11月份港股~財經留言版
大摩:「我們正在走向徹頭徹尾的熊市。」「這是一個危險的市場。」
大摩斷言美股已步入「熊市」
2018年水星逆行 : 17/11 ~ 7/12 代表消息混亂, 金融市場會大幅波動
聯儲局議息: 7~8/11 及 18~19/12
美國中期選舉: 11月6日
14/11騰訊公布第三季業績
2/11 習特通話後市場憧憬貿易戰降溫, 港股急升, 恒指暴漲1070點, 創近十年最大單日升幅
11月30日至12月1日G-20峰會及「習特會」, 市場憧憬有料到
內地四中全會
11月港股震住上.逼死淡友才插水.逼死好友就彈高
島形底: 1/11大鱷玩跳空高開補裂口做島形底, 穩住大局, 島形底的威力推動恒指彈近二千點後大幅回吐, 消化沽壓,11月呈震住上的格局
港股11月上旬沖高回落, 大幅下挫, 低見25092, 技術上只要守得住25000冇全數回補1/11上升裂口24979~25190就代表島形底形態未被破壞, 後市仍會再上26000(該處有肥熊), 往後如插穿25000全數回補島形底裂口, 就會下試前底24540
月波幅: 11月開局港股爆升, 7/11高見26530後掉頭回落, 跌穿1/11低位25190擴大月波幅, 13/11低見25092, 隨後止跌回升, 作勢回補9/11下跌裂口25925-26141,
下跌裂口: 過去幾個月港股尋底, 恐慌性拋售的下跌裂口多數會分幾次回補, 補完又跌過
過夜變天: 當大市跌到阿媽都唔認得, 或者升到彭彭升, 翌日市況都可以突然變臉逆轉, 係大鱷操控大市的手法, 震到失暈, 方向難辨, 過夜就會變天, 股民跟風追入, 轉身慢即死
收市U盤畫圖: 由30/10起大鱷每日都係收市U盤踢高大市來畫圖, 大鱷愛在午後或尾市做手腳, 就算當天反艇, 創即市新低後大鱷就會推番大市上去, 收窄跌幅或收升, 熊熊淡友信港股走弱一入市就中伏, 當大市一跌到尾冇拗腰, 就要小心係見頂訊號, 大鱷可能轉口味落山殺好友
20天線: 11月份好友一直力守20天線, 收市未失過, 可作為好淡指標
50天線魔咒: 過去幾個月恒指大反彈都會重上50天線, 當食飽肥熊就會再碌落山, 但7/11高見26530仍未觸及50天線就掉頭回落, 由於50天線正不斷下移, 估計大鱷拖到11月下旬就會殺上50天線, 如果受「習特會」刺激企得穩50天線, 數浪派認為會殺上28800,
恒指每月慣性走勢: 自從失守30000大關, 恒指多數都係玩V彈, 月初開局由高位一路碌落山, 今年有4個月都係9~20號創該月低位(13/11見底25092), 然後掉頭向上, 反覆走高, 月尾再挑戰月初的高位, 目的係推高結算及擴大月波幅, 如此一來, 大鱷每個月都可以好淡通殺, 牛熊都要死,
好友淡友都要留意呢個V彈模式, 否則屎無全C, 因為每次轉向都係突然大幅急升或暴跌扯住去, 企錯邊根本冇得走, 但今年6月就冇V彈, 上旬見高位, 然後一路碌落山, 結算日才出現全月低位, 10月係傳統股災月, 亦係跟6月劇本, 冇V彈
大鱷唔鍾意炒單邊係因為如果同一方向持續太耐, 殺到好友就會輸俾跟風追入的淡友, 殺到淡友就會輸俾跟風追入的好友, 變成得不償失, 所以大鱷往往會係玩升升下突然急速轉向暴跌, 跌跌下突然轉向爆升, 殺股民一個措手不及,
大鱷操控大市手法狠毒, 夾硬隊穿支持位, 程式沽盤就會進一步拖低大市, 大鱷就可獲利, 當完成調整, 大鱷就會失驚無神大幅抽升, 逼淡友回補空倉幫手推高大市, 所以港股每次升跌轉向都係急勁
大鱷唔鍾意玩單邊市, 鍾意好淡通殺, 因為將大市舞高弄低, 跌下彈下大鱷才能獲得最大利潤, 通常恒指累計走1500~2000點夠水位俾大鱷轉身就會轉向, 而恐慌性拋售的下跌裂口多數會回補, 早前由低位24540彈左1990點就轉勢向下, 即係11月上旬插1500~2000點就會掉頭, 只要淡友在25000附近食胡, 港股就會急彈
26530(7/11高位) - 1500~2000波幅 = 25030~24530 (回調目標)
13/11恒指低見25092, 已接近回調目標範圍
11月下旬升浪目標: 13/11低位25092 + 1300~2000點 = 26392~27092(100天線)
基金經理12月上望目標: 27800~28000
習特會前石石係淡友, 會後石石變大好友: 反彈目標 28500
大反彈浪: 數浪派認為今次係熊二反彈, 會挑戰250天線(約29000)
反彈浪及跌浪: 過去幾個月恒指大反彈通常有約1300~2000點, 而大跌浪通常都超過2200點, 由於跌幅大過升幅, 所以形成一浪低於一浪, 底頂下移的趨勢,
恒指月波幅: 今年一般月波幅係1300~2160點, 大龍鳳月份的波幅就係2670~3460點, 當月波幅進入達標範圍, 大市就會突然以極速轉向, 一開市就急升或暴跌,
恒指即市波幅: 以恒指當天的高低位計,即市細波幅通常係250~500點, 大龍鳳就係500~700點, 大鱷愛短炒玩快錢, 股民跟入要快閃, 今個月恒指慣性走勢係只跌一天即彈, 不會連跌兩天, 係因為有基金水喉支持, 基金經理要部署埋年結
熊市尋底浪: 29/1牛市見頂33484後展開尋底之旅, 出得黎行, 遲早要還, 過去幾個月不斷急跌急彈, 大回小漲, 呈一浪低於一浪的下行格局, 溫水煮蛙式派貨, 年初港股見頂後北水積極走貨撤退, 大媽北水係去年恒指約23000水平開始湧港, 點升上黎就點落番去,但大媽都唔想蝕住走,所以落到24540就踢番大市上去
反彈浪: 人民幣表現對港股舉足輕重, 只要疲弱的人仔反彈, 就可穩住港股, 通常中港股市係同步見底頂,
震倉: 今個月炒港股班大鱷操控手法非常高明, 擅長震倉, 係關鍵阻力位前窒窒步係大鱷一貫養熊引淡的手法, 趕走好友引淡友入局就爆升, 一挾淡港股就會爆升, 大鱷正部署11月收升呈大陽燭, 12月會更上一層樓,
恒指月尾升跌模式: 月尾6天恒指多數3升3跌, 回顧今年1~8月份及11月份都係3升3跌, 9月份4升2跌, 10月份月2升4跌,
回調目標: 2016年2月低位18278至2018年1月頂33484的升浪, 調整一半升幅見25880, 回吐0.618可見24087, 不過25000係超級超級大位, 亦做夠年波幅, 淡友食胡.買盤進場, 阿爺亦積極救市, 推番大市上26000
10月係股災月, 終於插到落24540才止跌回升(24800(250周線)), 市場普遍分析睇今次熊市明年或會見22000~24000, 不過如果中美貿易戰紓緩,就不會深潛
恒指等如騰指: 成也QQ.敗也QQ, 去年港股牛市由QQ領軍, 今年熊市就係由QQ做領跌火車頭, QQ見頂等如港股見頂, QQ未見底等如港股未見底, 當QQ止跌回升, 港股就會彈高, 後市要留意QQ業績好壞, QQ會否重啟回購,
上証綜指: 內地股市走勢極度飄忽, 頻頻飛天遁地, AH差價效應下, 導致港股大幅波動, 大鱷就乘機將港股舞高弄低, 好淡通殺, 阿爺力守熔斷底, 就算插穿都識得走番上去
~~~~~~~~~~~~~~~~~~~~~~~~~~~~~~~~~~~
從消息面來看, 日前傳出習特通話後, 中美高層繼續接觸商討貿易問題, 為月尾G20峰會做前期準備, 市場對今次習特會有所憧憬, 基金紛紛買上, 所以13/11插落25092創即月新低後即彈, 試完底再沖頂, 11月下旬會再挑戰上周高位26530, 今年有4個月恒指的即月高位是在26~29號出現,
股民辛辛苦苦捱完10月份的股災月, 恒指已連跌6個月, 創36年來最長跌浪, 吊頸都要抖下氣, 市場普遍預期11月會作出大反彈, 換句話說, 無論點震, 最終30/11會收24979樓上, 按照慣性走勢, 收升月會在下旬創即月新高, 收跌月就會在下旬創即月新低
25000係超級超級大位, 亦做夠年波幅, 10月本應守得住, 但中美股暴跌大鱷就借勢玩插水, 夾硬插穿25000隊落去24540屠牛殺好倉, 逼好友止蝕斬倉, 分明係跌過籠, 淡友夠晒水位食胡
恒指創今年新低後掉頭向上, 唔好以為後市彈上26000係不可思議, 其實係修正跌過籠的幅度, 阿爺近日不斷出口出手救市, 港股正處於大型反彈浪當中, 不要忘記今年恒指由33484碌到落24540, 已經嘔左8943點, 已跌至不合理的水平, 因為熊市往往出現恐慌性拋售, 跌到阿媽都唔認得, 急跌就會急彈, 重返合理水平
10~11月初港股~財經留言版
https://blog.stheadline.com/article/detail/942892
23/11 周五恒指收報25927, 跌91點, 國指跑輸恒指
靜候下星期結算周爆邊創即月新高
11月埋單港股收升已是市場共識, 普遍基金經理或高手估計今次反彈浪會見26800~28000, 所以現水平沽壓不大, 導致成交縮, 大市跌下彈下, 人人等上山才走貨, 成交急降至$595億, 大龍鳳先兆, 當成交急增就要小心, 大成交沖頂係見頂訊號
到月中為止11月高低位25092~26530, 波幅只得1438點, 勉強達標, 以大鱷的胃納, 要爆邊才能食飽飽
拖到下星期結算周港股就會走出方向, 部署結算位, 即係要爆邊打破20天線及50天線的困局, 熊熊不斷下移, 悶埋今個星期, 靜極思動, 月尾大鱷就要開大餐
今個月恒指未試過連跌兩日, 今日跌代表下周一升, 今個月炒港股班大鱷操控手法非常高明, 擅長震倉, 趕走好友引淡友入局就爆升, 部署11月收升呈大陽燭, 下星期係結算周, 冇得再磨, 以周波幅計, 20及50天線困局, 收窄三角形下周要爆邊喇!
港股今個月上旬的慣性走勢係大鱷於尾市及收市U盤踢高做市, 當大鱷唔托市, 港股一跌到尾就要小心尋頂市況已逆轉, 如大市回吐守得住島形底, 代表反彈浪未完, 大鱷仍想再挑戰26000, 13/11奇蹟日那天暴跌後單日轉向倒升, 20天線失而復得, 反映大鱷非常重視20天線, 如回吐見地產板塊走強, 大市就不會深潛
港股通常係與QQ同步見底頂, 只要權重QQ上破並企穩50天線$294.5, 恒指就會上50天線(約26183), 跟住就會挑戰前頂26530, 燈神經仔通梁蛇話今個月已見頂, 看淡下周, 已減倉, 相反指標代表下星期結算周恒指會升穿26530創即月新高, 熊死得
特朗普將5/12(周三)定為前總統老布殊的全國哀悼日, 當日美股休市一天, 特朗普總結20國集團(G20)領導人峰會行程的記者會將會在喪禮後才舉行, 港股大鱷自由行
3/12 好友第一度防線: 習特上升裂口26683~27006, 10674~10845
呢個留言版要退休喇!搬屋呀!新豪宅已入伙,來訪唔該帶手信。
唔係個個温書都會有進步
要看人的資質平庸的人學極都有限
更有些人像我唔識表達詞不達意
很羨慕別人的言語能力更羨慕文筆好的人
像大元帥可寫千字文👍👍
C6🈚️👋信
祇能在這版留言
昨天走了#2823
C6晤識論股😔
唔識睇港股走勢😔
應該真的要戒賭了
恭喜🎊🎉🎈🍾️大元帥
豪宅入伙金銀財寶滾滾來
跌穿 27000 即彈 🔥 有糊 5 食罪大惡極 😫我 d 指數,QQ 熊繼續坐諗住跌多一百幾十點食糊....... 點知止蝕離場 🙄 輸少當贏 😄
勁價時段恒生指數又踢高幾十點
TC 支持位 26955........ 27409
友仁大哥多謝哂牛熊表,不過見到噤多牛有D
Q Q好大幾見短頂噚日$328有超大手成交。雞煲,元帥我D牙重係到 元帥我今早温咗書啦
留意盤路,市雖升,但大媽係不斷沽貨出街
元帥收到,其他大大應該忙過我地 10 狗 幾倍。我去開 TC 家,會返尼留言,放一萬個心😂
交功課,一早成交好大,段估係大成交沖頂無好下場,所以我今日細細注熊指數同 QQ,大 🐊大👵🏻 明天會 5 會 🔪我架?🙈😂
以前網友來我家都會帶手信, 例如主動報料, 陸蛇的重點分析, 上貼財經資訊(贏兄常貼基金經理黃國英的文章), 分享自己持倉, 食胡後才留言亦可, 分享對後市的看法, 就算唔識技術分析都會話我驚未升夠, 唔敢熊, 驚未跌完, 想買但縮手, 呢D都可以作為散戶指標, 有助元帥分析後市
股王TC顧住自己個倉密密炒, 只係偶爾食胡後留言, 大家去完TC家都可以列出TC分析的支持及阻力位, TC持好倉抑或淡倉, 止賺止蝕位, 早前我事忙冇去TC家, 都唔知佢幾時突然由淡友變左好友
例如去到大廳陸蛇家見好多人牛左或熊左, 都可以係呢度講下, 見有突發財經消息亦可上貼
大家分工合作, 每人只係出一分力, 我家就能匯集不同的財經消息, 一目了然, 大家炒賣就更加得心應手
但而家當元帥唔得閒睇財經新聞搵料寫文做分析, 史哥.贏兄.門兄亦冇左影, 呢度就毫無可讀性, 只係得尋人廣告以及火星仁的牛熊表,
有時我寧願係網誌補充新資料都唔想留言, 係因為留言會不斷被推到另一頁, 好難搵番來參考
111棚牙好靚, 似係用黑人牙膏
~~~~~~~~~~~~~~~~~~~~~~~~~~~~~~~~~~
2018/12/03 陸羽仁: 協議有助轉勢
市場應該會先炒一浸中美元首談判的成果。總的來說,中美這次達成初步協議,最大的影響是令股市重現生機,未來中美全面開戰的機率大大下降,這等如令股市、特別是明年頭的股市,可以有向上趨勢,而不是不斷向下之勢,這次會議可能是股市一浪轉勢之始。這浪轉勢的風險是中美最後談崩,初步估計機會大致三成左右。
但股市可能轉勢向上,並不等如會直線向上,首先市場仍對特朗普的態度有戒心,其次是近年底基金心態保守,有一定利潤就會回吐。所以若短期內(甚至今天)的升幅很大,可能短期的反彈已到位,彈完要先整固,才可以再向上。
恭喜Mr Tc 🎁🎁
豈止肥仔💰💰💰
簡直賺💰賺到變成大胖子了
ok ar, 今轉6位數
大元帥謝謝你的辛勞
🙏🙏🙏🙏🙏🙏
今天大升執了少少
Mr Tc買上👍👍👍
肯定🐷籠入水💰💰
我估佢肥過fat boy
C6係認真温書架🤔
隻隻牙都是健康的👌
小心 d 牙甩哂 😂
友仁大哥今日一升你個表D熊全部死哂
元帥我馬上睇過,元帥息怒
🐔煲日日有溫書架,你噚晚又寫左 d 分析,我有睇,元帥用不同色 highlight 😂👍🏼
雞煲/c6/111,你哋偷懶唔温習,淨喺去尋人,11月幾篇網誌已詳述港股短中線點走,已經提醒大家每日收市後重温就會有新領悟,睇埋TC個倉仲唔明?仲要問?
係囉,等緊兩位大忙人下周分析,仲未現身 🤔
沈大屍不嬲都係大淡友一名
咁我就忍耐一下
希望大元帥見我們咁有誠意
肯現一現身啦🙏🙏🙏
C6乜都唔識👀
沈大📖是淡🈶️
C6最希望睇到大元帥D文
KK你都超級勁講多幾句啦
你上次講中恒指6⃣️天呢
蠔皇去左 fever 唔理你住咁喎.
審大書咁話:
...... 全市場關注的G20會議,已經結束,而影響着中美貿易戰發展的中美元首會面,亦在期間開始及結束。
中美的談判結果,一如市場預期,純粹是暫停新加關稅90日,一切再進一步商量。這其實只是「買時間」拖延,根本雙方仍未有共識。至於往後的情況發展,此刻無謂去估,「往後」的事,往後再算。
至於港股方面,此一消息既可當好消息炒,也可以當壞消息炒,大戶絕對可以因應自己的期指倉底,來作出最有利自己的演繹。
不過,無論短線點樣去演繹都好,基本因素向淡的大方向,仍然未有改變。策略上不應有太大的變化,繼續保持着熊市周期的做法便可。本周的日子好壞參半,但周初仍偏向做好,之後就反覆回落為主。
本周每日的股市走勢預測:
周一(己巳日):天干屬土地支屬火,火生土之局,反覆上落,走勢偏淡。
周二(庚午日):天干屬金地支屬火,火剋金之局,顯著反彈。
周三(辛未日):天干屬金地支屬土,土生金之局,反覆上落,升勢減弱。
周四(壬申日):天干屬水地支屬金,金生水之局,逐步走軟。
周五(癸酉日):天干屬水地支屬金,金生水之局,反覆震盪。
******
大戶期指倉位呢家野...... TC 大人就識睇, 在下就唔識囉.
希望今晚見到大元帥啦
真的很掛念佢💞💞💞
會後話停火, 拖多兩個月乍喎... 燈神睇好添, 但又保險整多句 "唯在高位沽壓不輕" 云云... 哎, 佢真係...
元帥應該埋頭苦幹揼緊最新 12 月分析 😂😂😂
我們要忍耐 😍😄
大元帥晚上好🌆
你🈷️🀄️才放假
出來發表一下啦🙏
十二🈷️恒指會先📈後📉嗎
會先📉🈷️🀄️才📈
咁基金🈷️🀄️結算
大元帥就去嘆世界陽光與海灘
大元帥快D出來啦🙏🙏🙏
熱烈歡迎👏👏👏大元帥
我和你一樣🤔
都是超級掛念友仁大哥❤️
更掛念梗係佢個🐂🐻表啦
🐔煲我都希望大元帥出來講解一下
但佢話很忙!因為月中放假
我地齊❤️協力請大元帥出來啦
友仁大哥多謝晒,超超超掛住你牛熊表
12月果真係亂,一來開波就攪到講掂數,元帥有時間折解吓 唔該哂
燈神:恒生指数阴阳烛月线图上,上月呈现类似「身怀六甲」的利好转向形态,代表港股大市的长期跌势有机会告一段落,本月后市应可看高一线
港股整体大市有力报升收场,成交量亦略见增加,表现其实已算不俗。虽然下周初市况好淡难料,港股已经打好市底却属事实。
元帥快 d 岀尼講解一下你點睇中美元首會談?😂 12 上旬看法 😄
過千萬成交唔知🈶️乜啟事
大元帥很厲害測市勁準
應該揾💰多多多👍👍
好期待明天🤔
習特會🈶️🈚️好消息
元帥好利害哦 😍 一成功力我都學 5 到 😫
大元帥真係勁到出汁, 原味蠔汁冇添加. 嘩!
慣性走勢, 哎咕, 乜大鱷冇來偷睇咩?
今日指數執位, 成交大左. 扣除此因素, 有冇啟示呢?
恭喜Mr Tc🎊🎉🎈🍾️
發達系統2.0硏究成功
友仁大哥實實在在的感動
🙏🙏🙏🙏🙏🙏🙏🙏
C6衷心感謝你❤️❤️❤️
謝謝你🙏
C6明白的
大元帥説不會是那月的最後一天
恒指應該是28/11已經創新高
TC 靚位 26232, 26451, 26670 😍😄
kk, 先跌後升,千其 5 好點穴
生蠔大元帥在 "大龍鳳" 篇已明示: 月尾果日不會創新高; 本月梅花間竹 (估剩最後兩日); 本月唔會連跌兩日; 今日或有避險; QQ同步, 見頂就...
美股三連升後只是回調些微.
今日係咁易升丁咁多畀你囉. 嘿嘿.
牛仔快高長大, 又來啦.
恭賀TC發達系統2.0終於搞掂😍😍😍
系統2.0終於搞掂😍😍😍
會不會美股📉
而港股就會📈
真的揾食難😔
不小心又會📖了
好似📖的機會多於贏
C6近日炒股都有少少收入
🈚️炒其它呢!怕C
今天尾市見隻股穿50天缐入了
希望明天不用C喇
近日🐊頻頻變face
唔敢貪求其🈶️🉐️執都🐔咁腳走了