找對的人

2016/03/20 14:09:02 網誌分類: 未分類
20 Mar

 

這兩年我都有參加一個有趣的新春聚會,只有8-10個人參與,係一個唱K聚會。

我在這聚會中負責聽歌。其中兩位女孩子唱得極有水準。本來這種聚會大家都會是嘻哈一番就算。今年見其中一個女孩明顯的開心左,整晚笑咪咪而且笑得很甜。到她唱完「找對的人」,她自爆受這首歌啟發,做了一個決定而覺得很快樂。我沒太留意歌詞,腦子馬上回帶,歌曲好像是說喜歡上一個人,但他是人人眼中瑰寶不太著緊自己,反不如接受一個愛自己的人(可能意會錯,懶得尋歌詞,歌迷們見諒)。我估,她是苦戀一個人沒結果,接受了另一個,得到快樂。

鍾嘉欣開心出嫁,傳媒非但唔祝福她,反而冇品的計算她幾時懷上孩子,抹黑她的人品。她愛了一個她心中的白馬王子多年沒結果,我估她都受了不少傷害。到她醒覺,找對的人去結婚,我認為很合理。然而蘋果日報形容她「處女懷孕」,我未見過更差勁更黑心的報導。蘋果時事新聞報導偏頗,我明白係背後資金主導,但一位美麗女孩結婚,難道不能報導得有品格些嗎?

團拜聚會中,聽一位伯母說她參加了一個婚禮,原來新郎係之前狗仔隊在廁格外拍片錄音的主角。伯母說男家一向低調,狗仔隊應該不會認識他,有可能係小藝員夥同記者造出這個新聞,跟住大聲說自己是男方的女友。伯母說幸好長輩有contingency plan補救,送走了男生。其實男生和藝員之間也沒有love,只有lust。過不多時,男生結婚了,伯母話婚禮高貴華麗,雙方家族門當戶對,做的生意也非常配合,沒更適合的配搭。我想,這也是「找對的人」的例子吧。他們又提到林夏薇的婚姻,說她嫁了一個年紀比她大很多的富豪,婚姻生活非常開心(也不知他們怎知道,又不是躲在別人床下底),我在電視劇集看到了林夏薇,都好靚女,幸福開心就好。

黎姿可以這樣美麗,有快樂的生活,我覺得都是因為她找到對的另一半。

不用迷戀愛情,因為愛情好短暫。如果現實中有楊過,我保證他16年後愛的不是小龍女。希望大家都找到對的人共度人生。

回應 (176)
我要發表
2018/09/05 09:54:55 回覆
frontal lace wigs https://www.youtube.com/watch?v=ovU7TuvxKA8 Very nice Very Sophisticated
Persie
Persie 2016/07/26 08:28:50 回覆

番茄,我都鍾意McCafe多過星巴克。飲星巴克我要double shot.

Persie
Persie 2016/07/25 15:07:24 回覆

番茄,你講得好好,係等價交換。以前同UK做project,根本係恰我地,只係就他們的時間,我們變相生活在歐洲 time zone。做完,冇人有一句thank you。當年有位同事在聖誕新年間被拉去倫敦三個星期 dub 石仔。將心比己,冇人想去,但都要交個人去。但最後我們或多或少都分到花紅,比較準時放工的一些同事係零。

患病的同事,某年4月戶口收到十幾萬元花紅,他都以為看錯。同年6月他確診有事。命運有時都幾識同人開玩笑。

揸車好貴,泊車費亦高,仁孚份維修保險亦都非常昂貴。揸車只能當係有收入時的一樣奢侈興趣,冇收入就要放棄。我同意香港有好多唔貴又美好的事情可以做。比如可以去看早場電影都唔錯!我都喜歡去圖書館隨意看書,看一整天都可以。香港係福地,我希望大家珍惜,不要打沉香港。

蕃茄
蕃茄 2016/07/25 00:25:05 回覆

Persie,

職場上的變化往往快過計劃, 我原本計劃2020退下全職職場, 但而家睇落,大老闆好大機會2019年初便停止大部份公司的營運, 不過我計過數, 到時都應該應付到家庭開支嘅

有錢當然好, 錢亦唔會有人嫌多,但我覺得凡事係等價交換, 我呢兩年工作量同壓力都大左唔小,我會諗, 點先叫夠使? 我當初打算2020退下來, 係會搵小三幾年錢,但可以從職場上的壓力抽身,人會輕鬆自在d,身體都會健康d, 當然代價係要 駛小d, 生活消費簡樸d,同要精明消費.

生活消費模式習慣人人不同, 我唔食 $100嘅日本拉麵, 可以食"味千"或者牛腩麵, 唔飲星巴克 ,飲Mc Cafe我都真心覺得好飲, 當然D位無咁舒服, 我呢七,八年好喜歡年年到日本旅行. 但如果計唔掂數, 我同屋企人去台灣 hea幾日一樣 enjoy,   你如果有揸開車, 第時可以轉撘巴士亦可以節省一筆, 仲可以在巴士上閱讀.

香港其實都有唔小好嘢係唔駛錢都可以享用到嘅-----寧靜翠綠的林蔭山徑, 美麗的夜色, 圖書館的書和雜誌等.

 

Persie
Persie 2016/07/23 15:17:55 回覆

馬仔,謝謝。

我可以唔擔憂,但擔憂已經在血液中,入心入肺,係冇得控制。癌細胞就係這樣形成,我覺得。

有個friend話,驗咁多做乜,我就鴕鳥唔會驗,反正今日唔知聽日事。

我覺得這個說法好ridiculous⋯⋯

「今日唔知聽日事」係一句我最憎聽到的話。

幪面馬仔
幪面馬仔 2016/07/22 23:36:05 回覆

舅父仔

放鬆些,憂心也冇用,無謂令病情加重。 {#36_18_1.gif}

既然已作最壞打算,既來之則安之。 {#u=3934299915,2668938962&fm=15&gp=0[1].jpg}

可能柳暗花明又一村呢。

 

話時話,我想住又一村啊。。。。可惜我冇錢買樓。 Kicking Dirt

Persie
Persie 2016/07/22 10:29:44 回覆

聯廣,我部門越縮越細,以前曾經好勁但時不予我。好恐怖有三個人患癌症,尚幸三個都還在,但其中一個提早退休,一個relapse醫緊,應該返唔到來;第三個好左,但他說回復唔到狀態,現在入左一個project team又好辛苦,想下年尾供滿層樓走人。我估我地為了當時的風光,各人博得太盡。

我有位戰友,在隔離部門,他上司退休了,在冇諮詢他的情形下要他report畀一位「鐵腕」女士。他唯有垂死掙扎,也不知是否可以改組。我公司好大,各部門好耐先換一次阿頭,但換人係會變天,不會好安樂的馬照跑舞照跳,要看自己運氣。

李聯廣
李聯廣 2016/07/22 08:20:53 回覆

Persie, 很難想像一間有規模的公司每次部門阿頭換人便要大執位,這樣無論對工作效率或員工士氣都有不良影響。若這是你公司的管治文化,唯有自求多福,祝你好運。

Persie
Persie 2016/07/21 14:34:03 回覆

聯廣,我這兒的情形係,如果阿頭退休,新老細上場會cherry pick,亦可能會帶自己D親信過來。已經超越左我係咪做得嘢這個標準。我知道我部門其他人都係人同此心,最希望阿頭可以extend contract就一天光晒。只可惜他身體抱恙,現在家休養,遙控著我們。我怕就快變失聯飛機😰所以不是杞人憂天。

李聯廣
李聯廣 2016/07/21 13:10:20 回覆

Persie, 香港的公立醫療體制猶勝歐美,何況你還有份醫保;而你老細就算退休照計部門仍要保留;你是否有點杞人憂天!

一如以往,我盡沽405後定必還有至少5%的升幅,似乎所有的REITs7788232778都有餘未盡,你餘下的405應該還可以放吓紙鳶。

Persie
Persie 2016/07/20 18:12:27 回覆

我地之前還評彈陳妍希唔夠靚演小龍女,原來現實中她真的嫁左畀過兒。過兒好靚仔,他選妍希,證明她是個好女仔,好女友,好太太。恭喜過兒小龍女。

Persie
Persie 2016/07/20 11:04:02 回覆

KFC,我只剩低兩萬股#405,3000股中電。再賣埋就冇晒貨底。我連#11,#6,#811都沽晒。

我仲有接近3萬股#3,幾千股#5(歷史遺留下來),人民幣匯賢#87001(蝕),#604(蝕),AH ETF(持平),這些沽都冇意思。我再冇其他貨沽了。

我想買返三百萬股票,有6厘息,好過冇。不過我朋友話不如用三百萬做首期買個單位(他舉例荔枝角泓景台),兩房630萬可以買到,可以租到$18K,變相有人代供樓。我話租屋好麻煩,佢話唔同意。我們有個friend在海怡持有左3個單位自住(其中有一個700呎做「倉」,真令人葡萄)。現在又買入第四個放租。

我都曾好熱切睇樓,但我計唔掂條數,因為我可能好快失業,所以我都係疊埋心水過節約生活。我有可能要做個手術,我自己有份醫保,手術費上限30萬一年。AIA曾sell我3000-5000萬一年,不過總保費好貴(好似要200幾萬),我買唔起。我以為這些高額保險冇人買,但我真係有朋友買左。我睇iMoney財叔都話值得買。我估條命好矜貴的不妨買,我咁草根就算吧啦。

 KFC
KFC 2016/07/20 08:36:35 回覆

Persie, 我見到#405又新高,不過發覺你地好似都出晒,所以刪左。因為我更早已走晒!

Persie
Persie 2016/07/20 08:10:24 回覆

KFC 你是否post左message?我唔見嘅?

Persie
Persie 2016/07/12 10:39:19 回覆

我的堂妹是位漂亮女生,但她只細我幾年,「保鮮期」漸過,所以聰明的她今次肯結婚了,落戶美國東岸。星期六farewell了她,她今早發whatsapp喊晒,話晒去左人地地頭,以後可能冇得咁惡😂😂

 

臨別贈言,她給我一個錦囊,話買股票要小心今年10月4號。她是江恩理論派。

Persie
Persie 2016/07/12 10:17:06 回覆

番茄,我係因為李斯特城奪英超冠軍而留意阿妹講的八運年。我連威爾斯對冰島都講得出,唔肯講葡萄牙因為我實在唔like C朗。阿妹亦都一早覺得英國會脫歐,見到新局面。所以唔好話Donald Trump冇機會。

C朗會否贏金球獎,還要看他在皇馬表現。事實上大家搏得太殘。美斯未打Copa已經背傷,阿蘇又拉傷,今次總決賽C朗膝頭又傷,都係漫長球季累積而來。希望尼馬冇事啦。歐國杯最佳球員頒左畀神射手法國基士文。

美斯C朗果然係雙生雙剋,你輸我就贏。

蕃茄
蕃茄 2016/07/12 00:19:09 回覆

葡萄牙攞冠軍.....今年果然係冷門之年.....

C朗今年歐聯加歐國杯雙冠軍在手, 但在兩場決賽表現都係可有可無, 今年又有無得攞金球獎呢?

Persie
Persie 2016/07/11 10:20:51 回覆

聯廣,點都係法國自己問題,唔夠進取。不過我睇波咁多年,有咩未見過,陰差陽錯葡萄牙就捧杯了。只可惜基奧特就得這個奪冠機會,現擦身而過。他平時邊有機會做法國正選。

我媽咪好搞笑,個杯未開始她就話紅衣球隊會捧杯(算命佬話的),她又好鍾意C朗,成日話我針對C朗,現在她吐氣揚眉,但捧杯後未同我在whatsapp講過一句話,可能覺得我抵死😝😝

李聯廣
李聯廣 2016/07/11 08:48:16 回覆

我覺得C朗有冇得打這場波好緊要,有C朗葡萄牙就未必能贏波,起碼艾達就肯定冇得踢。這又證明好波不如好運,葡萄牙90分鐘法定時間只贏過1場波就捧歐國盃;另外C朗係咪阻住地球轉呢!

Persie
Persie 2016/07/11 06:19:12 回覆

C朗10分鐘已受傷malfunction,但難以置信的賽果出現了。法國或許只可怪自己,但幸運之神確無眷顧,包括Gignac 90分鐘的中柱波。卡頓保錯給高斯尼黃牌亦直接令他兩分鐘後不敢犯規而令艾達射入。卡頓保看來同阿仙奴和我都有仇。C朗的成就一夜之間超越了美斯,因他捧了歐國杯而美斯失掉Copa,究竟C朗有冇打場波係沒緊要。

Persie
Persie 2016/07/10 11:44:09 回覆

聯廣,最大的loose cannon 可能係摩連奴😝😝😝

李聯廣
李聯廣 2016/07/10 09:23:40 回覆

Persie, 你一講到 loose cannon,我就即時諗到伊巴謙莫域,紅魔今季真係禍福難料!

Persie
Persie 2016/07/09 13:43:17 回覆

聯廣,完全同意你的講法。紐亞好波,但他的確係一個loose cannon。

如果冇個無厘頭12碼,這場波更好,但現在都已是一場非常精采的球賽。我好鍾意法國隊。

Persie
Persie 2016/07/09 13:39:37 回覆

多謝馬仔,聯廣。

恭喜馬仔,達達7月生日快樂。

幪面馬仔
幪面馬仔 2016/07/09 13:37:38 回覆

多謝聯廣。

達仔哥都好似是7月之星。大個仔喇。

 

李聯廣
李聯廣 2016/07/09 11:42:16 回覆

Persie, 係喎,係咪77日呀?祝你身體健康,工作愉快,心想事成。

馬仔,我都順祝你生日快樂,心想事成。(若冇記錯你都係7月生日嘅)

幪面馬仔
幪面馬仔 2016/07/09 10:36:11 回覆

舅父仔   補祝您合皮老二,身體健康,稱心如意

 

 

李聯廣
李聯廣 2016/07/08 21:40:24 回覆

Persie, 德國輸第一球12係因為一個「無喇喇」嘅角球,其實當時紐亞的位置應該睇得最清楚,在全無威脅的情況下應提場守衛不用踢出底線,只要掩護自己出迎便不會輸個角球導致「小豬」手球。

第二球雖然甘美治「高章」在自己禁區被搶波要負部分責任,但紐亞沒有將個右路傳中球順勢拍向左邊的無人地帶(難度他是左撇子),而選擇將球拍出中路但又衰在不夠遠,結果被基沙文衝前順勢半撞半撐下,射穿自己的大細龍門。

以上要求對一個世界數一數二的龍門應該不算harsh了。德國這次輸波可算有點不夠運,不過你話法國今場秤先D,我都同意。

今次上半場波係我睇過今屆歐國盃最好睇嘅一場波(不過我冇睇晒),完全不覺時間的過去便完上半場,下半場雖然有點失色,但仍算是近年少見的一場好波,德國始終入唔到波輸波也無話可說了。

Persie
Persie 2016/07/08 13:54:10 回覆

聯廣,紐亞有鋪清道夫癮。

小豬頭40分鐘演出無懈可擊。

李聯廣
李聯廣 2016/07/08 13:02:18 回覆

我覺得屢誤戎機的湯馬士梅拿「小豬」甚至甘美治都不是罪魁禍首,反而德國兩次失球都與紐亞有關,有空再談。

Persie
Persie 2016/07/08 09:32:42 回覆

我講緊50歲的男士,有頭髮冇頭髮差好遠。有一位現在56歲,年輕時有幾分似梁朝偉但他身高五呎十。可惜40來歲已經冇晒頭髮。現在頂盡似施丹咁型,但你不會知道他曾是如何一位俊男。

Persie
Persie 2016/07/08 09:03:36 回覆

馬仔,我淨係見TC贏到開巷。

我之前談及的兩位朋友都係靠份高職,花紅和磚頭累積財富。他們的股票都沒有贏錢。肥仔二號更在基金輸左一百萬。

Persie
Persie 2016/07/08 09:00:24 回覆

法國把握德國犯的錯誤,一舉擊敗他們。基士文入兩球,平Platini記錄。

不過我總覺得球証判決每每有利於法國。

Persie
Persie 2016/07/08 04:02:39 回覆

德國佔盡優勢,但法國以一個12碼領先。

幪面馬仔
幪面馬仔 2016/07/07 20:06:44 回覆

舅父仔      只是一些無病呻吟留言,故deleted.

 

做期權,我唔識亦唔鍾意。

師父教落,每月臨尾兩日做long,因大方向已出,贏面大,期權金又多。

幪面馬仔
幪面馬仔 2016/07/07 20:04:54 回覆

我有一對70歲的波友夫婦,他們的朋友常說……你老公靚仔呀。

女的說阿伯一名,點算靚仔。但眾阿太齊聲道……

有頭髮,冇肚腩,仲吾靚仔呀……

我笑到噴飯 {#iconb_272} {#iconb_272} {#iconb_272}

Persie
Persie 2016/07/07 12:42:18 回覆

其實我今年個心已經唔在投資。一來自己有健康問題,今次6月個test唔好;二來我直屬上司近退休年齡,我不知他留不留低,如果他不留低我不知可以去邊個部門。我唯有做好自己工作,希望有其他老板望到。我冇可能再望住個股市去搏炒。

肥仔二號去年在廣州買左樓,一炮過畀晒錢,目標係升值不會出租。現在又想在香港買一層用來收租。他的bonus可以有好多,他說要把握時機買磚頭。他說「Persie你信我啦,股票收息唔可以過世架,變廢紙容易D,你一定要買樓收租。」不過我唔同佢,佢公司65歲退休,佢跑大陸搏埋呢幾年可以上岸,我唔得。

Persie
Persie 2016/07/07 09:42:43 回覆

馬仔,妳個message好似唔見左!我唔識期指期權,如果封左底,唔係「輸就無限」,為何不作嘗試?

聯廣,我的金ETF一早甩左難,我用另一隻股票救返它。個隻係#902,華能,我朋友愛股。我見賺到金ETF蝕左的就沽晒。我朋友就慘D,華能跌返落$5,是他的買入價,但他個portfolio太大(游離於6-8M),又有樓收租,唔太care。

他其中一個收租單位係初出道時買的,400多呎建築面積,二百萬,現在租給內地大學生,非常搶手。上個月,上午兩個搬走,下午已經有兩個搬進來,中間兩個鐘做清潔。另一個係高檔劏房單位,只有不足300呎,可收到$18K房租。他沒有結婚,熱愛旅行;他外表非常好,又高又fit,年輕又多頭髮,很多女生傾慕,至於他為何不結婚或交男/女朋友,我都不知道。

李聯廣
李聯廣 2016/07/07 08:42:04 回覆

金價升至逾兩年高位

Persie, 返家鄉未?

Persie
Persie 2016/07/07 05:19:28 回覆

有同事話想去英國買Burberry trench coat 😳😳

想當年我2005去英國,匯率係一英鎊兌15港元。

我冇沽出過人民幣,都大瀉。

Persie
Persie 2016/07/07 04:17:20 回覆

威爾斯落後葡萄牙兩球,大勢已去。藍斯上次個手球,好大代價。A good lesson learned.

李聯廣
李聯廣 2016/07/06 13:14:10 回覆

決賽組合賠率:法國–葡萄牙2.55;德國–葡萄牙2.75;法國–威爾斯4.50;其他5.00(即係德國–威爾斯)

大熱係法國對葡萄牙,但竟然冇德國對威爾斯組合,係咪完全冇諗過威爾斯可以打到入決賽?但係威爾斯嘅冠軍賠率都只係得8.00(法國2.50;德國2.55;葡萄牙4.50),咁就真係唔抵買!

Persie
Persie 2016/07/05 12:26:39 回覆

馬仔,我鍾意法國。

我每次比賽都會畫個表,玩估波。我今年包尾,暫時得5分。阿妹老公領先,有9分。

幪面馬仔
幪面馬仔 2016/07/04 10:58:40 回覆

斷咗檻,冰島出局,咁寄望愛爾蘭喇 {#iconb_272}

Persie
Persie 2016/07/04 05:27:05 回覆

法國5-2擊敗冰島,演出優異。基奧特高斯尼身負黃牌,結果大步攬過。基奧特入頭尾兩球,非常好。

下場對德國,奧斯爾!

Persie
Persie 2016/07/02 15:06:57 回覆

威爾斯以團體表現贏波,well done!藍斯MoTM但非常可惜下仗停賽。

威爾斯絕對優於90分鐘未贏過波的葡萄牙。老天爺請眷顧。

李聯廣
李聯廣 2016/07/02 14:25:23 回覆

唔通今次決賽真係爆冷係威爾斯對冰島!不過都有可能係葡萄牙對冰島,因為好波不如好運,葡萄牙憑90分鐘未贏波打入4強,可能好似2011年美洲盃嘅巴拉圭咁一樣不勝闖入決賽。

Persie
Persie 2016/07/01 05:58:16 回覆

竟然畀葡萄牙闖入4強,嘿!

Persie
Persie 2016/06/30 14:41:42 回覆

聯廣,唔該晒,我沽出左兩萬股#405 @4.42。

李聯廣
李聯廣 2016/06/30 13:09:54 回覆

Persie, 上落市的策略應該是:個股52周高位要出番D貨,52周低位要入番D貨。希望起碼食到一半高低位。

瀏覽更多回應 正在載入...
user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。