2018熊市年結死貓彈

2018/12/31 21:29:14 網誌分類: 經濟
31 Dec

內地大除夕休市, 港股半日市高開高收呈陽燭, 重上25800/10000, 屠熊祭天埋年結

31/12 周一恒指收報25845, 升341點(最多上升412點), 吻別50天線

國指收報10124, 升132點(最多上升183點), 國指小幅跑輸恒指

等1月爆邊: 25092-25300 ~ 26000-26200(阻力大位)

基金12月粉飾櫥窗任務已完成, 托市誘因消失, 以月波幅來看, 1月再隊穿25500機會大, 否則唔夠水位波動, 因為每月一般波幅有約2000點, 12月尾力守25500低見25313即彈其中一個原因係12月已做夠月波幅, 大鱷亦想養肥牛牛才插落去屠牛, 留番1月才隊穿25300來擴大1月的波幅, 燈神梁蛇竟然說目前投資氣候有利向上突破, 相反指標係好友要小心會先向下破位了, 到梁蛇唱淡港股才會彈高 (3/1後記: 梁蛇見2/1港股急瀉近800點轉口風唱淡, 建議減倉避險, 目前中線持貨僅得12~19%, 相反指標係港股即將反彈)

上証連2500大位都失守, 下一個大位在2450, 疲態盡露, 拖低港股, 又要等阿爺打救, 港股通(滬深)12月尾休市多天, 積壓不少沽盤, 年尾水緊, 2019年開局無可避免要迎來大批沽盤, 港股吻別關鍵位又要繼續尋底, 今日死貓彈, 牛牛果然飛撲入市, 1月如失25300, 向下支持在25000.24800.24540(前底).... 以貼價牛熊分布來看, 牛肥熊瘦, 有下殺誘因, 關鍵支持大位在24800, 不容有失

回顧11月份有4日升穿26500, 但只得2天收26500樓上, 反映呢個水平沽壓沉重, 阻力非輕, 早前曾說11月恒指收升, 按照熊市不會連升兩個月的慣性走勢, 12月會收26506之下, 全月計會收跌收陰燭, 結果今日收25845, 果然跟足慣性走勢

12月:

裂口阻力: 6/12的下跌裂口26381~26745 5/12的下跌裂口26914~26981

27260(4/12高位) - 1500~2000 (一般月波幅) = 25260 ~ 25760 (12月下跌目標)

2000點波幅已經夠水位俾大鱷轉身, 結果12月高低位25313~27260, 月波幅1947點, 剛好達標, 以熊市的慣性走勢, 1月就會下破12月低位25313來擴大月波幅

1月:

港股11月低位25092/10200, 國指早已跌穿11月低位, 但恒指扮跌唔落引好友入局, 當養肥牛牛就會下破, 貼價牛明危, 如繼續受制於26500, 向下2000點月波幅就要插穿1/11島形底上升裂口24979~25190, 向前底24540進發, 如回補裂口即彈, 守得住關鍵大位24800, 向上阻力25500.25800.26000.26200(石石認為休戰利好, 上望26200), 要睇淡友會否在7~8/1(周一二)美國代表團在北京展開貿易協商前食胡,

今日港股彈高, 反映大鱷唔鍾意炒單邊, 會跌下彈下, 好淡通殺, 逼死好友就彈高, 逼死淡友就插水, 後市關鍵在地產板塊強弱以及QQ能否守住$300, 恒指通常做1000~1200點波幅就會轉向, 市弱就做約1800點波幅

~~~~~~~~~~~~~~~~~~~~~~~~~~~~~~~~~~~

內地股市熊霸天下拖低港股

過去幾日落山秒殺肥牛即彈, 今日就閃上去屠熊, 如果是為了殺熊而夾硬推升, 死貓彈完就要繼續向下尋底, 明年創新低機會大, 12月冇隊穿年度低位24540係因為2018年已做夠年波幅, 一如早前所說, 2019年將會變天, 要回補島形底裂口及插穿今年低位24540來擴大新一年的波動區, 如2019年不下破2018年低位24540, 以閒閒地6000點年波幅來看, 就要再上30000, 難度就更高了, 睇下大鱷想係24500~26500磨幾耐才肯爆邊

島形底: 1/11 上升裂口24979~25190

上証綜指: 上証與港股通常係同步見底頂, 上証創新低的話, 港股亦會跟, 因為AH股相關性極高, 只要上証觸底回升, 港股亦會同步見底

美股有傳聞的救市小組托市, 但油價及內地股市熊霸天下, 市傳中石化持有衍生工具對沖油價出現巨額虧損, 相信唔少企業都受油價暴跌拖累而出現損失, 油企於銀行貸款凍過水, 亦係相關股份下挫拖低股市的其中一個原因

明知金融市場立立亂, 港股只係虛火上升死貓彈, 大鱷製造波幅來搵食, 今年輸到嘔白泡的股民或基金經理趁反彈走貨, 年尾例牌水緊亦要沽貨套現, 造成港股易跌難升, 一浪低於一浪的局面

50天線係魔咒位, 好邪咖! 餐餐上去都打回頭, 今日高見25916, 剛好吻別50天線, 中美的90日談判肯定會係利好利淡消息滿天飛, 金融市場必定會大幅波動, 加拿大拘捕華為太子女, 賤美伙同盟友抵制華為, 展開全球5G戰, 阿爺亦不甘示弱, 打壓蘋果在華銷售, 權重蘋果及油股死, 美股就要落地獄

貿易戰持續拖累內地經濟, 今早公布的內地12月份官方採購經理指數(PMI)為49.4, 按月回落0.6, 低過50盛衰分界線, 並連跌4個月, 較市場預期差, 好明顯今日港股急彈只係虛火上升, 其實早前人行行長易綱已表示目前中國經濟正處於下行周期, 商品價格亦經濟疲弱拖累而走低, 今次中美貿易戰阿爺作出大讓步, 但狂人仍得勢不饒人, 不斷步步進逼, 中國經濟不容樂觀, 股市又點會真好呢? 熊市未完, 彈完仍然要落山, 美股急升暴跌, 而家走勢似年初的港股入熊時, 不斷急跌急彈, 但最終要落地獄, 亦會拖累港股,

一粒老鼠屎.壞了一鍋粥, 自特朗普上任以來, 就搞到全球立立亂, 掀起貿易戰拖跨了全球經濟, 炒過籠的科技行業沽壓沉重, 經濟轉差, 金融業首當其衝, 權重金融股亦相繼倒下來, 拖累股市, 災味愈來愈濃, 現金為王, 淡友當道, 避險情緒高漲, 資金撤出高風險資產,基金贖回潮加劇, 美元高企不下, 日圓走強, 皆屬利淡

特朗普和習近平達成的90天停火協議, 雙方要在1/3/2019前達成協議, 中美將於1月重開貿易談判

7~8/1中美將會展開貿易協商 (中美貿易談判延長一日7~9/1,市場憧憬磋商將可能取得協議)

中國副總理劉鶴將於本月30至31日,到華盛頓與美方進行貿易談判,反映雙方的磋商有進展

華為公主事件下一重要日子為8/1/2019,美國會否宣布將她引導至美國

最新回應

水滴石穿@苟利國家生死以,豈因禍福避趨之
@soho*...

我聽了錫安教的視頻。四馬的概念還是理解不到。

不過我不相信這是末日審判的到來。全球文明或許會有一個倒退和持續的混亂期,但大亂之後有大治,人類社會一直這麼循環往復,螺旋上升。

試下學下
試下學下 2019/10/16
@門徒...

{#iconb_3133}我今日好淡都輸,抖下靜一靜

水滴石穿@苟利國家生死以,豈因禍福避趨之
@soho*...

全世界會亂已經在預料之中,大循環信心模型到政府波退潮。

保護好自己,保護好家人。亂世健康最重要。