PACO名人會
PACO名人會
PACO名人會

《導火》題材貼地 王宗堯: 一定有共鳴!

2016/07/25 08:41:48 網誌分類: 娛樂
25 Jul

        今個暑假大家不妨入場支持電影《導火新聞線》,以電視劇原班人馬孭飛上陣,把香港社會當下狀況搬上大銀幕,題材貼地,王宗堯大爆編劇潘漫紅為拍出更貼近2016的香港故事,不惜一手推翻原有劇本,他說:「漫紅原本寫一個關於香港金融問題的故事,但後來我們想部戲更寫實貼地,於是在沒多加修飾的情況下,把2016的香港拍出來,相信觀眾入場一定會有共鳴。」電影優先場已開賣,想知道現時香港發生咩事?那就要快人一步搶先入場睇。

主持:黃柏高
統籌:林永匡
協力:彭子僖
攝影:袁東亮、謝民光
場地提供:JerryMaguire

        被網民推選為神劇的《導火新聞線》能延伸至大銀幕,全因故事題材夠寫實,編劇潘漫紅坦言創作劇本時需考慮的問題很多,「我唔Expect好多人有睇電視劇,要把故事延續是有點難度,始終《導火》最好睇係人物關係,某程度上係要有所取捨,一開始個故事題材想講金融風暴,老闆睇過故事大綱都話OK,但我就無信心寫下去,後來Greg鼓勵我重新寫個自己有信心的故事,在沒包袱的情況下劇本寫得好順。」潘漫紅更點名大讚飾演方凝的周家怡演得出神,「因個戲好難演,升極都升唔到上總編輯個位,角色要比上一次演得更內斂,場場戲看似無乜嘢,但內心就掙扎,這是最難演的。」

        超水準港產片

        演戲向來用心的王宗堯埋位前刻意谷肥廿磅,凸顯「輝爺」那份頹廢懶散感,「我仍是那個非常火爆又有正義感的駱嘉輝,今次身負重任,要為達哥吳孟達飾演的譚銳智申冤,今次最開心係老闆都相信個故仔可延伸到電影版,拍一個更加貼近2016嘅香港故仔畀觀眾睇,導演方俊華非常稱職,能在有限度的資源成本下拍出一部超水準港產片,已睇試片的觀眾都話當中有好多感動位。」電影以一場交通意外作故事開端,緊接的爆破鏡頭亦拿捏得相當出色,完全掌握到觀眾情緒。

        張建聲角色矛盾

        電影版除有老戲骨吳孟達助陣外,還有我最睇好的張建聲,飾演《囧報》CEO的他以一句「Stay Hungry, Stay Foolish」來鞭策下屬,相當有Power,「Paco成日教我人生如戲,今次真係要多謝導演和編劇塑造一個我五年來未做過嘅CEO角色,內心戲好重,畀我一個好大挑戰,因我個角色要聽上面班老闆講嘢,對下又要啲新聞夠Juicy夠Hit Rate,所以上面又要擋下面又要捽,變相令自己好矛盾;我自己好鍾意Ending那段,因演員互相交流係用眼去感受對方,我覺得係連帶到成個Ending我都係紅住眼去收尾,做演員都紅住眼,咁觀眾睇相信都會有所感受。」

        方健儀初哥入戲

        戲中另一驚喜的有你我皆熟悉的方健儀,這次重新以新聞主播姿態示人,感覺一新耳目,「我今次唔係一個普通新聞報道員,係會跟導演有啲火花,雖然某程度上做電視新聞都係ShowBusiness,但要拿捏平衡都有難度,如戲中一場好爆炸性新聞發生,我竟然要走去非常混亂嘅現場報新聞,而導演又要我個樣配合當刻混亂場景,於是內心就有掙扎,『喂,我係一個新聞報道員唔係做戲喎,究竟做戲定做新聞先?』,其實踏足第一步試不同範疇工作可以自己最熟悉的狀況去做,對我這初哥來說係幾有發揮和幾滿足。」編劇漫紅在旁補充說:「當初寫呢個角色係唔知邊個演,但我愈寫愈覺得要畀啲嘢佢,覺得呢個人好有趣,目擊住成個過程發生,應該好有自己諗法,所以覺得要搵個得嘅人做。」
        
 
■下月4日上映的《導火新聞線》題材貼地,想知香港今日發生咩事,就要入場睇片。
■下月4日上映的《導火新聞線》題材貼地,想知香港今日發生咩事,就要入場睇片。
■輝爺、方凝、阿咩合力為譚銳智申冤。
■輝爺、方凝、阿咩合力為譚銳智申冤。
■王宗堯表示台前幕後人員都想把最真實的香港現況呈現觀眾眼前。
■王宗堯表示台前幕後人員都想把最真實的香港現況呈現觀眾眼前。
 
■張建聲這次角色內心戲極重,是很大挑戰。
■張建聲這次角色內心戲極重,是很大挑戰。
■編劇潘漫紅坦言為讓大家知道2016的香港故事,不惜把原有劇本推翻重寫。
■編劇潘漫紅坦言為讓大家知道2016的香港故事,不惜把原有劇本推翻重寫。
■CEO張建聲為搶Hit Rate,不斷向方凝施壓。
■CEO張建聲為搶Hit Rate,不斷向方凝施壓。
 
■張建聲坦言Ending上司下屬為新聞對決一幕最感人。
■張建聲坦言Ending上司下屬為新聞對決一幕最感人。
■孭重飛的王宗堯對這部戲十分緊張,不時在現場幫手。
■孭重飛的王宗堯對這部戲十分緊張,不時在現場幫手。
回應 (0)
我要發表
user