食米不知米貴
2015/07/09 16:21:53 網誌分類: 寫作
近日火炭一間大牌檔被大學生在網上抹黑收費昂貴,店主有感含冤受屈,揚言今後拒絕招待該四十多名學生光顧。
據聞一班大學生點了三條盤龍鱔,以市價七至九元一兩計,三條已經過千元了,再加上每碟小菜加大三倍份量,埋單九千多元根本不足為奇,每位僅二百元左右。正如網民所言:是小朋友食米不知米貴!
七十年代之前的大牌檔的確是收費比較便宜,但近年大牌檔的價錢甚至已超越了酒樓,市民和旅客光顧大牌檔最大的原因除了是喜歡它的露天風味,還可以感受一下昔日老香港的特色,多少帶點緬懷艱苦歲月的一份感情。故此收費縱然貴一點也是值得的,年青一代在毫無感情之下恣意批評大牌檔的收費,確實是見識少和低估食物價錢,不知白鱔價錢可以貴過石班,不知白飯四十幾碗都已經幾百元。
我認為大牌檔最弱的一點就是沒有像酒樓結賬時所發出的電腦單據,可以清楚列明顧客所點菜式、份量和數量,只寫一個價錢而欠缺內容,當然容易讓人有機可乘,誣陷收費昂貴。幸好店主不甘示弱,向傳媒講清講楚,讓市民都明白原來一班大學生有幾豪氣,更加揭示年青一代沒去過街市,不知道街市行情,沒留意菜心每斤幾錢?梅頭豬肉每斤幾錢?只要逛過街市就會知道父母賺錢不容易,每頓飯也是在計算之中,如何在有限家用下做出三菜一湯?只要有良心的子女都應該肅然起敬,每天都要感謝肯為他們做飯的父母!
食米唔知貴:係因為佢地從來都唔跟埋去買米
佢地直頭食蝨米
VanYYY,所以我越來越對大學生失望!
383383,係囉,唔知真相的人真的會被佢呃左.幸好記者有跟進事件!
Winkjet,這位大學生可能以為背後插人好平常,結果事件鬧大了.我建議這位學生儘快公開向該店主承認錯誤並且道歉!
理+誠,對!現今的年青人的確與現實脫離,不知民間疾苦,所以爭取自由民主就變成頭號大事,只因為上有高堂可提供豐衣足食.
依佔領期間所見,個個被訪問的年輕人,都慷慨激昂,指責班老嘢只掛住搵食,唔敢反對共產黨,全靠佢哋勇武新一代,企出嚟幫我哋爭取民主。
呢班人當真不食人間煙火?咪玩喇!佢哋只係好運的一代,出生於富裕年代,有老嘢幫佢哋打江山,從來都唔使捱。一離開個象牙塔,回到現實世界,佢哋根本就係離地。
這是網上欺凌的一種.
以為可以打沉人家, 可是凡事有正反兩面, 識計數的都知道誰對誰錯.
加星!
只說成萬元一餐,無說四十幾人。。。仲要食龍鱔…
平時只懂飯來張口,衣來張手,又點知米貴?
俾佢地管治,香港咪死得罹!