PACO名人會
PACO名人會
PACO名人會

結婚5周年 連環放閃 「最佳人夫」陳豪送貴鞋 睇戲捧老婆場

2018/06/19 04:12:28 網誌分類: 娛樂
19 Jun

上星期,係娛圈模範夫婦「雙陳」陳豪(Mo)陳茵媺(Aimee)結婚5周年紀念嘅大日子,甜心老婆先喺網上向Honey示愛;「最佳人夫」就帶愛妻浪漫遊「直升機河」,閃到眼盲。慶祝一日又點夠呀!日前下午,呢pair恩愛夫妻撇下三名子女,拍拖外出連睇兩場戲享受二人世界。其中一套係Aimee有份演出嘅新片《某日某月》。滿分人夫仲買對過萬元閃石扣鞋冧妻,O氹到成身pink colour嘅粉紅人妻甜絲絲呢!

47歲嘅型爆人夫陳豪和37歲索爆老婆Aimee 13年6月11日喺巴黎完婚,三年抱三,兩子一女分別4歲半至兩歲,一家五口好幸福。月中,適逢「雙陳」木婚紀念日,阿Mo夫婦放下小朋友展開甜蜜之旅,Aimee喺個人網誌放咗條sweet爆短片,明顯由老公陳豪揸機,直擊坐直升機,疑似飛咗去澳門撐枱腳。

難得阿Mo未開劇有時間陪老婆,日前中午,陳氏夫婦先去太古城中心睇《某日某月》。見薄妝陳太穿上粉紅色裙配Hermes粉紅色garden party手袋,化身粉紅人妻,小鳥依人同man爆老公出街。捧完太太場,二人再拖手現身置地廣場。搞乜呢?原來前一日Aimee去咗名店Roger Vivier睇中一對白底閃石扣拖鞋,鞋上有車厘子圖案,好鬼cute,售價$11,900,由於未有貨,人妻訂鞋先,翌日拉埋老公去買,萬零蚊O氹老婆歡心,抵啦!

買完禮物,兩公婆又手拖手漫步行去ifc,見阿Mo喺戲院自助攞飛,睇多套5點半《侏羅紀世界:迷失國度》。其後,二人發現記者,阿Mo微笑打招呼;人妻就怕羞避鏡。記者問二人唔使湊小朋友,有空拍拖?阿Mo笑笑口說:「放假嘛!咪一齊去睇老婆套戲囉!」然後禮貌say bye入場,完場後就急急腳去攞車返家湊仔。

採訪 : 張詠森、李維隆


        

Man爆人夫p/  高大有型嘅陳豪一向好nice,當日喺ifc見到途人同佢say hi,人夫都會禮貌揮揮手。同記者笑晒口,亦係指定動作。
 Man爆人夫

  高大有型嘅陳豪一向好nice,當日喺ifc見到途人同佢say hi,人夫都會禮貌揮揮手。同記者笑晒口,亦係指定動作。 
散場拖實p/  黑超阿Mo睇完《侏羅紀》,馬上拖實粉紅人妻。Aimee個樣好冧。
 散場拖實

  黑超阿Mo睇完《侏羅紀》,馬上拖實粉紅人妻。Aimee個樣好冧。 
先撐老婆p/  當日一時許,兩公婆先喺太古城中心睇Aimee嘅新作《某日某月》。
 先撐老婆

  當日一時許,兩公婆先喺太古城中心睇Aimee嘅新作《某日某月》。 
粉紅人妻p/  近排好鍾意戴呢頂帽嘅Aimee,以粉紅色連身裙配Hermes粉紅色garden party手袋。
 粉紅人妻

  近排好鍾意戴呢頂帽嘅Aimee,以粉紅色連身裙配Hermes粉紅色garden party手袋。 
萬元小禮物p/  近年成日送Hermes畀愛妻嘅阿Mo,當日買過萬元鞋冧妻。
 萬元小禮物

  近年成日送Hermes畀愛妻嘅阿Mo,當日買過萬元鞋冧妻。 
幸福一家p/  陳豪夫妻不時舉家出動,愛妻暫時話封肚「三個夠晒數」!
 幸福一家

  陳豪夫妻不時舉家出動,愛妻暫時話封肚「三個夠晒數」! 
空中漫遊p/  上周中,「雙陳」慶祝結婚5周年,坐直升機去澳門展開甜蜜之旅。
 空中漫遊

  上周中,「雙陳」慶祝結婚5周年,坐直升機去澳門展開甜蜜之旅。 
買嘢畀小朋友p/  Aimee獨自出街當日,先去mothercare買咗袋嘢畀仔女,同記者禮貌打招呼。
 買嘢畀小朋友

  Aimee獨自出街當日,先去mothercare買咗袋嘢畀仔女,同記者禮貌打招呼。 
睇定鞋 叫honey買p/  睇戲前一日,Aimee以同一頂帽、外套、手袋和波鞋現身中環置地廣場,試咗對$11,900嘅閃石扣拖鞋。
 睇定鞋 叫honey買

  睇戲前一日,Aimee以同一頂帽、外套、手袋和波鞋現身中環置地廣場,試咗對$11,900嘅閃石扣拖鞋。 
晒婚照示愛p/  Aimee喺社交網晒黑白婚照慶祝木婚,同老公示愛:「你是永遠我最喜歡的人!」
 晒婚照示愛

  Aimee喺社交網晒黑白婚照慶祝木婚,同老公示愛:「你是永遠我最喜歡的人!」 
回應 (0)
我要發表
user

最新回應

jazz 2204
jazz 2204 2020/08/03

Good day! I could have sworn I've visited your blog before but after going through a few of the posts I realized it's new to me. Regardless, I'm certainly pleased I stumbled upon it and I'll be book-marking it and checking back cokeandpopcorn is