Dream House

2016/07/26 08:23:36 網誌分類: 未分類
26 Jul

 

馬仔剛提到 her dream house 又一村。

 

星期六同朋友食飯說起,各人的dream house是哪裡?我話都冇錢買自己心中的dream house啦;朋友答,如果唔計是否買得起,你又喜歡哪兒呢?

 

哈哈,問倒我添。個剎那,語塞。不過我好practical,都係鍾意住瑪麗醫院附近,所以貝沙灣其實非常好。首先,它好幽靜但好快可以出到中環,唔會隔涉。它有商場,餐廳,超市,戲院,酒店,社區自給自足。它有小巴,巴士線,公共交通也算方便。

 

我印象中去過一個鬼佬朋友西貢的house,很靚很舒服,也是非常好的地方。

 

我真正喜歡的建築,係四合院。我覺得四合院的建築係極靚,我從少就喜歡。

 

不知大家的dream house 又是哪兒?

回應 (37)
我要發表
Persie
Persie 2016/09/07 23:10:22 回覆

馬仔,祝好運!

幪面馬仔
幪面馬仔 2016/09/07 22:06:11 回覆

聯廣


如果我老闆賣盤成功,如新公司接收我,都可能有得做。

Persie
Persie 2016/09/07 11:42:26 回覆

馬仔,我明妳講乜。有時我地打工好被動,唯有試下搵過份工。不過我會搵唔到,我搭過路,但我這把年紀,冇人吼。

Persie
Persie 2016/09/07 11:35:14 回覆

聯廣,簡單講,有高層劈炮,旗下的工作四分五裂,暫時劈開幾份,我老板硬哽其中一份。高層都走?咪因為𤓓到快著火囉。我現在感覺係畀人兜頭淋。不過不是我一個,個個要硬接的都一樣。

你可能會問點解冇人接手整個部門,點解冇contingency plan?因為咁高級的位,要搵有質素的人接係唔易。點解高層咁快走得甩?呢樣我都唔知。聽講係拍檯反面走。我地4月先出bonus,位高層亦唔會因為要等花紅而留,索性一拍兩散。

李聯廣
李聯廣 2016/09/07 08:28:56 回覆

Persie, 馬仔,有大鑊?幾大都要撐住呀!祝柳暗花明,加油。

幪面馬仔
幪面馬仔 2016/09/06 22:03:22 回覆

我都應有隻大鑊黎緊,但邊走邊看喇 {#iconb_27}

Persie
Persie 2016/09/06 12:47:40 回覆

已經開始同一些「新」同事合作,感覺係有一隻大鑊照頭笠。

「提早退休不是夢。」

Persie
Persie 2016/09/05 10:39:11 回覆

聯廣,這些都係事後孔明,我相信其他隊伍的「險簽」list 亦好厲害。況且簽了回來還要看合作的化學作用,冇早知。

李聯廣
李聯廣 2016/09/04 15:14:43 回覆

Persie, 講起「險簽」,不知你有沒有看過所謂「十大阿仙奴的險簽」(包括雲加上任前的「險簽」)。十大如下:(1) 費格遜;(2) 耶耶托尼;(3) 碧咸;(4) C朗拿度;(5) 美斯;(6) 杜奧巴;(7) 「小豆」靴南迪斯;(8) 卡域克;(9) 施治(最終都不是「險簽」)(10) 伊巴謙。就算一半是真,也會非常震撼。還有,當中有6人與紅魔有關係。

十大阿仙奴的險簽


PS 我覺得net worth excel sheet每年一次已足夠,我會在1月做。

Persie
Persie 2016/09/01 13:11:48 回覆

Whatsapp足球群組的朋友問我點解今屆咁靜。老實講真係冇左passion。我都唔想自己54歲已變「等死一族」,但我確實對事事都提不起勁!

每個月尾我都會做一張 net worth excel sheet。昨晚做的時候,覺得這一堆數字其實毫無意義。如何可活出有衝勁,有意義的人生?

Persie
Persie 2016/09/01 13:09:11 回覆

部門改組比想像中來得更早。現在不知會怎樣,暫時一團糟,且看如何發展。

Persie
Persie 2016/09/01 13:07:45 回覆

聯廣,Mustafi都叫做見過,係國家隊成員。位前鋒Lucas Perez真係唔知乜料,打拉科,就快生日28歲,has never been capped by Spain. 我對他抱有極大懷疑!

李聯廣
李聯廣 2016/09/01 08:19:49 回覆

Persie, 如你所願,雲加卒之肯大破慳囊,沒有「險簽」Mustafi。不過我對此君真係冇乜印象。

Persie
Persie 2016/08/29 09:56:50 回覆

邊有人知道自己幾時死,唯有活在當下,有咩想做就做左先,不要樣樣都等。都識得兩位朋友話我退休之後就會去做D乜乜乜,退休前還營營役役在忙,結果退休後不久就急病去左。

Persie
Persie 2016/08/29 09:14:52 回覆

在我來說,廿幾歲和現在立的平安紙,受益人會唔同左,係都要再立過。我有時會買新保險,有時又會有舊保險到期,所以保險正本一定要放在我自己家。

上次聯絡Uncle個平安紙律師,順便問下他的秘書立平安紙收費,她說$3000-$4000,她說我可以自己問律師,可能係Uncle朋友可以收少D😝

首先,我要去找個遺產執行人。我唔會找媽咪,亦唔想找阿妹,可能試下堂家姐。我朋友個媽咪好搞笑,搵左幫她鑲珠寶的師傅做執行人(已安排送他一件珠寶作為答謝)。

BoBo Fox ( 心好, 好日來)
BoBo Fox ( 心好, 好日來) 2016/08/28 19:44:07 回覆

Persie,  狐廿幾歲第一次買樓已立好平安紙,

所有保險單放在一個袋交俾家姐 ,

(聽說很多家人都會CLAIM 漏 , 因為根本不知有幾多份單)

有兩 次 以為過不了關, 黙黙地處理好家中瑣碎 (文件, 衣服, 相片, 書本) ,

可是全世界的人也沒有答案的一件事 : 自己幾時死 ?

懶洋洋起來的時候 , 總對自已說一次 : 如果今天是生命中最後一天 ......... 

Persie
Persie 2016/08/26 09:41:11 回覆

Bobo,原來人走後,係遺下好多事情要處理。我昨晚上了他家,找到了遺囑正本和他借錢給人的單據。他以高息借出了15萬鎊給一間公司。因為他知道auntie唔想他借所以隱瞞了此事,臨終時告訴女兒。Uncle的簽名遺囑副本得我有,他太太和遺囑執行人都冇;所以Uncle又把副本放在包裹中給我。Uncle的書房,文件收得井井有條,真係要畀個讚!

Uncle的事啟發了我,我已將所有保險列出,放好在一個公事包,有事的話家人也容易找。保險公司如果唔知我去左,亦唔會賠錢,需要我的家人作出索償。

我又萌生起寫遺囑的事情,但我未知改如何分配我的財產,亦都未能找到遺產執行人(問過朋友,他們話唔想做)。

BoBo Fox ( 心好, 好日來)
BoBo Fox ( 心好, 好日來) 2016/08/25 23:48:22 回覆

Persie,

人生大概就是如此,

晚上睡了, 第2 朝打開眼咁就一日,

打唔番開咁就一世........... 

 

Persie
Persie 2016/08/21 23:40:41 回覆

Bobo,Uncle臨返英國之前,同左我去會所食炸魚薯條。他交左一個小包裹給我,叫我代為保管。我說我冇保險箱,如果貴重我未必能妥當保管,但Uncle話只係小小紀念品,驚工人唔小心掉左。我把它放在家,都冇理會。到他仙遊,我知他有事委託我做,就打開包裹。果然係,原來他在香港的朋友大都80幾歲,所以他要交託我。還有他的遺產執行人(大我幾年)。我們就需要去找出Uncle的資產。Believe it or not, auntie 甚麼都不知道,亦唔係好care。佢個女話「未得閒」來香港辦理事情,現在Uncle在香港的status仍然係「在生」,所有expenses仍然係從他戶口自動扣數。他的銀行經理都知道。她說一日冇死亡証,一日都唔會凍結戶口。

Persie
Persie 2016/08/21 16:59:24 回覆

聯廣,我又冇覺得意外。阿仙奴抽籤問題,一開季對神經刀和上屆冠軍,我冇大期望。尤其是第一場三個中堅傷晒,棟兩個細路喺度,輸都唔奇怪。第二場對狐狸,上屆兩勝狐狸,幸運到不得了,我都好驚今季要「還」。老實說昨晚卡頓保對我們非常寬容,冇畀高基連第二面黃牌亦沒罰我們輸12碼,我已經好感恩。奧斯爾出來後進攻好左唔少,所以我希望係越打越好,但冇中堅都係好危險,不知為何臨尾簽不到Mustafi。

李聯廣
李聯廣 2016/08/21 13:21:26 回覆

上季冠亞嘅狐狸同槍手兩仗只得1分暫列1412位。狐狸今季難打早已預料,但槍手脫腳就有點意外。另一意外就是重返英超兩戰全勝的侯城,唔知係咪只係虛火?

BoBo Fox ( 心好, 好日來)
BoBo Fox ( 心好, 好日來) 2016/08/18 21:24:40 回覆

7月總是個厄異的月份, 國內的廠長, 也在14走了,

也是肺癌手術成功後, 居然不夠血輸而走了.

今天擺堂, 我因同組有2 人放大假, 無法上開平致最後敬意.

余廠, 謝謝你親自開車送我趕回港, 也謝謝你常幫我訂酒店房,

免在宿舍餵蝨, 一路好走, 無苦無難.早登彼岸.

幪面馬仔
幪面馬仔 2016/08/12 14:54:46 回覆

除了長江中心不賣,什麼都可以賣。咁港燈賣唔賣............

 

Persie
Persie 2016/08/07 18:20:14 回覆

謝謝聯廣,人生也應如是看,離別不須太難過。

 

Uncle完成了整個化療療程,本來係八月中去scan下看看個腫瘤如何,但他發高燒被送入院,原來係在身體最弱時感染了肺炎,醫生話用盡最強的antibiotics都冇反應,藥石無靈。他就這樣走了🙏🙏🙏他化療有些辛苦,但他報喜不報憂,總告訴我他感覺很好,冇唔舒服,但總算化療過程好短,他沒有受太多苦。

 

其實他都知道自己命不長久,去年底成功賣左間大屋,換了個apartment,好等太太容易打理。本來英國經濟不景,他賣大屋都唔易,但他決定劈價求售,終於賣出大宅。大宅從Google map俯視,有前院和後院。他說會在後院BBQ,前院就種滿靚花,但近年太太都年老,都係聘請專業人士打理園子。他的新apartment都很靚,有地下停車場,24小時保安,周圍環境又好,令他很安心。

李聯廣
李聯廣 2016/08/06 12:12:12 回覆

分之無常也!故生而不說,死而不禍。

Persie
Persie 2016/08/05 11:25:03 回覆

返左英國化療的Uncle過左身。RIP。本來他明天生日。

他還一心想著回香港。之前有經紀來電問他層樓,開價22M,他哈哈大笑。轉眼,人就走了。

Persie
Persie 2016/08/03 17:29:09 回覆

沙田溱岸8號1座低層G室,3房連套房間隔,實用面積744方呎,原開價1,138萬元,最終減價128萬元,獲買家以1,010萬元承接,減幅約11%,實用呎價13,575元。

Persie
Persie 2016/08/01 08:33:14 回覆

Hello 浪子你好!

司徒拔道白璧,比鄰傲璇,現正在翻新外牆。40年樓齡冇會所,但個景真係冇得輸。晚晚看住香港繁華夜景,睇住幻彩詠香江,嘆幾杯drinks,一樂也!

浪子152
浪子152 2016/07/31 19:08:53 回覆

溱岸8號~~~

Persie
Persie 2016/07/30 14:55:32 回覆

聯廣,真係好景色!我去過海景台,雅景台,都冇見到這個景,可能個單位唔夠高。老朋友住在北角寶馬台好耐,我記得以前他的露台見到美麗海景,但後來已變了樓景。因為屋苑已舊,他之後都搬走左。你講的村屋好好,但保安成疑,可能養隻大狗好D!

我現在住的地方,最好係打風落雨去商場都不用打傘,好方便。

李聯廣
李聯廣 2016/07/30 09:40:51 回覆

 

北角半山如海景台、雲景台等向西或西北方向的確可看到近景是維園,遠景是西環的維港海景。

至於我的dream house,不用豪裝,只要寬敞樓底高,我曾見一些新界半幢的三層村屋,每層350呎,天台可種植,門前有小花園及車位,不過多數都是發展商套丁起的新樓,價錢都要成千萬甚至過千萬。

Persie
Persie 2016/07/29 15:53:35 回覆

天后柏景臺第1座中層G室單位,實用面積949方呎,3房2廳連主套及工人套房設計,獲一名用家斥資以1,775萬元低市價6%購入,實用呎價18,704元。

Persie
Persie 2016/07/28 17:25:35 回覆

我們尊稱為「阿哥」的舊同事明天退休了。我跟他傾過偈,他是有點「鬱鬱而終」的,因為最後兩年感覺被投閒置散,好些大計冇機會做。不過阿哥都60歲,他也看化了。阿哥經濟條件優越,同太太有影皆雙,兒子有份好工;雖然阿哥以前曾有大病,但過左去已冇晒事。他是有點點遺憾,但亦應該無所謂。

阿哥勉勵我,他說退休不需要好多錢,豐儉由人,生活方式係自己選擇。阿哥好鬼fit,笑我膨脹左,話我可以食清淡些,每天運動。他說他當年咁大件事都跨過,我這些就小兒科。我希望阿哥退休以後生活愉快。

Persie
Persie 2016/07/28 08:06:47 回覆

維園同西環隔好遠,一個shot見晒?可能係航拍。

天后柏景台我都鍾意,它的維港景好靚。羅便臣道D樓亦非常好,但要有車出入。

港島區維港海景樓都向北,九龍就向南,所以西九Elements的樓都又貴又靚。

幪面馬仔
幪面馬仔 2016/07/27 22:05:07 回覆

舅父仔

我喺想住又一村,但不是我的dream house.

我有時睇電影會見到一shoot,由高處影下,見到維園,西環,再見到去大嶼山小輪出口處,我想是否北角半山??

Persie
Persie 2016/07/27 18:19:35 回覆

九龍塘又一村花園B18座低層B室,實用面積801方呎,3房連套房間隔,開價1,380萬元,累減120萬元,以1,260萬元易手,實用呎價15,730元。

user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。