好老闆難求 林欣彤感激跟王祖藍合作
2017/08/14 08:41:18 網誌分類: 娛樂
| 在娛樂圈發展除了靠實力，觀眾緣一樣很重要。2010年林欣彤（Mag）參加TVB《超級巨聲2》奪得冠軍入行，即被封為「小巨肺」，翌年更撗掃四大樂壇頒獎禮的新人獎，可見Mag觀眾緣不俗。這次跟她正式傾談，發覺她很容易笑，給人開心的感覺，這份感染力對演喜劇很有幫助，原來她剛拍完經理人公司老闆王祖藍有份製作的喜劇《老表，畢業喇！》，還有機會跟經驗豐富的蔣志光和韋綺姍合作。談到新老闆，Mag感激祖藍的無限量支持，「我喺音樂上得到好大自由度，真係好感激跟咗祖藍呢個老闆！」今時今日有這樣的老闆真的很難得！ 轉眼Mag已入行7年，兩年前簽約王祖藍旗下工作室，談到跟這位老闆合作，她認為對方也是藝人，更容易了解她想法，「當初合作嘅原因，係自己好多時想被了解，但係我又唔係好叻表達自己，所以好想有一個老闆，能夠好了解我就好啦！咁啱我同舊公司完約，祖藍佢又有意開工作室，樂（易玲）小姐就問我有冇興趣同祖藍傾吓偈呀？傾吓傾吓就加入咗佢工作室啦！」 「奇怪」的老闆 祖藍當然有自己一套管理，以及跟Mag溝通的方式，才能令到她覺得這個老闆無揀錯。Mag說：「其實新公司同以前最唔同，就係唔會有一個方程式去做歌，或者宣傳同接工作，我哋只係把握每一次機會去盡量做。至於在製作音樂上，我最感激係得到好大自由度，祖藍成日會話『音樂呢！你就我老闆啦！』佢好尊重我，如果我有乜嘢Idea，有咩係想做，我解釋咗畀佢知，佢認為可行，都會尊重同支持，所以我好感激跟咗呢個老闆。」 Mag的新歌《奇怪》，也是得到「奇怪」的老闆全力支持下製作，Mag還解釋創作背後理念，「呢首歌想講『奇怪』係好難定義，每個人標準都唔同，唔會有一個公認嘅準則，但係『奇怪』只要你覺得係就係，其實喺現今社會唔單止係藝人，普通人都會被公開評論，當你被評論係一個『奇怪』嘅人時，唔需要太介懷，可能最奇怪嘅人，就係嗰啲淨係識得評論人哋人生嘅人。」 尊敬的「老師」 Mag最近參與電視劇《老表，畢業喇！》和音樂劇《我和青天有個秘密》演出。首次參與祖藍的《老表》系列，Mag很興奮跟前輩蔣志光和韋綺姍合演一家人，「我演嘅『程舒』係一個補習老師，本身對教育好有抱負，好想成為人哋榜樣，所以好想做一個正規老師去教育下一代，唔想淨係為咗搵錢去教人。今次我同好好嘅演員班底合作，譬如蔣志光老師同韋綺姍前輩。（全部係唱家班？）係呀！我哋係一個family嚟，佢哋係我爸爸媽媽，我哋都仲有啲合唱戲。」 不但電視劇，連即將公演的音樂劇，Mag也是跟蔣志光合作，她更尊稱對方為老師，「好幸運同蔣老師合作，佢本身係一個好好嘅演員，又係好好嘅前輩，佢唔介意亦都會主動咁教導我，可能我真係拍電視完全冇經驗，始終演戲唔係就咁演出嚟，要就好多部機，或者對手嘅企位，好多嘢要顧，蔣老師都會主動教我，呢度要點點點，嗰度又要點點點，總之佢覺得我做得唔夠就會教。」 主持：黃柏高 統籌：林永匡 協力：杜淑霞 攝影：袁東亮、謝民光 髮型：JimTse@HairCorner 場地：PalcoRistorante（26188383） |
 | |
 | |
| |
 | |
| |
 | |
 | |
| |
 | |
| |
 | |
| |
| |
 | |
| |
 | |
| |
 | |
| |
| |
回應 (0)
我要發表
