21~22/1 27000穿梭

2019/01/21 20:34:53 網誌分類: 經濟
21 Jan

中港股市高開高收呈陽燭, 大舉屠熊, 沖高回落, 收窄升幅, 升抵雙底頸線沽壓大增

21/1 周一恒指收報27196, 升105點(最多上升233點, 一度下跌6點),

國指收報10713, 升76點(最多上升104點, 一度下跌5點), 國指大幅跑贏恒指

今早內地公布去年第四季度GDP同比升6.4%, 但2018年增長6.6%, 卻創28年低位, 顯示中國經濟下行壓力未消, 港股表面上不跌反升, 但其實睇股份表現, 沽壓已湧現, 人民幣亦釋出負面反應, 大跌195點子, 收報6.79, 要留意人民幣匯價, 當人幣轉弱港股沽壓就會加劇, 其實近日港匯持續走弱, 大市有暗湧, 不過有結算因素及月尾貿易戰談判令投資者仍抱樂觀預期, 加上美元沖高回落,人民幣急彈 ,上證先低後高倒升收市,港股低位見買盤承接, 又跌唔落,震盪養牛熊

居安思危, 港股已連升兩天, 港股好少全周日日升, 由於上証及港股通常係同步見底頂, 而上証已連升兩天, 今個月兩連升例跌, 只要上証回吐或失守2600, 港股壓力就會加劇,

今日恒指升抵雙底頸線27260, 為6月起大跌浪的0.382倍黃金比率附近, 隨即惹來獲利沽壓, 沖高急回, 壽險及地產板塊壓力較大, 連滬大媽都沽出騰訊食胡, 由於今日突破12頂27260後未能收於其上, 買上先行止賺, 待回吐再入貨

2019年開局恒指插穿25000島底就掉頭回升, 同樣地, 近日升穿27000附近的島頂亦要慎防掉頭回落, 燈神梁蛇今日加倉, 上次一掃貨港股就跌, 其實港股已累積龐大升幅, 做夠月波幅, 足夠水位俾大鱷轉身, 現水平係超級阻力大位, 雖然基金經理普遍仍看好後市, 不過今日港股沖高回落, 有頂味, 估計會先作出調整, 再儲力向上

~~~~~~~~~~~~~~~~~~~~~~~~~~~~~~~~~~

周線

早前預測1月高位會在16~30/1出現, 今日是21/1, 果然創即月新高, 回顧過去3年恒指的周線連升記錄, 只係試過6次連升4~7周, 可想而知係高難度動作, 而家已經係連升3周, 今日雖然創新高27323, 但未能上企前頂27260收, 如本周五收27090樓下, 周線連升就會斷纜, 好友想強化上升勢頭, 吸引股民入市, 想收27090樓上, 未來幾日就不宜急升, 消化沽壓後再上反而走得更遠, 多位基金經理認為會上28000

港股沖高創即月高位27323(關鍵阻力大位: 12月頂27260)後升勢回順, 可能係試水溫, 測試阻力有多大, 恒指恐慌指數上升係利淡訊號, 加上明日係破日, 上証未必企得穩2600, 而今日港股亦升抵第三個反彈目標27260, 淡友或會攔路, 中美近日頻頻出手又出口托市, 陸Sir提醒大家, 當股市彈高高, 再托市誘因消失, 言論或會有變, 講下衰野, 口吻轉趨強硬, 到時股市就要回吐

今日的低位27084不會是本周的底部, 因為如果今日的低位是周底的話, 例牌約900~1000點周波幅, 本周豈不是要上28000? 大鱷想畫靚上升軌就應忍忍手, 反覆推上28000好過直升到頂, 我認為掉頭插穿27000向下擴大周波幅反而機會較大

如大鱷想下周三在高位結算, 未來幾日就不宜升得太過份, 玩跌下彈下, 窒窒步推升養熊引淡, 因為如果太早飛左上天必定會惹來龐大沽壓, 就好難一路托住高位到下周三結算, 用拖字訣, 回調整固, 消化沽壓再上反而更健康, 如夾硬推高, 急升反而會急跌, 牛牛上移並大增亦會拉住港股後腿

恒指20天線剛升破50天線出現黃金交叉, 出金叉代表港股累積龐大升幅, 反而係利淡訊號, 今日高見27323, 若調整0.236倍可見26751, 關鍵大位在26800, 剛好在10天線附近, 國指10天線繼日前升破50天線後, 今日亦升破100天線, 愈多黃金交叉代表回吐壓力愈大, 好友小心了, 燈神入貨係利淡訊號

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

破日震盪, 上証結束兩連升失守2600拖累港股回吐收陰燭, 27000穿梭

22/1 周二恒指收報27005, 跌191點(最多下跌342點, 一度上升27點),

國指收報10613, 跌99點(最多下跌165點, 一度上升15點), 國指跑輸恒指

上証港股跌一日例彈

美元走強, 重上96後高企不下, 人民幣轉弱, 連跌兩日, 今日大跌202點子, 收6.8103, 本周兩天高低位26854~27323, 周波幅未達標, 預示後市會爆邊, 兩邊都有貼價牛熊, 如果唔落26800就要上攻創新高, 午後咬住26900唔放, 好友繼續在尾市出蠱惑, 收市U盤踢上27005收可能係預留回調水位, 向下關鍵位在26800, 道期下跌百多點係港股下跌的原因之一, 恒指恐慌指數連升兩天, 今日急升2.3%, 市場驚驚地

雖然港股午後收窄跌幅, 但股份表現遜指數, 下跌股份大幅多過升股, 但大鱷力守26800來托沽, 上証及港股都係一樣, 按照今次升浪的慣性走勢明日應收升, 如明日續跌, 就打破了4/1展開反浪以來只跌一天即彈的慣性走勢, 所以明日兩地股市升跌非常關鍵, 只要上証權重A股反彈就能保住26800/10500, 今日港股回吐是在預期之內, 跌幅溫和成交縮, 普遍分析仍看今次只係回調整固, 消化沽壓, 後市會有新高

港股月初一插即彈, 反覆急升, 未見頂前對壞消息冇乜反應, 因為大鱷未食夠肥熊, 但昨日伸多一腳上去27323升破前頂27260就掉頭向下, 可能係想跌下彈下拖到結算周, 今次升浪已殺17105張相對期指對沖張數熊證, 飽到上心口, 大鱷或會轉口味食牛扒, 肥牛已上移至26830, 具吸引力, 不過要隊穿10天線大鱷才有得開餐, 大鱷進退兩難噢!

市傳美國擬引渡孟晚舟就成為中港股市下跌的催化劑, 過去5日老外掃A股, 但今日卻沽貨食胡, 滬深股通都出現資金凈流出, 人民幣強弱係中港股市的溫度計, 明日港股表現就要看上証, 要阿爺好.港股才會好,

油價見頂回落, 拖低油股, 有報道指內地第三批遊戲版號已經下發, 不過騰訊在新一批版號下發名單中仍然冇份, 觸發QQ獲利沽壓, QQ $330 是關鍵大位, 只要守住就代表大鱷唔想隊穿10天線, 如失守就會推低港股, 美國再加息機會降溫, 地產股成為今次升浪的功神, 留意地產板塊強弱就知港股點走, 地產股強=港股好

==============================

2019/01/21 陸羽仁:

在期望中美貿易談判可能達成的協議的預期升溫下,全球股市向好。過去的兩個交易日,美股杜指就大升了500點。不過,有紐約交易員提醒投資者,現時市場預期中美貿易摩擦得到解決,推動股市走高,當然是好消息,但也要留意當中隱藏的風險。

首先是很多有關中貿易談判的利好消息,其實都只屬傳聞,仍未有官方的確認,但市場已見到實際的積極回應,這是因為沒有人喜歡貿易戰。美股在短短的幾個星期內由超賣變成超買,中美達成協議的利好消息已經提前反映在股價內,提防到談判真正好消息出現的時候會「見好消息沽貨」的情況;第二,是資金由債市回流到股市,會推動債價下跌、債息上升,聯儲局亦會開始對加息變得積極。美股近期上升,主要是預期中美貿易談判達成協議,以及聯儲局在加息態度方面顯得鴿派。當貿易風險沒有了,聯儲局有好大機會將變得更鷹。對股市又會造成壓力。

他認為即使中國真的在購買更多美國貨方面讓步,中美達成協議,但這「協議」也只能是暫時性的,因為對於美國,她需要的是中國真正讓步,不是買多些大豆,或者買多幾隻雞,美國真正想要的是要減少中國對知識產權上的所謂「偷竊」,減低中國在科技上的競爭力,以至減少中國的全球影響力。所以,中美兩國難以達成雙方都真正的全面協議。無論如何,去年末段股市大跌,如今是炒緊一段反彈行情,只能邊炒邊睇,自己執生。

最新回應

美味雞煲
美味雞煲 2019/04/21
@*KK*...

噚日黃雨變紅雨 我坐向廳望岀去看見變天 下午 2 點好似夜晚 跟住停雨 又好天 😂 明天繼續無市 好彩還有道指 😂

C6 復活節快樂 張兔仔復活蛋圖好可愛丫 😄

*KK*
*KK* 2019/04/21
@美味雞煲...

煲爺, 今年 '厄雨尼落", 春意特濃, 陰天雨天多, 加上轉節氣 "谷乳", 雷暴疾風, 走避不及, 水陸兩路都多人中招了, 慘也.

話時話, 雖則自己的事自己負責, 不能全賴天文台, 但真係冇佢修喎. 要到今朝才看見 "即日" "九天" 個圖示係烏雲大雨. 哎咕, 係都到水尾啦.

對預算全天或大半天戶外活動的朋友, 周時畀佢考起呢.

美味雞煲
美味雞煲 2019/04/20

祝大家復活節快樂 😄

{#iconb_351} 

沒市 好悶啊 😅 元帥岀左最新網誌啦⋯⋯快 d 去 like 😘

(友仁) 程長浪子

2019.4.18 長假期前金曹期權攻防線©30100﹐牛指數高於70偏強。即係低於30100超過150至200點,好友應會力托回到攻防線。結果星期四期指收29940但夜期真係反彈上30093接近攻防線,其實好多次都係咁跌穿之後又反彈,係唔係好神奇呢?

2019年牛市的三個預設係中美貿易停戰,中國經濟數據在第二季見底回升,資金繼續流入中國。

金曹期權攻防線©是不經人手全電腦自動量化評期權倉位變化的人工智能程式。每天開市前計算好友大戶即市需要防守的重要期指價位。

試試下載免費股票社交 APP 秒投,裡面有七成用戶的成績跑贏大市,真心好用! 安裝秒投App之後請輸入金曹Sir的邀請碼 waXxT2 ﹐可賺銀幣換領咖啡贈券。

https://stockviva.com/invite/waXxT2