24~27/7 沖頂屠熊部署屠牛

港股連升三天呈陽燭.大舉屠熊.繼續尋頂之旅.向29000進發

24/7 周二恒指收報28662, 大升406點(最多上升462點), 收復10及20天線

國指收報10974, 大升242點(最多上升296點, 一度下跌10點~競價開市位), 收復20天線, 國指大幅跑贏恒指

今日高見28718就回頭, 皆因下面27600附近有重倉牛, 大鱷要詐死扮冇力, 震走牛牛, 令佢地無法受惠往後的升幅, 亦要養熊引淡, 才能抵消放生肥牛的損失, 大鱷操控港股已到了無法無天的地步, 要詛咒呢班大鱷不得善終, 賺到冇命享

有阿爺大規模救市做後盾, 重上29000根本毫無難度(幾時上破會受結算影響.亦要上証企穩2900), 今日大鱷忍忍手冇殺上28800關鍵大位, 果然趕走了牛牛, 28800.28900.29000站站有熊, 全場最重倉位變左係29000水平的熊熊

阿爺放水, 內地股市俾足反應, 上證連升3日上企2900, 港股久旱逢甘露, 梗係照跟啦! 升到彭彭聲, 市場氣氛大為改善, 未有見頂訊號前繼續買上, 不要看輕阿爺救市, 因為會影響商品市場價格, 亦會提升風險胃納(公用股連日捱沽亦代表避險情緒降溫), 明日港股升跌關鍵在上証, 能否企穩2900是關鍵, 內地股市連升多日或會回吐, 亦會拖低港股, 雖然近日上証連日大反彈, 但以往上証都試過好多次假突破, 升完又跌過

今日港股呢棍靚靚大陽燭, 進一步確認上周五插落27745係大升前的最後一震, 今日大鱷殺左2517張相對期指對沖張數熊證, 明日又要玩暗殺, 必定會裂口高開大舉屠熊, 會否秒殺即回趙完鬆就要睇上証及大媽, 今日內銀A股已經腳軟喇! 港股仍處反彈勢頭, 未有見頂跡象, 當牛牛大幅上移至500點屠殺範圍內就要小心

月尾6天恒指的慣性走勢係3升3跌, 就算阿爺出招救市也不會6天全升吧! 好友亦要留神噢! 26/7起水星逆行, 31/7~1/8聯儲局議息, 中港股市已連升3日, 由8/6起恒指最多升3天就回吐, 按此推算, 明日中港股市都會有獲利盤出籠, 但市強只要作出即市調整或小幅下跌, 窒一窒又會再升過, 大鱷不過放過29000肥熊, 睇下拖到幾時才殺, 下周一結算喇! 港股能走多遠就要睇大媽何時散水鬆人, 留意港股通會有啟示

人民幣弱雞, 跌勢未止, 貿易戰消息沒完沒了, 要不是阿爺出手, 中港股市就死得, 美國對160億美元中國進口商品加征關稅的聽證會，將於7月24~25日在美國國際貿易委員會位於華盛頓的聽證室中舉行

港股底頂上移.繼續屠熊之旅.向29000進發.明日水星逆行.小心秒殺肥熊即回

25/7 周三恒指收報28921, 大升258點(最多上升302點)

國指收報11074, 升100點(最多上升136點), 國指小幅跑贏恒指

水星逆行 + 結算 + 議息 + 阿爺救市 + 貿易戰 ==> 好淡通殺.先殺淡友.後殺好友

轉倉高峰期.藍籌股展開業績序幕

大鱷玩緊底頂上移, 今日高見28964, 特登唔上29000, 就係預留往後的上升空間, 到今日為止恒指7月波幅只得1236點，往後要升穿今日高位28964/前頂28982來擴大月波幅，因為過去6個月最細月波幅都有1575點, 即係一定要上29000 (後記: 26/7高見29083)

要留意QQ能否突破$382阻力, 如打回頭, 就會拖低港股, QQ見頂的話, 港股亦會跟, 今日上升裂口28718~28764是後患, 多數會回補

今日國指有腳軟跡象, 收陰燭升0.91%(恒指升0.9%), 只係小幅跑贏恒指, 大媽只係短炒, 日前大手掃內銀, 但今日走緊內銀食胡喇! 中港股市昨日大成交急升, 但今日成交同樣急降, 上証升勢隨即斷纜, 中港股市通常係同步見底頂, 好友睇路呀!

阿爺救市點都要上29000，如果收29000淡友就大鑊，所以淡友會攔路, 按照慣性走勢月尾不會日日升, 要留意升勢何時斷纜, 通常連升一回吐就會產生骨牌效應, 沽壓會湧現, 明日開始水星逆行利淡, 小心大鱷好淡通殺, 殺完淡友殺好友, 牛熊都要死

大鱷來勢洶洶，月波幅未達標，但恒指圖表出十字星代表29000好淡爭持，不過以大鱷的能力，升幾多.跌幾多都得，可以玩假突破爆上去秒殺肥熊, 29000熊肥到漏油, 月尾追數大鱷必殺, 樓下肥牛已上移到28300附近, 亦會拉住港股後腿, 所以最佳劇本係沖高急回, 秒殺肥熊就鬆人, 唔俾時間好友食胡

而家最擔心係大鱷或會伸一腳上去秒殺即回, 要密切留意大鱷何時變臉, 連升最怕斷纜, 多數冇好下場, 而家已經係4連升, 由二月起恒指試過兩次4連升, 兩次6連升, 明日又到了水星逆行, 下周又會係立立亂, 周一(30/7)結算, 希望好友撐埋佢, 市強只會作出即市調整或小幅下跌, 如大插代表反彈浪完結

~~~~~~~~~~~~~~~~~~~~~~~~~~~~~~~~~~~~~

大媽由掃貨變沽貨鬆人

早前QQ弱雞，由內銀內險領軍推升，皆因相關A股急升，大鱷就梗喺順勢推高內地金融股先，留番QQ做接力爆破29000的隊長，睇下今日內銀內險AH股升勢放緩，QQ即刻生猛晒，喺今日升市火車頭，近全日最高位收，淡友必需在$382阻力攔路, 否則淡友就冇命

公用股逆市下跌代表市場風險胃納上升，資金由避險板塊流出，喺利好訊號，但估計入市資金都係短炒居多, 一彈即食胡, 會令大市波動性加劇, 阿爺放水救市藥力幾時完結就要睇上証, A股回吐的話, 就會拉住港股落山, 港股通連續5日錄得資金淨流入, 但其實當中有股東增持.企業回購, 未必係大媽看好後市, 大媽往往趁反彈走貨可見一斑

狂人話唔鍾意聯儲局加息, 資金湧入地產股, 係升市功臣, 中國鐵塔招股, 抽走市場資金, 港股成交只得$864億(昨日$1078億)，成交急降係大龍鳳先兆, 港股成交縮皆因港股通成交亦縮減, 過去幾日大媽掃內銀推高港股, 但今日卻沽出內銀食胡, 由於金額不大, 所以港股仍能收升, 明日要吼住大媽搞邊科, 如大手走貨利淡港股, 因為今次反彈浪係由大媽牽頭, 大媽變臉港股就要掉頭向下

大鱷最擅長留力詐死，呢兩日去到關鍵位28800.29000就窒窒步扮冇力上，喺養熊引淡，元帥早已說重上29000冇難度，熊二大反彈，如果殺到上29000, 就由低位彈左約1300點, 夠晒水位俾大鱷轉身喇! 中港股市通常係同步見底頂, 要留意上証表現, 如上証或QQ見頂, 港股就要收工, 上証今日在2900穿梭, 收2903, 跌2點, 結束三連升, 小心港股升勢會跟隨斷纜,

太陽底下無新事, 都係同一班大鱷操控港股, 港股而家係28000~29000游走, 走勢真係好似當日在30000~31000困局中, 當時出現爆邊通常都企唔穩, 玩假突破, 然後縮番入波動區間內, 所以就算升穿29000都不要太樂觀, 不會單邊向上, 要跌下彈下大鱷才能獲得最大利潤, 一味向上雖能屠熊但就會放生肥牛, 大鱷唔會俾股民捉到路

港股有得升就要多得在岸人民幣兌美元大幅反彈, 大升316點子, 日盤收報6.7784兌1美元, 但普遍分析都認為人仔貶值係無可避免, 亦利淡中港股市

港股慣性走勢係試完底會再沖頂, 見頂回落就會再尋底, 不斷急跌急彈, 今個月恒指主區間在28000~29000, 在困局中跌下彈下, 失驚無神急升暴跌, 令人無所適從, 以大鱷的習性, 區間內的牛熊都要死, 就好似當日在30000~31000溫水煮蛙格局一樣, 耐不耐爆邊但結果都係趙完鬆, 縮番入主區間內游走, 大鱷玩捉心理, 目的係誤導股民企錯邊, 好淡通殺, 一過夜, 甚至上下午半日已變天, 係高速變臉,

港股難炒在於即市跟上証飛天遁地, 極為被動, 無啦啦急升急跌, 無路可捉, 過去一個月恒指不斷跌下彈下, 股民紛紛企錯邊, 見升追入買到成手蟹, 見插止蝕後即彈, 全民皆輸, 連基金經理都全倉蟹, 削弱入市意欲, 怪不得港股成交萎縮,

水星逆行港股先高後低呈陰燭.單日轉向.創即月新高秒殺肥熊後倒跌收場

26/7 周四恒指收報28781, 跌139點(最多下跌296點, 一度上升162點~競價開市位)

國指收報11021, 跌52點(最多下跌131點, 一度上升102點), 國指小幅跑贏恒指

轉倉高峰期.港股見頂回落.明日結算前夕.好淡角力日

中港股市通常喺同步見底頂, 近日上證及港股止跌回升，展開反彈浪，齊齊上山尋頂，今日上證創即月新高2915打回頭低收，港股亦同步創7月新高29083/11176後倒跌收場, 換句話說, 如上証無法再創新高, 亦會拖低港股

AH股相關性非常高，港股中有六成是中資股，換句話說，如上證見頂回落，港股亦見頂回落，上證再起飛的話, 港股亦會跟, 港股往後係飛天抑或遁地就要問上證喇! 明日有周末沽壓效應, 但明日亦係結算前夕, 本周係由好友主導, 要部署下周一結算位喇!

本周初港股升到嘭嘭聲時，元帥早已提醒大家，按照慣性走勢月尾6天不會日日升，要小心當升勢逆轉就會嘔，賤格冇品大鱷爆陰毒連續兩日玩裂口高開暗殺肥熊，本周4日合共大舉屠熊4991張(今早殺了1072張1)，根本喺睇住嚟食, 都話左月尾追數大鱷係癲咖! 任得佢點玩,

港股已經俾大鱷完全操控, 大鱷刻意營造向好氣氛, 推高港股, 一路殺熊一路引牛入局, 由於28258樓下有肥牛，所以港股今早一高開162點屠熊後即插，唔俾機會牛食胡, 部署日後的殺戮

上證連跌兩天，港股亦要跟, 連升斷纜結束四日升勢，港股午後急挫創即市低位28625已全數回補昨日的上升裂口28718~28764，假的真不了，夾硬喺競價裂口高開屠熊，始終要落番去，今日午後抝腰走高收復逾一半失地就引咗大量BB牛入局，28100~28258有肥牛2329張, 但未殺得, 明日好友點都要守住28500, 係10及20天線所在, 點都要撐埋結算

今日人民幣大幅波動, 中間價大幅高開378點子後反艇，全日倒跌41點子，日盤收報6.7825, 離岸人民幣下午跌幅擴大至超過400點子，其後跌幅略為收窄，人仔沖高回落拖累港股反艇

昨日已經話大媽掃沽出內銀食胡, 今日繼續走貨, 港股通(滬深)都出現資金凈流出, 午後大媽愈走愈急, 怪不得港股插到落28625/10943, 扭轉了近日底部上移的格局, 以日波幅來推算, 明日就要跌穿今日低位, 燈神經仔通梁蛇信心滿滿唱好及加倉, 係利淡訊號

港股單日轉向.先低後高呈陽燭.即市調整.部署結算位

27/7 周五恒指收報28804, 升23點(最多上升35點, 一度下跌208點)

國指收報11047, 升26點~收市U盤最高位, 一度下跌95點, 國指跑贏恒指

即市調整倒升.引牛熊入局

恒指慣性走勢月尾6天係3升3跌, 今日夾硬收升, 變成3升1跌, 尚欠兩日跌市, 下周一二回吐壓力大增, 就算因為阿爺救市打破慣性走勢唔跌足兩天, 但點都要跌一日啦! 下周一結算呀! 港股反彈了千多點, 結算日淡友都要做野喇! 落山屠牛/震牛, 清左場然後再推升都得, 大鱷規矩一係殺左佢, 一係震走佢

救市好消息消化後, 28500樓上買盤隨即縮減, 輪到利淡因素發酵, Facebook反艇, 科技板塊遭離棄, 疲弱的QQ沽壓進一步加劇, $370危危乎, 加上大媽又走貨, 最弊係沽出騰訊.內銀.友邦等權重股, 人民幣急瀉, 亦會拖累港股, 資金轉炒非權重的基建水泥股, 對港股幫助不大, 熊市任何利好消息只係大鱷推高派貨的藉口

全場最肥牛在28250附近, 會拉住港股落山, 大鱷點都要將佢地處理掉, 一係殺左佢, 一係震走佢, 不過29000樓上亦有重倉熊, 所以港股亦好難深潛, 暫時唔會創新低, 不過今日大鱷力托大市就引左大量貼價牛牛進場, 中伏了, 連燈神經仔通梁蛇都唱好買上, 相反指標係港股調整未完, 仍要落山

港股仍在28000~29000困局中游走, 昨日港股見短頂後, 走勢由底頂上移變成底頂下移, 今日高低位28572~28816, 即係下周一會跌穿28572

今日好友力守28500, 係10及20天線所在, 即市完成調整就係為了部署結算位, 今日收28804, 已預留下周一結算日回調水位, 確保可在28500樓上結算

中港股市通常係同步, 總之睇住阿爺個場, 港股即市走勢多數跟上證, 大方向上証會重上2900, 所以恒指8月亦會再上29000, 29200~29500才是真正阻力位, 向下亦會再下試28000來擴大月波幅, 多隻指標股走勢已改善, 阿爺放水的確起了救市作用, 不過港股已累積龐大升幅, 現階段兩地股市都要回調整固, 消化沽壓, 待調整完等8月再爆頂

史哥 分析7月波幅區 :

(27108)-27527-(27947)-28379-(28812)-29244-(29677)-30122-（30567）-

「五窮六絕七瓜得」, 恒指連跌3個月, 進一步確認步入熊市

期指結算日港股低開後急跌急彈.即市調整.收窄跌幅呈陽燭.惟跌勢未完

30/7 周一恒指收報28733, 跌71點(最多下跌265點, 一度上升35點)

國指收報11046, 跌1點(最多下跌95點, 一度上升71點), 國指跑贏恒指

7月期指結算價為28644
7月國指期貨結算價為11010

大鱷推高結算任務已完成, 可以落山喇!

中港股市通常係同步見底頂, 上証在26/7與港股同步見頂喇! 明日恒指50天線跌穿250天線, 我地幾個月前已唱熊市, 但如今財演見死亡交叉出現才說確認熊市, 慢十拍, 燈神仲唱好看漲, 通常大市就回吐, 可能佢認為熊二終極死貓彈未完啦!