易帝重返NBA?

中國籃球界頂級大前鋒易建聯曾於2007至2012年間，效力三支NBA球隊，可惜他在NBA的表現不夠突出，最終他決定重返中國籃球聯賽CBA，並於2012/13年賽季帶領廣東隊奪得CBA總冠軍，兼取得最有價值球員獎項。而近日就有傳名牌NBA球隊洛杉磯湖人有意簽入易帝，想帶易帝返回NBA戰場。

易建聯乃現時CBA最紅最強的本土球星，效力廣東隊的年薪近二千萬人民幣，如易帝選擇再到NBA打拼，頂多搵百多萬美金年薪。最重要一點是NBA雲集全世界籃球高手，無論技術、體能、心理質素缺一不可，萬一在場上受傷，球員生涯隨時玩完。所以選擇輕輕鬆鬆搵真銀，或再到頂級的聯賽中去追夢，就真係要睇下易帝自己點揀。 

其實賽馬的情況亦與易帝的情況相差無幾，本地明星實力馬可以選擇主力在港出戰，輕鬆的贏取獎金，或可選擇冒險遠征去爭取更多的名和利。點揀？就要睇馬主的理想有多大了。