同王菀之再合作 王祖藍讚演技放 嗌加牀戲
2014/05/05 08:42:21 網誌分類: 娛樂
| 一講葉念琛導演，就會聯想到他執導的一系列愛情片，不過今年正值葉導入行10周年，他就來個大突破，邀請喜劇泰斗許冠文出山，夥拍《老表，你好嘢！》「雙王」情侶檔王祖藍和王菀之，轉型拍一部講人生的新電影《ｄｅｌｅｔｅ愛人》。新舊笑匠共冶一爐，笑位自然多，而繼電視劇後，兩度與王菀之合作的祖藍就大讚對手成熟夠放：「呢部雖然係佢首部電影，但Ivana演得夠癲，早知我加埋牀戲啦！哈哈！」 主持︰黃柏高 統籌︰林永匡 協力︰袁東亮、林書鉉 專拍愛情小品的葉念琛，有一日忽發奇想：「如果身邊無了敵人，生活是否變得美滿，無往而不利呢？」因此構思了電影《ｄｅｌｅｔｅ愛人》，講述男主角葉波榮（王祖藍飾）工作生活等諸事不順，突然有一日他得到可以隨時ｄｅｌｅｔｅ（刪除）身邊不喜歡的人的能力，將佢命運改寫。故事超現實，卻令人睇完笑中有淚，葉導更打動一代笑匠許冠文出山飾演賤老闆，與王祖藍大放笑彈。 戲中被上司許冠文連番糟質的王祖藍，大讚前輩演技無得輸，仲肯畀意見令故事更工整，王祖藍說：「由細睇Michael哥哥（許冠文）的《半斤百両》（76年上映）大，今次居然可以做對手戲，Micheal哥哥依然係30年前的賤老闆，而我就好似做當年的許冠英咁被人恰，好奇妙。佢仲話笑片一定要合乎邏輯，故事的起承轉合，佢捉得好緊，他的督促對我好重要。」 王菀之處女電影 養尊處優的許冠文在新戲拔刀相助，葉導亦獨具慧眼，邀請王菀之去年首度拍電影，將Ivana的搞笑天份爆發出來。王菀之說：「真係好多謝導演搵我拍第一部電影，而且仲係同祖藍拍，我好放心。祖藍好肯教我又照顧我，會提我『拍埋就放飯！』令我唔使擔心。而首次拍電影的感覺好深刻，我記得第一日去片場時戰戰兢兢，葉導見到我第一句就問：『食咗嘢未呀？攞張外賣紙睇啦！』我個心就定晒，覺得導演好好人，之後一路拍一齊食飯度橋，氣氛好和諧，亦放鬆心情去拍。」 「BB變笑彈」 同王菀之再合作的王祖藍亦對Ivana另眼相看，他說：「首次拍劇時，她仲係BB咁，例如喊就喊、笑就笑，憑直覺去演，有BB的可愛。但今次的表現就成熟了、豁晒出去，演得癲又夠放。加上佢同時間拍緊《金雞SSS》，乜都揸錢（歪音加錢），做到無包袱，早知係咁我加埋牀戲啦！下次一定要有牀戲呀！哈哈！」而同葉導多次合作的祖藍，亦覺今次題材特別，是「非一般葉念琛」電影。 鬧喊王菀之 其中一場大鬧喊戲，對祖藍絕大挑戰，他喪鬧Ivana，二人真情流露喊出goodtake，祖藍說：「嗰場戲講我和Ivana就快結婚，但二人吵大鑊，婚禮急煞停。我鬧得狠，佢又喊得激，嗰吓我溫兆倫上身，一輪嘴係咁數佢，佢就喪喊，結果一Take過。拍完Ivana話我嗰刻好惡，嚇到佢真喊！套戲一時好浪漫，一時又溏心風暴咁，又無啦啦搞吓笑，好豐富㗎。」 祖藍演技無得彈，戲內亦有大量群戲，有薛家燕、元秋、莊思敏等鬼馬家人，其中家燕姐能放能收的自然演繹，令王菀之非常佩服，她說：「有場戲講我買定十年的節日禮物探未來奶奶家燕姐，我們試戲時，我就將禮物推晒畀佢，啲禮物多到跌落地，我心諗『死啦咁狼狽』，結果家燕姐一邊執一邊接戲，流暢自然，導演好滿意。」 黃柏高 |
 | |
| |
 | |
| |
 | |
| |
 | |
 | |
| |
 | |
回應 (0)
我要發表
