表演場地不夠如何解決？

上兩個星期左右，藝術行政人員協會在灣仔活動場地 The Hub 搞左個講座，仲搵埋民政局局長政助黎穎瑜及經濟發展局局長政助馮海容黎一同討論政府對藝團場地支援及資助不足的問題。

多個團體在是次討論會都批評搵唔到表演場地排練，與政府資助好多時都只夠交租，根不夠等問題。兩個政助一個就承認可能要改例，一個就話有責任開拓表演場地，但好多場地問題都關其他局嘅事。

馮海容就承認唔單止藝術團體，很多初創企業都面對場地問題，承認當年制訂相關政策相當保守，新一屆政府點樣提供協助就要考慮行政手段或研究修改法例等可行性，明白初創企業同文化機構等都面對場地、租金等好大壓力。此外黎穎瑜就話當局對開拓表演場地責無旁貸，但係如果人流多咗就變成消防問題，就係由保安局負責。其他安全層面、地契限制就由發展局負責。當局成日都問教育局有冇得用下啲空置校舍，但流轉需時，個個政策局都吼住，依家構思下年度畀資源現時使用中嘅校舍，以提供文化藝術場地。

講左咁耐，即藝術團體又要再等下喇！