10月份股災~港股留言版

去年升到你唔信股 JOY, 今年跌落地獄股災

港股危機未除.熊市死貓彈要好好掌握

熊市起碼衰一年.驚嚇的一棍仍未出現.中港股市有排捱

大摩:「我們正在走向徹頭徹尾的熊市。」「這是一個危險的市場。」

中美貿易關係惡化 + 內地經濟增長放緩 + 新興市場貨幣及意大利債務危機 +  美元及債息急升 + 人民幣貶值 + 內地股市疲弱 ==> 港股反艇, 熊市勿估底

2018年水星逆行 : 17/11 ~ 7/12

聯儲局議息: 7~8/11 及 18~19/12

美國中期選舉: 11月6日

10/10林鄭施政報告: 要留意房屋政策會影響樓市及股市, 地產股強/弱=港股強/弱

貨幣操控國: 美國財政部10月中發佈半年一次的貨幣報告, 正考慮是否要在10月中公布的報告中, 將中國列為匯率操縱國, 有外匯專家估計美國不會將中國列為匯率操縱國

國際貨幣基金組織(國基會/IMF)和世界銀行年會將會在12~14日在印尼峇里島舉行

7月6日中美正式互徵關稅生效, 人民幣持續貶值, 中港股市步入熊市潛行凶間, 狂人侵侵害人終害己, 踏入10月貿易戰升溫, 連美股都高處不勝寒, 沽壓湧現, 港股跟跌唔跟升, 弱到不得了,

美國官員暗示不會在11月在G20峰會上與中國進行貿易商談, 特朗普表示有意再向另外2670億美元中國進口商品加徵關稅

10月係傳統股災月, 港股在內憂外患雙重夾擊下, 走勢疲弱, 沽壓沉重, 基金經理已對港股死心, 避險情緒高漲, 不斷減倉, 寧願玩高沽低吸炒波幅, 以及換馬持優質防守股, 所以港股頻頻彈散, 對利好消息瞬即消化, 對利淡消息非常敏感, 大市一沉不起

恒指每月慣性走勢: 自從失守30000大關, 過去3個月恒指都係玩V彈, 月初開局由高位一路碌落山, 今年有4個月都係9~20號創該月低位, 然後掉頭向上, 反覆走高, 再挑戰月初的高位, 目的係推高結算, 如此一來, 大鱷每個月都可以好淡通殺, 牛熊都要死, 所以好友淡友都要留意呢個V彈模式, 否則屎無全C, 因為每次轉向都係突然大幅急升或暴跌扯住去, 企錯邊根本冇得走, 但今年6月就冇V彈, 在6月上旬見高位, 然後一路碌落山, 結算日才出現全月低位, 10月係傳統股災月, 唔知跟邊個劇本

大鱷唔鍾意炒單邊係因為如果同一方向持續太耐, 殺到好友就會輸俾跟風追入的淡友, 殺到淡友就會輸俾跟風追入的好友, 變成得不償失, 所以大鱷往往會係玩升升下突然轉向暴跌, 跌跌下突然轉向爆升

反彈浪及跌浪: 過去幾個月恒指大反彈通常有約1300~1800, 而大跌浪通常都超過2200點, 由於跌幅大過升幅, 所以形成一浪低於一浪, 底頂下移的趨勢,

恒指月波幅: 今年一般月波幅係1300~2160點, 大龍鳳月份的波幅就係2670~3460點, 當月波幅進入達標範圍, 大市就會突然以極速轉向, 一開市就急升或暴跌,

恒指即市波幅: 以恒指當天的高低位計，即市細波幅通常係250~500點, 大龍鳳就係500~650點

熊市尋底浪: 29/1牛市見頂33484後展開尋底之旅, 出得黎行, 遲早要還, 過去幾個月不斷急跌急彈, 大回小漲, 呈一浪低於一浪的下行格局, 溫水煮蛙式派貨, 年初港股見頂後北水積極走貨撤退, 大媽北水係去年恒指約23000水平開始湧港, 點升上黎就點落番去

如失守26000, 下一站就係關鍵位25800, 500點一級就要向25500.25000進發

回調目標: 2016年2月低位18278至2018年1月頂33484的升浪, 調整一半升幅可見25880, 如回吐0.618可見24087, 不過25000係超級超級大位, 亦做夠年波幅, 會有淡友食胡.買盤進場, 阿爺亦會救市, 不過如果又股災, 亦有可能年波幅超標, 落到24000附近, 市場普遍分析睇今次熊市目標在22000~24000, 可能明年首季見

近年恒指最大年波幅約8300點, 今年高位在33484, 如果真係出現股災跟足年波幅8300點, 就會下試25200,

28031浪頂 - 2200~2400慣性跌幅 = 25600~25800

27716月頂 - 1500~2700月波幅 = 26216~25016(10月下跌目標)

唔計上述所說的一般波幅，以大鱷的習性來推算, 如果玩股災式大插失守25000, 10月暫時不應插穿24250, 否則就超標,

1月港股飛左出外太空, 隨即見頂回落, 牛三係升到你唔信但短暫, 一月果然係升到你唔信, 燒完煙花就梗係散場啦! 大媽牛屎玩完, 神又佢.鬼又佢, 大媽撤退港股就收工啦! 大媽於今年二月份已積極沽貨走人, 所以我在一月貼的網誌標題係2018牛熊年, 早已預告港股由牛轉熊, 即係牛市完結熊熊出世, 都係發生在2018年,

港股成個局勢就係1月見頂回落, 反覆向下尋底格, 每次死貓彈都係為了偷雞屠熊/震熊.殺倉及引牛入局, 所以餐餐都係彈散趙完鬆, 繼續尋底大舉屠牛, 大鱷特登唔俾港股直落地獄, 因為跌下彈下大鱷/大媽才能獲得最大利潤, 如果直落地獄屠牛, 牛就唔夠肥, 要一路扮跌唔落引牛入局才下殺, 而家就玩緊底頂下移的死亡遊戲, 熊市現金是皇.淡友是太上皇, 每次大反彈都係好友逃生的機會

成也QQ.敗也QQ, 去年港股牛市由QQ領軍, 今年熊市就係由QQ做領跌火車頭, 港股有濃濃的散水洗倉走鬼味, 成個局勢好明顯, 樓上封了頂, 大鱷大媽溫水煮蛙式派貨, 跌下彈下震熊養牛, 彈完又插過

有分析指熊二彈完就會暴跌, 如果9月低見26219彈上28031係熊二大反彈, 死貓彈完再尋底, 那麼下一輪走勢就會係急瀉, 破位而下, 程式沽盤會進一步拖低大市, 好友逃生門已關上

史哥分析 10月波幅區 :

26044-26446-26849-27264-27680-28095-28510-28938-29366

24505-24882-25263-25652-26044-26446-26849-27264-27680-28095

9~10月初港股~財經留言版

https://blog.stheadline.com/article/detail/927999

24/10 元帥唔係 running hen 走雞, 係 running man 走佬

過去幾日燈神經仔通梁蛇唱好入緊貨話建倉代表......

25/10 過去幾日燈神經仔通梁蛇唱好入左貨(https://twitter.com/leungbenny), 相反指標係港股大插插, 今日果然創新低最多挫596點, 百佳大鱷再度表演趙完鬆, 皆因肥老牛已全部陣亡, 又要再養牛熊, 美元強爆向上突破, 人民幣反艇，隨即推左港股落地獄, 低處未算低, 近來恐慌性拋售的下跌裂口多數會分幾次回補, 當養肥牛牛補完裂口又插過, 當肥熊大幅下移, 就係港股反彈之時, 貼價熊命危

熊市淡友熊多牛少, 所以每次落到大位大鱷就扮跌唔落, 即市跌下彈下養牛震熊, 而家全民皆艇, 連基金都蝕到嘔, 為了應付贖回, 基金洗倉走鬼, 不問價沽貨, 冇乜資金入市博反彈, 買盤弱沽壓大, 導致港股一沉不起, 只能食彈散, 不斷創新低, 希望捱埋今個月, 11月彈一彈啦! 吊頸都要抖下氣, 恒指已連跌6個月, 創36年來最長跌浪

~~~~~~~~~~~~~~~~~~~~~~~~~~~~~~~~~

31/10 收市恒指報24979, 升394點~牛死熊命危.部署殺淡

大鱷一直想畫島形見底的圖表, 由於熊一直唔夠肥, 所以大鱷壓住大市在低位養熊, 係24500~25000磨左幾日, 如今熊熊已經養到肥肥白白, 有阿爺救市上証重上2600做後盾, 重上25000冇乜難度, 熊熊淡友有難,

今個月恐慌性拋售裂口例牌分幾次就全數回補, 結算後大鱷任務就係推大市上去25200樓上回補下跌裂口, 最好係跳空高開補裂口做島形底, 就可穩住大局, 殺上去屠肥熊

25000係超級超級大位, 亦做夠年波幅, 10月本應守得住, 但中美股暴跌大鱷就借勢玩插水, 夾硬插穿25000隊落去24540屠牛殺好倉, 逼好友止蝕斬倉, 分明係跌過籠, 淡友夠晒水位食胡, 呢個水平亦會有買盤進場

中港股市止跌回升.繼續尋頂屠熊之旅.升勢未完.太快做淡是死罪

1/11 收市恒指報25416, 爆升436點, 收復10天線, 強勢向25800.26000進發

島形底的威力

日前已預告當熊熊養肥就係港股反彈之時, 今日大鱷跟足元帥指示畫島形底的見底圖表, 吸引了技術派蜂湧入市, 淡友逃命回補空倉, 助長了港股的升勢, 去到大位25500窒窒步詐死, 尾市港股升幅收窄係震牛養熊, 以大鱷的習性, 破大位閒閒地要吃超過4000張, 今日大鱷殺到上25535, 屠熊3601張, 即係未食飽, 未見頂, 會向25800.26000.26300....推進來擴大月波幅,

唔好以為後市彈上26000係不可思議, 其實係修正跌過籠的幅度, 阿爺近日不斷出口出手救市, 港股正醞釀大型反彈浪, 不要忘記今年恒指由33484碌到落24540, 已經嘔左8943點, 已跌至不合理的水平, 技術上都係時候食大彈高喇!

2/11 憧憬貿易戰降溫港股急升, 恒指暴漲1070點, 創近十年最大單日升幅

大成交沖頂冇好下場

爆升前必有一震，周二(30/10)恆指插到落24540創新低，翌日就抝腰彈高，港股頻頻急跌急彈，逼死好友就飛天，好淡通殺玩死股民，趁上証飛天, 大鱷就借勢玩挾淡，連續3日急升大舉屠熊，恒指今日爆升1070點，升勢過急有回調壓力, 恒指由低位反彈近二千點獲利沽壓及蟹貨亦會出籠

11月上旬港股走勢.急跌急彈.震到失暈

11月開局短短5個交易日已屠熊10292張, 大鱷飽到上心口, 肥熊陣亡後, 貼價BB牛亦快將出世, 當養肥就插得

大鱷非常奸險, 每次借好消息做藉口, 推高屠熊就趙完鬆, 沖高急回營造見頂形態, 淡友入場後, 尾市及收市U盤就伸一腳上去, 淡友熊熊又中伏, 但每次沖高屠熊後又回落, 如此一來, 好友淡友都要死, 中港股市通常係同步見底頂, 上証於2/11高見2676後就無以為繼, 恒指於7/11夾硬推上26530都企唔穩, 就係俾上証拉住後腿, 內地股市疲弱, 港股亦難以獨善其身, 當托市大鱷一縮手, 港股就會插水,

而家最擔心係14/11 QQ公布業績或會引起震盪, 禍福難料, 大鱷亦不會花子彈托足全個月, 月初創高位屠熊後或會落山, 殺牛後再上

立立亂: 美聯儲議息、騰訊(14/11)第三季業績、G20峰會11月底將會在阿根廷舉行及「習特會」、內地四中全會

8/11 港股連升3天, 恒指收26227, 惟沖高回落, 收窄升幅呈陰燭, 高位沽壓加劇

大鱷近日一直咬住高位唔放, 扮跌唔落營造利好氣氛引好友牛牛入局，終於等到今日貼價牛出世, 即喺跌得喇！

今早燈神梁蛇充滿信心說看好未來幾日港股表現(相反指標係好友危喇!), 連財演及基金經理都話買上, 而家全城看好, 反而要小心大市會回吐,上証連跌4天, 失守熔斷底2638, 收2635, 午後大媽加速沽貨鬆人, 港股通(滬)出現資金凈流出, 為11月開局以來首度出現, 唔係好現象, 今日港股出現多個利淡訊號，26000危危乎！島形底的藥效力已消退, 25000及25500附近都有上升裂口未回補, 是後患