買名牌?睇完個漫畫先講la~
2007/10/13 14:39:49 網誌分類: 閱讀
07秋天版既time style & design雜誌,最尾果版個漫畫幾得意架:
(備註:個漫畫家應該係男人,所以佢sense唔到好多男人都追名牌好似女人追名牌咁~ 例子係廣播劇班呀sir,呵呵呵!)
其實佢既主要內容係講d人買名牌,有時真係冇咩目的,卻好浪費,追求名牌都會讓人覺得自己不知所謂呀!少少out就係out左。總之就係盲目同麻木~
高中時睇time,因為呀哥訂黎睇。拎住佢以為好型,但見到有d字唔係咁識又好驚喎……其後知道time係用美式英文,而自己追求既係英式,唔識又冇咩大問題丫。不過當然如果完全唔明又唔得,因為全球化社會讓各地唔同色彩既英文共冶一爐,你學英文都要查字典先知邊d英式邊d美式邊d字來自意大利邊d字來自非洲la!好既字典真係好重要。
嗱,睇time前提多大家一樣野-- time既句式好多好長,所以中六時睇得多學埋之後俾miss話d句子太長太長!
前排,有一日意粉拎住本fortune(前幾年係time送forbes呀好似)入課室,俾同學話做咩咁高文化。都係果句--呀哥訂架。不過有時為左生活去追求一d野,好似為左讀既科目追求fortune裡面既知識,咁就唔係漫無目的~~ 可惜優惠期過左,聽講幾十蚊一本架fortune!以後冇fortune睇lu。
意粉其實唔會睇晒成本野,需要時去圖書館找找又得,唔使放晒d雜誌嚮屋企好似人地放名牌袋嚮屋企咁 =.=
回應 (0)
我要發表