西人有小朋友就不吃西餐?
2016/11/21 10:13:23 網誌分類: 經濟
他們說後,我轉頭看看四周,才發現餐廳內確實燈光過份昏暗,氣氛過份優雅,而偏偏他倆又過份麻甩。加上我剛才遲到了,要他們兩個男人在這麼有情調的氛圍下對坐,即時顯得他們的性取向成疑。
他們當中,有一位更為不自然,因他已是兩個小朋友的父親,故他很久沒有吃過西餐。另一個正期待着自己的小BB出世,聽他說當了爸爸後很久沒吃西餐,當然感到又擔心又驚訝:「點會呀?你冇同老婆撐枱腳慶祝生日嘅咩?」他就回答:「生咗兩個仲邊有時間吖!每次出去食飯又要帶BB車又要帶尿片,啲小朋友又會扭計,食嘅嘢又未必啱啲小朋友,自然就少啲出街食。而且西餐廳啲客人都鍾意靜,唔似得食中菜咁熱熱鬧鬧,多個BB喊都冇人會理,因為酒樓熱鬧程度猶如街市,就算BB喊到拆天,你女人唔提你,你都仲可能會以為啲喊聲係隔籬枱傳過嚟。」
然而想深一層,西人父母又是怎樣的呢?西人本來就是吃西餐的,沒理由生了小朋友後就改吃中餐,到小朋友長大後才又吃回西餐吧?那麼西人有了小朋友之後是如何吃西餐的呢?難道他們有了小朋友之後就不再上街吃飯?
還是,原來向來都是中國人庸人自擾?覺得帶着小朋友的話不該吃西餐,因為小朋友一哭鬧起來就會破壞環境氣氛,而其實西人向來不介意,西人介意的,可能只有會在浪漫餐廳內沒文化地大呼小叫的大媽大叔,但對於小朋友的哭哭啼啼都會容忍?
公子日記?森美
回應 (0)
我要發表