

24/3 周一恒指半日升236點 收21673, 收復10天線, 強勢反彈, 升勢未完
國指升189點 收9616, 收復20天線, 國指大幅跑贏恒指, 利好

係呀! soho 中國 真係好出名咖! 京城有好多資產咖!

港股高開高走, 好友大鱷真係有備而來, PMI 咁屎但半日恒指都大升236點, 就算最差都仍有153點升幅, 推升態度明顯, 利豐.長和唔掂, 就拿拿臨推中移.匯控出黎幫手, 國指大幅跑贏恒指, 國指強.港股好, 半日成交高達$396億, 當中國指成交$88億, 真係有料到!

港股上周五已確認反彈勢頭, 以往好友一露出真面目就會扯住上, 升得好急, 逼淡友平倉, 沽空補空倉入貨就會進一步推高大市, 睇下春分的威力! 起碼會有800點變幅, 21137(底)+800(起碼變幅)=21937, 到今早計變幅已有644點, 今朝亦已回補第一個裂口 21630-21743, 升勢未完, 進軍下一個裂口22019-22198

整體升跌股份比例 (36%即541隻股份升, 35%即隻股份525跌)麻麻, 反映大鱷目的在抽高指數, 所以主力掃成份股, 推升之心表露無遺, 2月初恒指失22000後, 6日後就重上22000, 今次恒指失22000已達8日, 相信好快就會飆上22000

以往呢種格局都係一升到尾, 愈升愈有, 唔會放生淡友, 造淡勿心存僥倖, 半日有39隻牛熊證被打靶, 當中熊證佔37隻

內地股市半日升10點, 收復2050, 上升股份比例好高, 成交比上周五多約170億元人民幣, 有心有力, 利好

Karl... 你唔識睇圖都咁準？ Wa....

係呀,soho响中環好出名架

e～ 原來soho.. 已經咁有名氣咁出名㗎哪？ Wow...

soho & 各位大大晚安

soho 我係新到你家，但聽你個名已有好幾年。明白你工作忙，收到！每日都會重覆又重覆睇所有留言，感謝咁多位高人既無私分享！！！祝大家每日都賺多 d 

依我之見，大約5月就會搵大沽媽，相信6月左右就會見194。

我最怕係今年都係上落市，出年就黎個大股災

史哥 小弟睇圖半桶水，得閒教下我>

史哥, 港匯急升不會是因為哈銀ipo, 哈銀集資規模只得10.07億元, 且招股反應冷淡, 不足以影響港匯

有退市.加息陰霾.樓市向下.中國經濟轉差.打貪.美股已牛左五年等負面因素, 以每年恒指波幅會有4600點計, 今年內我睇會插穿20000, 會係急插急彈, 但不會是短期內, 待縮減買債規模愈來愈多, 問題才會浮現, 印象中第二季股市表現不會好

18兄, 謝謝你的回應! 綜合各項指標, 反彈勢頭是確認了, 恒指由 8個月低位反彈, 一定會見 22000, 以大鱷的一貫作風, 會係三扒兩撥就衝上去, 但上升步伐變數在中美股市及中國PMI, 周一亞太區股市表現會有啟示

karl, 周一開波我會幫手壓住大市

努力學習中, 我唔知你係唔係新來我家, 我以前都講過我上班時不能頻密留言, 只會修改舊有留言

公司默許我地上班時偶爾上網, 但不許閒談留言, 未完成工作要無薪加班搞掂才能收工, 所以我只能在午膳時留言, 午後有新資料就將之前的留言更新, 不過我出文或留言時常遇到系統繁忙打回頭, 上班時偷雞留言無法不斷嘗試, 所以改唔到就儲存起來, 得閒再試過,

今個星期明知恒指搵緊第二隻腳, 隨時觸底回升, 所以我才緊貼市況, 平日我不會上班時睇股市, 不外出午膳才會留言

出網誌係大工程, 好花時間, 我會係幾日才做一次總結, 就係將所有留言精簡撮要寫成網誌, 純粹做個記錄, 方便日後尋找資料, 一篇網誌連載幾日市況較容易了解港股的變化

21/3 周五恒指緊貼5天線, 挑戰10天線, 收21436 升254點, 升勢有望延續

內地股市急升, 帶動國指收復10天線, 大幅跑贏恒指 收9427 升224點

~ 午後有異動, 內銀.內房.煤炭等資源股爆上, 並非富時指數調動影響的股份, 真係有資金掃中資殘股, 如下周內銀.內險.內房.油股繼續走強就可帶動恒指更上一層樓, 未來一周是中資金融股公布業績的高峰期, 如績差股都有得升就真係有料到

~ 國指無論升跌一向都係先行者, 國指今日率先收復10天線, 相信進一步收復20天線9555冇乜難度, 但要看能否企穩, 中國經濟轉弱不是發優先股就能解決, 國指連續3日跑贏恒指, 預示恒指將會重上10天線21615, 恒指由22986跌至21137, 反彈0.382倍可見21843

~ 中長線港股仍未見底, 但短線來說, 2月5日恒指做左第一隻腳21197, 3月20日做埋第二隻腳21137, 雙腳企穩即展開反彈, 未來一周期指轉倉/結算/基金季結, 基金經理會沽貨埋數抑或幫手推上22000才派貨是關鍵, 港股已確認反彈勢頭, 以往好友一露出真面目就會扯住上

~ 2月初恒指跌穿22000後, 6日後就重上22000, 今次恒指失22000已達8日, 反映今次跌浪沽壓沉重, 但相信幾日內就會飆上22000, 順便回補兩個下跌裂口

~ 發改委表示今年GDP增速7.5%目標有難度, 或只能實現7%左右增長, 其實中資股有好大問題, 只係跌到殘借勢反彈, 彈上去就會見壓力, 所以國指強弱是港股後向的關鍵, 周五美股沖高回落, 唔靚仔, 但港股即市走勢大多跟內地股市

~ 一般來說, 道指跌, adr 都會跟跌, 但周五美股臨尾香, 但adr仍大升151點, 反映好友屠熊刀已出鞘, 在adr先出手就可影響港股周一的開市位, 根據過往數據, 恒指收市都係跟 adr 收升居多,

~~~~~~~~~~~~~~~~~~~~~~~~~~~~~~~~~~~~

~ 唔好看輕春分的威力, 起碼會有800點變幅, 21137(底)+800(起碼變幅)=21937, 所以回補兩個裂口機會大 : 21630-21743, 22019-22198,

~ 恒指已連跌3周, 自去6月25日見底19426以來未試過連跌四周, 所以未來一周恒指會收升

~ 根據史哥分析, 恒指造頭肩底中, 以頸線21650 計, 目標可見22250

~ 近排手風唔順的期指高手奇哥周五剛開了淡倉, 佢係明燈, 代表港股會向上跑, 夜期收大高水214點, 睇adr冇跟美股跌, 相信下周一大鱷又會出絕招裂口高開殺淡友, 能否企穩就要看PMI及內地股市表現

~ 周四大鱷有意打穿2月低位21197, 低見21137制造恐慌, 所有分析一面倒稱確認跌勢, 引晒淡友出黎, 沽空急增至12.6%, 為一個月以來最多, 亦是連續四日沽空超過10%, 挾淡時機已成熟,

~ 港匯彈得好急, 極為吊詭, 疑似有資金流入, 唔知係乜原因, 一般來說, 港匯弱利淡.港匯強利好

~~~~~~~~~~~~~~~~~~~~~~~~~~~~~~~~~~~~

~ 周一上午9:40~9:50公布匯豐3月中國製造業 PMI 初值會左右大局, 開市會特別波動, 急升急跌亂飆, 上次公布的匯豐2月中國PMI 終值跌至48.5, 創七個月低位 (後記: 周一公布的匯豐2月中國PMI 初值跌至48.1差過預期, 亦是8個月低位, 屎! 但有分析指阿爺明知數據差, 所以特登在公布PMI前出招撐市, 大鱷亦心裡有數, 所以預先抽高港股)

~ 和黃由去年7月起一路炒分拆, 亦帶動長實飆升, 升到過晒籠, 股價跑贏大市, 如今不但有排都冇得拆, 仲大平賣益淡馬錫, 大幅拉低和黃股值, 利淡, adr 和黃跌.長實升, 周一長和表現亦會左右大市

~ 中移急瀉拖累恒指 47點, 但恒指仍高收 254點 (昨日跌 386點), 國指大升 224點 (昨日跌 157點), 國指連續三日跑贏恒指, 今日港股勢頭好靚, 有心有力, 好友大鱷已出招

~~~~~~~~~~~~~~~~~~~~~~~~~~~~~~~~~~~~

~ 港股成交$917億, 尾市比平日估計多了約$160億, 扣除富時指數調動後凈肉有$757億, 好友趁大成交出手係營造震憾性, 亦加強了觸底回升的說服力, 逼淡友平倉, 這亦是大鱷的一貫作風, 今日的掃貨盤可能係 1) 有資金趁低吸納  2) 買賣盤來自富時指數調整  3) 淡友沽空補倉  4) 短炒博反彈

~ 上証綜指結算日大升2.7%, 為4個月以來最大升市, 分析指係受優先股政策刺激, 我估有可能係為 ipo 護航, 上証綜指50隻成份股都可發優先股, 首批發優先股大型內銀先行, 連石化雙雄.國壽都有份

~ 隱憂是: 今日公布優先股政策, 相信國壽早已收到風, 如果政策能令中資股起死回生的話, 為甚麼國壽賤價走貨? 市傳國壽贖回200億人民幣股票基金,

~ 周五美股收得好差, 但有分析指耶倫講話嚇親投資者, 或者會有補鑊言論

大家好，多謝各位大大既精心分析，我 keep 住每分每秒睇住你地幾時 ｕｐ ｄａｔｅ, 唉 .... 5 知係咪個網絡問題，好多時睇 5 到新既留言！睇到喇，已經收左市又或者恒指轉左方向！！好似星期四恒指插水，我入左和黄同騰訊輪.....星期五開市震一震，止蝕！點知下午升到砰砰聲！！！星期五下午，soho 已留言提醒，錯過左添，繼續努力學習鱷口裏偷金！！！支持尼個 blog 

Soho..

史哥, 我覺得今次反彈睇港匯會有啟示, 上次恒指見21197反彈都係港匯先行, 不過諗唔明港匯為乜突然轉強,?

是否跟哈銀IPO 有關呀？

Karl.. 你睇下20日圖啦⋯ e十造頭肩底中⋯ 以頸線21650 計⋯ 目標可見22250...

karl, 特登為你做了一個今年道指跌, 但 adr 卻升, 恒指收市升跌情況的統計:

1月:
道指 - 44   adr + 41     恒指  + 28
道指 - 7     adr + 192   恒指  + 42
道指 - 44   adr + 19     恒指  + 49
道指 - 41    adr + 118  恒指  - 348 (PMI 初值)(上証綜指跌9點)

2月:
道指 - 5    adr + 74     恒指  + 153
道指 - 30   adr + 12     恒指  - 120 (上証綜指跌11點)
道指 - 24   adr + 15     恒指  + 76

3月:
道指 - 35    adr + 1     恒指  + 123
道指 - 28    adr + 151  恒指  + ???? (24/3 揭盅 升409點)

總結: 一般來說, 道指跌, adr 都會跟跌, 今年只有上述幾次係例外, 結果呢?

~ 恒指收市都係跟 adr 收升居多, 大鱷會在adr先出手, 從而影響港股的開市位

~ 由於道指收跌, 亦制約了恒指的升幅

~ 各位諗到唔該話俾我知

karl, 你講解得非常清楚明白, 我已經向大鱷反映了你的情況,

大鱷 whatsapp 如下:

自從恒指跌穿22000, 沽空比率一直只得9.5~10.1%, 太少了, 跌穿大位幾日, 但沽空仍未見增加, 反正殺牛熊未夠交數, 只好繼續向下殺牛

到3月中, 特登連21500都插穿埋, 下試2月低位21197, 所有分析一面倒指確認跌勢, 引晒淡友出黎, 沽空當堂急增至9.7~12.6%, 一直等候的時機終於來臨

你睇下道指開市初段大升125點, 跟住一路碌落黎, 臨收市見全日低位, 一度倒跌41點, 嘔突, 收市下跌28點, 超樣衰啦! 不過你睇下, adr 最多升超過300點挑戰21800, 但收市仍有151點升幅, 好友屠熊刀已出鞘

史哥 你真系快手!我仲未平,而家驚到標尿>

琴日指數調整左好多股份！！！

http://www.etnet.com.hk/www/tc/news/home_categorized_news_detail.php?newsid=ETN240306198

詳細可見以上股份！

各位知唔知今日富時指數調動影響了那些股份?

早幾日我話港股未能作出大反彈只係時辰未到, 原來大鱷早已揀左個吉日, 內地股市今日不會在低位結算也在大鱷的計算之內, 有上證綜指做後盾, 要撩起港股就更得心應手, 因為股民一定會信內地有料到, 這是捉心理

18兄, 講開食花生就令我諗起在尖沙嘴見到一家四口內地遊客, 各人手上都拎住包夏威夷果仁食得好高興, 當時我心想, 內地遊客真富貴, 我平日都係食花生, 唔捨得買夏威夷果仁做零食,

自從見識過二月恒指由21197大幅反彈1642點見22839, 我已經明白到股市無絕對, 虛火都可以燒得好熾熱, 睇市要逆向思維, 港股一級級落, 中線向淡但短線仍可作出大反彈, 每個月尾都係由轉倉及結算主導大市, 唔跟章法, 大鱷話點就點

今朝見港股似有料到, 加注短炒, 下午才知富時調動, 尾市沽內銀有得執咖! 但見國指連續三日跑贏恒指, 國指一向係先行者, 具啟示作用, 所以決定等升多一浸才沽貨, 我會趁今次反彈沽清內銀.內險, 內銀冇前景咖喇! 我撈底只係博反彈

以往內地有扶持政策出台, 例如三中全會.兩會.單獨二胎......大鱷就扮到好興奮, 撩高相關股份, 營造市場氣氛, 但升到上高位就一路派貨, 最終股份都係碌番落黎, 大鱷看淡中國之心始終不變, 阿爺的心極難測, 大鱷都怕左阿爺, 抽高只係想散貨

今日內地股市爆上, 除了受政策刺激外, 另外一個原因係股指期貨結算, 內地炒家都唔想在最低位結算

~~~~~~~~~~~~~~~~~~~~~~~~~~~~~~~~~~~

史哥, 我覺得今次反彈睇港匯會有啟示, 上次恒指見21197反彈都係港匯先行, 不過諗唔明港匯為乜突然轉強, 港股的病況食藥只能暫時穩住病情, 中國經濟的確係出了問題, 阿爺政策飄忽, 投資者不見得會因為少許利好政策就改變看淡中國的態度, 我認為大方向港股利淡, 但現階段正處反彈勢頭, 彈完仍要再尋底

你睇港股彈高可以去到邊樹? 18/3周二我話恒指會回補下跌裂口21630~21743, 有好消息的話就可挑戰22000, 我原先估係先反彈後下試21197, 點知大鱷等埋富時調動大成交做助力, 先下試21197才升上去補裂口, 所以話呢, 大鱷劇本係跟財經日誌

karl, 我搵唔到資料, 但好似係下周一上午9:40~9:50公布匯豐3月中國製造業 PMI 初值 (上次公布的匯豐2月中國PMI 終值跌至48.5, 創七個月低位), 2月PMI差可能係受春節長假期拖累, 如果3月PMI改善則利好股市, PMI續跌就要視乎跌幅才能判好壞, 你點睇? 以往公布業績時港股會特別波動

我同意史哥的說法, 我都覺得美股高處不勝寒, 向上空間細, 今晚美期結算, 開市沖高未必能一升到尾, 如果今晚美股低收或者可以壓住港股開市價, 記唔記得上次你話自己犯了低級錯誤押注大市跌, 當日勢頭似係翌日會高開補裂口, 結果港股如你所願不升反跌, 世事無絕對, 其實市場仍充斥不少利淡因素, 唯一諗唔通係港匯為何突然轉強, 仲係升得好急, 造淡要密切留意港匯的走勢

疑似大陸有好消息，借勢炒一轉。後市好戲連場，食定花生等睇戲~~

小時圖超賣，相信星期一高開之後有機回下先再上路。睇位再入貨。內銀好有力水，應該會帶上國企。

和黃縮沙延後分拆屈臣氏, 利好抑或利淡?

和黃霍建寧: 李生覺得多一個股東好過上市 (soho 話呢句說話可圈可點, 上市希望近乎落空, 和黃由去年7月起一路炒分拆, 升到過籠, 使唔使嘔番出黎呢? 今日和黃雖收升, 但曾一度跌至近一個月低位 $104.3, 當時已傳出淡馬錫傾緊入股, 急跌有試水溫味道, 反映大戶認為分拆希望渺茫, 利淡)

嘩))) 真係峰迴路轉, 失驚無神殺出個程咬金入股, 李+x話屈臣氏兩.三年內上市, 今年一定唔上市, 即係有排拖, 和黃友情價益淡馬錫, 大平賣屈臣氏股份24.95%間接股權, 作價440億元, 長和宣布齊齊派特別息7元

今次閃婚出價奇低, 屈臣氏交易股值1770億元, 遠低過大行預期 (瑞信 2473億, 大摩 2670億, 里昂3290億)

和黃係唔係玩野先, 一直以來李嘉誠不斷放風講分拆, 市場炒到股價熱烘烘, 全世界掃定貨等屈臣氏上市, 突然話幾年內都唔分拆住, 仲平價益淡馬錫入股, 我係股東就唔滿意喇! 本來仲有排炒, 有大行唱到目標價$140都有, 如今收7蚊雞就好夢成空, 港交所最傷, 先後錯失阿李爸爸及屈臣氏兩舊肥豬肉

長和派特別息7元利好, 但大平賣屈臣氏股份利淡, 屈臣氏有排都唔上市利淡, 我估大行會夾硬唱好, 點解? 大行/大鱷/機構投資者手上應該重倉長和炒分拆慨念, 今次突變係毫無先兆, 如果唱淡點出貨? 大大聲唱好就可推高或穩住股價, 方便派貨, 大行計過條數, 閃婚利好長實.利淡和黃

我覺得長和派埋特別息就冇左憧憬, 當大鱷派晒貨, 長和就冇左炒作藉口, 俾我有貨的話就會趁反彈走人, 不要忘記除凈當日係要在股價扣除特別息

每月1700點，4月要升到228，甚至更高先可以避免跌穿210，同208

港匯彈得勁快，水浸金山啦！

Soho.. 已在213 落車，放心⋯

史哥/karl, 朝早已見到掃貨味, 近排業績股唔理好醜多數係見光死, 但今朝業績好的股份爆升, 半日收市港股看似升幅不大, 其實係中移拖累恒指47點, 因而產生錯覺, 昨日見港匯上升已知港股作勢反彈, 加上3月波幅已達標.轉倉/結算/季結, 點睇下周都要彈, 加上春分要變盤, 今日大升代表確認反彈趨勢, 轉節氣一般會有起碼600點變幅, 重要節氣就會多過800點, 剛好見22000, 今日冇食糊? 可以參考2月5日恒指做第一隻腳的反彈形態

人民幣止跌回穩, 恒指急升254點, 收21436, 靚絕! 呢個收市位向下已預留回調水位, 向上可以回補裂口, 亦可推高結算

上証綜指報復式反彈, 大升2.7%, 為4個月以來最大升市, 表面話係受發優先股刺激, 我估有可能係為 ipo 護航, 今次發優先股大型內銀先行, 連石化雙雄.國壽都有份, 上証綜指50隻成份股都可發優先股, 我都話左暴力哥要睇住2000大關咖啦!

過去兩年恒指的全年波幅約有4600點, 到今日為止2014年的波幅只得2332點, 遠遠未達標, 三月恒指已確認見底, 但今年計仍未見底, 但亦無需一步到位, 可能係跟隨縮減買債步伐一路尋底, 今年我睇會見20000點, 大鱷鍾意跌下彈下派貨, 所以急跌亦會急彈, 炒下上落市, 港股係有病, 但食左藥就可以癲一陣,

踏入3月最後一周, 今次恒指反彈我估大鱷會盡量推上去, 恒指連續三個月每月波幅都係1700點, 所以今個月收得高才能避免四月跌穿20500

我午後特登留言就係想提醒大家今次係彈高, 唔係彈散, 睇勢頭仲未彈完, 要上去補裂口

業績股表現會影響市況, 下周多隻內銀.內險公布業績

下周公布業績股份 (部份):

24/3  安徽海螺水泥.康師傅.石藥
25/3  國壽.農行.世茂房地產.粵海投資.青島啤酒.達芙妮.江西銅業.雲遊控股.國航.蒙牛乳業.中航科工.中國建材.株洲南車.恒安國際.中遠太平洋.中交建
26/3  中國糧油.徽商銀行.中興通訊.新華人壽.中銀香港.中國銀行
27/3  信行.招行.工行.中國信達.九龍倉.第一拖拉機.儀征化纖.維達國際.中國鐵建
28/3  建行.重農行.民行.中國太保.中國人保.中國財險.中海油.中國神華.會德豐.中國鐵建.中國南車.中國興業太陽能.南航.紫金礦業.中聯重科
31/3  中國光大控股.恒大地產.上海實業.北京控股.招商局國際

今日中港股市急彈, 乜事呢?

1) 昨晚 soho 急 call 暴力哥回家護盤

2) 市傳中證監下午發布重大政策, 嚇到淡友平倉, 嘩))) 次次跌至關鍵位都係傳呢d消息, 好似話係推出優先股試點, 大型銀行有望先行, 其實冇新意, 另外內房再融資開閘, 內房急升, 人民幣略為喘定, 小幅反彈, 今日港股彈得好夠力水, 國指連續3日跑贏恒指, 一定係有其他原因, 中港股市升勢全面, 成交增加

3) 港股跌至支持區, 唔理消息真偽, 有乜風吹草動就會觸發大反彈, soho 都話左跌穿21500會係急跌急彈, 睇勢頭今次一升到尾冇走雞, 收市如能升超過200點, 就係今個月以來最大升幅, 利好下周

4) 上周五恒指收21539, 連跌兩周, 好友原先計劃本周收升, 推番上去結算, 但俾耶倫破壞大計, 不過好友都唔想今日收市位拋離21539太遠, 所以今日發功, 今日港股阻力在21500/9500

5) 恒指全周計收跌, 連跌三周, 但有期指轉倉/結算/季結因素, 下周有望扭轉劣勢收升,

6) 港股超賣觸發反彈, 好友唔想今日收近21000危險區, 要開始部署下周轉倉/結算位

7) 內地股指期貨結算, 內地炒家都唔想在最低位結算

8) 明明傳和黃分拆屈臣氏上市今日遞交上市申請, 突然傳淡馬錫入股屈臣氏, 未知會否影響上市時間表, 同淡馬錫結婚即係想屈臣氏在香港及新加坡上市啦! 倫敦落空喇! 呵))))

9) 過去幾日哈爾濱銀行招股反應冷淡, 而家係最後衝刺, 大行想谷一谷內銀撐哈銀ipo

10) 新華富時指數調動, 尾市成交會急增, 令港股今日大反彈更具說服力, 好友昨日放軟手腳就係等今日

11) 春分預示有大變, 應驗! 連日本都放春分假期, 呢個節氣唔簡單, 今日港股強得不尋常, 如大幅高收淡友就要小心

史哥, soho 係低手, 梗係要搵高手來坐陣撐場啦! 否則冇人來我家

今日恒指創今年新低, 現處2008年見頂回落之後的大型三角形的底部支持區, 如果失守21000, 連20800都頂唔住的話, 代表四月會見20000嗎? 你隻熊食左未?  今日港股破底而下, 但港匯反而轉強, 有乜睇法?

-----------------------------------

karl, 你真係眼明手快, 尋日恒指彈唔起你即刻重熊, 港股都俾你隊瓜左, 出手快而準, 漂亮! 而家市況炒個股好難搵食, 大方向利淡, 但短線會有技術性反彈

回 顧今個月見頂22839後的下跌形態, 每次走鬼或跌穿重要關口, 翌日都會有反彈, 如果大升或連彈兩日就扭轉了一貫向下走勢, 萬一彈唔起, 都只會係下跌不足150點, 要有進一步壞消息才能插穿21000, 今年的跌浪每次都係靠拆倉走鬼來插穿大位, 今個月應該守到20800

幾時公布匯豐內地3月PMI初值呢? 日股明日休市

-----------------------------------

友仁大大, 港股災難式下跌, 有理由相信你已返回地球, 哈))) 就算你否認我都唔會信

努力學習中, 路係人行出黎, 寃枉路係由錢砌出黎, 這是必需的學習過程, 加油!

匯控打跛左恒指一隻腳, 中移就打跛埋恒指另一隻腳, 港股殘廢了, 但吊頸也要抖下氣, 超賣了! 我估好友不會甘心在最低位轉倉及結算

明日是春分, 預示有大變, 港股升跌具啟示作用, 我估明日會有反彈, 如能升超過150點利好, 如果連下周一都彈, 就打破了今個月跌浪未試過連升兩天的走勢, 有可能係好友部署轉倉/結算位, 造淡就要小心港股正展開技術性反彈,