葉念琛欽點做o靚模 王菀之:乸型柏豪幾好咀!
2015/08/31 10:11:13 網誌分類: 生活
| 常說演員要懂得豁出去，看王菀之便知，演戲從沒包袱，從舞台劇到電影，每次都能令觀眾有驚喜，Ivana在葉念琛監製新片《沒女神探》中，為查案扮o靚模，啜嘴趷籮玩自拍，過程堅爆笑，她說：「我飾演智商189的警花，跟男友分手便自暴自棄，為查案被迫跟班毒男學做o靚模，最後竟然愛上娘娘腔的周柏豪。」 主持：黃柏高 統籌：林永匡 協力：彭燕燕 攝影：譚壹致 Hair：ZingWong@HairCulture（王菀之） makeup：JaniceTao@ZINGthemakeupschool（王菀之） 葉念琛確實眼光獨到，有誰想到王菀之的喜感如此澎湃？「我一直好鍾意睇Ivana做訪問，那種妙語連珠和反應好好笑，前年拍《ｄｅｌｅｔｅ愛人》已覺得她驚為天人，喜劇感和方法演技都好難捉摸，Ivana拍完《金雞》我便找她做女主角，《沒女神探》的劇本是為她度身訂造，一個智商189的警花為查案混入模特兒界，變成一個不用智商維生的o靚模。」Ivana說：「屢破奇案的警花卻在愛情生活上屢遇挫折，被拍拖多年的男友傷得好深，深到我要放棄自己，變成沒女，無自信、唔做№，日日匿在家放棄自己，暴飲暴食，無沖涼無洗頭，成屋好亂。直至我上司蔣志光衝來我家，要我混入模特兒界做鎆底查案，故事就咁開始。」 Ivana玩制服誘惑 要王菀之跑去做o靚模，勢必要有個很合理的原因吧，葉念琛把角色設計成智商高超的警花，混入模特兒界查案，他說：「拍攝前做reserch，好想反映時下毒男、o靚模和網上文化，我找了幾位美女BB陪Ivana做o靚模，如連詩雅、陳嘉寶、SuperGirl的Heidi，她們都是毒男群每日追蹤的對象，另外找林盛斌（Bob）、鄭敬基、張建聲做『毒男三人組』，他們是警隊精英，包括談判專家、重案組和高科技人才，但他們是毒男，蔣志光找這幾個毒男來訓練王菀之做o靚模，唯有毒男才知道毒男鍾意甚麼，毒男才知道他們眼中的美女、港女係點，Ivana角色反差好大，有二十多個造型，當中有好多制服，排球、女僕、校服等，簡直一流。」為求更像真，劇組找人製作o靚模人形攬枕及紙牌，Ivana說：「好想攞返屋企，靚得來亦好惹笑。」 港女自拍竅門 有睇試片的，十有九讚王菀之演得夠放，葉念琛說：「要Ivana由一個好硬朗的警察去扮演o靚模去拍寫真集，於是上網搵港女『自拍』竅門，好多人成日會問點解港女自拍照咁誘人，原來道理很簡單，就係諗住身體有邊部份痛，邊度痛揞邊度，影出來就會好迷人，又或有些女仔自拍post上instgram或facebook好多人like，亦可以話係呃like，因見好多女仔影相一定要戴大眼仔，所以戲中都有句對白『唔戴大眼仔，出鈬點溝仔？』，但係咪真係要這些包裝先叫靚？跟Ivana合作幾次，我真係好欣賞的是，她真係一roll機就代入角色，比如她一roll機就變成張家輝，唔係《激戰》張家輝，係『化骨龍』張家輝。」 Bob放盡去玩 說起周柏豪這次的突破，葉念琛說：「大家都知他是男神，最近更被稱做暖男，其實再要柏豪做靚仔無乜突破，我問他夠唔夠膽做騡型，又或會被人誤會性取向的，他即時好有興趣，我要他先做點research，幾日後埋位拍攝，他已ready，動作、手勢、神態都好似，一鱓都唔係靚仔有型的周柏豪，我幾鍾意佢同Ivana一拍即合，幾有默契，觀眾會覺得過癮的，至於那場Kiss戲，係王菀之不停跟柏豪講唔使緊張。」王菀之笑說：「因為他顯示得有點緊張，又做好準備，不停搽潤唇膏，好似好趕時間咁不斷倒數，不停問拍到未，其實大家本身已認識，私下話題都離不開音樂，這次跟他拍接吻戲係唔緊張的，本身我自己都好喜歡這場戲，好幽默。」葉念琛補充說：「周柏豪不停要求多角度拍攝，不停NG。另一方面，希望觀眾會留意Bob，無論造型還是演繹，真係好爆，他是模仿一個日本毒男，地中海、覑運動衫條褲抽到好高，唔知點解褲檔中間會濕鰦，是他主動要求的，成個造型好出位，希望觀眾入場睇，還要留到最後一刻，因我在片尾放好多NG片，希望大家可以由頭笑到尾。」 |
 | |
| |
 | |
| |
 | |
| |
 | |
 | |
| | |
 | |
| |
 | |
| |
 | |
| |
| |
回應 (0)
我要發表
