數天前港台訪問大師,林森池訪問重點如下：(一)

林森池訪問重點如下：

1. 林 Sir 確認第五隻腳都出埋。言語之間佢表示自己估唔到。不過雖然有五隻腳，但尚未插穿 25,600 點 （佢之前估計今次不會調整多於大約 20%）。20% 只係好大約既估計，可以多少少，亦可以少過這個數。今年八月十七日，恒指調了 16%；2004 年，三月由 14,000 調到 10,900，跌 22 %。
2. 港股基礎因素無變。
3. 日圓由 115 上到 108 (6%)。對沖基金空日圓渣期指，日圓升咁多佢地要平倉。對沖基金要沽到空突（故意沽穿支持位，等散戶沽貨俾佢地接），然後平倉賺錢。
4. 美國經濟有跡象放緩，但衰退可能性少。
5. Ａ股十一月調整快咗（但目前仍少於 20%），係應該的。林森池認為調到四千點就差不多，調整對長遠反而好，因為無咁癲，可避免國家進一步調控。
6. 美國經濟放緩，中國出口增幅減少，但不會倒跌。
7. 次按和美國樓市問題會拖好耐。
8. 個市而家係洗牌由頭執過位。弱勢銀行股如滙豐、中銀因為有次按；航空股受沽因為油價大幅上漲。
9. 林森池為中石油平反，他認為中石油在發現南堡油田後值 $13 以上，因為油儲上升。外資唱中石油市值過大，因為用Ａ股市值計算。中石油比外國油公司高P/E 係有理由。因為外國油公司儲備補充不足，產量亦減少（但中石油不是）。另外，中石油有政治後盾而其他油公司沒有。（例如非洲國家及蘇丹等歡迎中國買油田，但歐美不受歡迎）他認為中石油跌 28% 已足夠。
10. 弱勢股
   a.碧桂園已在九月見頂。林森池話：跌起上來，四叔都保佢唔住。綠城中國已在七月見頂。
   b.航運股、航空股被打回原型。
   c.有Ｄ股甚至跌到仲低過八月十七日，例如鋼鐵股。中鋁連跌幾個月，跌到阿媽都唔認得。
   d.石油、煤和金好少少，因為商品價格有支持。
11. 強勢股：中移動
   a.13 Nov：恒指 26952 中移動 $123.5
    b.20 Nov：恒指 26404 中移動 $125.0
    c.22 Nov：恒指 25861 中移動 $125.1
    d.中移動在每一次更深的調整中反而股價更高，證明有基金在不斷接貨。
   e.跌到阿媽都唔認得既股係被基金洗倉。
   f.基金傾向接一些有強勁預期業績既股。
12. 大市往後上升未必好似上次咁一路咁升，亂咁炒上。可能只會有個別強勢股份／行業的股票表現較好。林森池看好銀行、電訊、本地地產、保險股。
13. 市場擔心Ａ股跌會影響保險股 (2318, 2628) 的賺錢能力。林 sir 繼續看好，因為保險股不是只靠股票賺錢。
14. 林 sir 自己繼續分段入貨，他比四叔更早開始入貨。