5~6/7 止跌回升

港股連跌三天.低開急挫屠牛後V彈收窄跌幅呈陽燭.反彈在望

5/7 周四恒指收報28182, 跌59點(最多下跌411點, 一度上升79點)

國指收報10608, 跌104點(最多下跌262點), 國指大幅跑輸恒指

預期的破底大插果然出現, 港股做了第二隻腳創新低27830又玩拗腰, 收28182, 僅跌59點, 大鱷秒殺1577張肥牛趙完鬆, 牛牛真係死唔眼閉, 港股反彈在望喇! 我上周曾說過港股轉角市快將出現, 因28000大位買盤會增加, 今日插穿前底27990創新低27830亦見補空倉買盤, 係利好訊號, 代表港股隨時會止跌回升向上走

恒指由1月大頂33484插到今日低位27830, 由高位回吐5653點, 已是本周第二次插穿28000, 守住27800關鍵大位, 連續2日都係先插後拗腰, 收28000邊, 跌勢有喘定味道, 多隻指標股已止跌回升, 冇再創新低, 具啟示作用

本周已跌3日, 按照慣性走勢明日反彈機會大, 只要未來三日冇再創新低, 大市見短底就有望上攻屠熊, 向28300.28500.28800.29000....進發, 尋找7月頂部, 較大阻力在29300~29500, 係20及250天線所在, 以大鱷操控港股的能力, 觸底反彈閒閒地有千多點升幅

世界盃例淡已屆尾聲, 暴跌浪暫告一段落, 無論大市抑或個股都超賣, 下移的熊熊會引領大市上去, 剛出世的貼價BB熊有約600張在28300~28600, 命危噢! 阿爺出手又出口術救市, 人民幣跌勢喘定, 美日元回軟, 港元拆息回落, 都有利港股反彈

大鱷似係一路屠牛一路部署反手屠熊, 7月係好淡通殺格，本周埋彈恒指收跌已無懸念, 恒指連跌4周, 係2016年11月以來最長的下跌浪, 不過連跌4周反而令下周收升機會增加, 到今日為止高低位27830~28642, 月波幅遠遠未達標, 往後會創7月份新高或新低呢? 估計會先上破28642向上走, 見頂後才回落再尋底

在大跌浪當中市場瀰漫悲觀情緒, 股民慣性造淡, 大鱷就會失驚無神變臉玩偷襲, 推升挾淡屠熊，所以過去幾日我特別留意大市有冇異動，因為急升尋頂突然見頂回落好友死得慘烈, 同樣地, 大插後突然止跌回升淡友亦死無全屍, 近日睇多個測市指標都反映今日破底創新低, 明日就會作出反彈, 所以元帥趁今日插水已走熊, 因為按照劇本大市跌勢隨時會轉向

港股止跌回升熊命危

6/7 周五恒指收報28315, 升133點, 港股結束三連跌釋出利好訊號.升勢有望延續

大鱷連環下殺屠牛足足一個月, 壞消息已消化了好一段時間, 時間上已足夠支持一個反彈浪, 今日轉口味射出屠熊第一槍係利好訊號, 淡友上得山多終遇虎了

按照劇本下周會再上攻大舉屠熊, 向28800.29000進發, 收市如能上企就會挑戰250天線, 午後大市沖高突破28500後急回, 抹去大部份升幅, 示人以弱擺明係詐死, 扮上升乏力, 係震牛引熊, 結果28600~29000有超過600隻BB熊飛撲入市, 中伏了, 28600~29000合共有約2000張熊熊, 真係要買定官才, 大鱷已經流晒口水, 準備開大餐

港股昨日低見27830今日止跌回升冇再創新低, 熊命危喇! 因為當大鱷低位收夠貨, 止蝕斬倉潮過後, 大市一轉向就會急速彈高, 如果股民企錯邊就會走唔切, 一挾淡逼淡友補空倉港股就會爆升, 只要有上証回升做助力, 港股就有運行,

元帥日前已多次預告本周港股會創新低, 然後會止跌回升, 拗腰上攻尋頂, 如果大鱷係為了屠牛而插穿28000, 跌過籠就會趙完鬆, 不會長時間處於28500樓下

按照劇本下星期五港股周線將會收升(即係收高過今日收市位28315/10622), 應市策略係趁本周插穿28000走熊轉為買上, 一般來說, 未見底大市會上升乏力, 好難連升, 但見底後上升動力就會增強, 會係急升扯住上, 大市會出現連升, 淡友要小心, 下周世界盃尾聲, 基金經理或投資者或會陸續回歸入市, 港股跌到低殘, 無論長短炒, 都會有買盤掃貨, 淡友回補空倉亦有助推動港股向上, 急跌亦會急彈

港股連升兩天.高開高走呈陽燭.一升到尾大舉屠熊.貼價熊命危

9/7 周一恒指收報28688, 大升372點(最多上升506點), 重上10天線

國指收報10768, 升145點(最多上升245點), 國指小幅跑贏恒指

尾市港股升幅收窄, 睇股份表現仍會再上沖屠熊, 下一站挑戰29000, 阿爺救市, A股急升成為港股的後盾, 成也A股.敗也A股, 回顧29/6上証爆升60點翌日就反艇, 預示明日內地股市將會受壓, 亦會拖累港股, 加上今次技術性反彈目標在29000, 以及反彈跌幅的0.382倍黃金比率29240, 估計阻力會好大, 因為獲利盤會出籠, 打開逃生門必定會惹來沽壓

大媽今日掃貨係港股的升市功臣, 港股能走多遠就要睇大媽會否趁反彈又走貨, 另外亦要留意貿易戰新消息, 大市隨時會轉向下走, 燈神經仔通梁蛇看好入貨買上係利淡訊號,