古星輝 - 5G寬頻商用接地氣｜乜都5G
2019/01/25 04:12:24 網誌分類: 經濟
實際上，5G喺推動微型企業（微企）及中小企數碼轉型方面，發揮咗好大作用。近日喺深水埗、旺角、太子一帶，就有好多小店興起用5G寬頻！無論係地舖或樓上舖，抑或係茶餐廳、小食店、髮型屋、咖啡室、美容店、美甲店等微企（聘用少於10名員工），都喺電訊商嘅鼓勵下，積極嘗試應用5G寬頻，提高企業嘅生產力及營運效率。
5G社區日常應用趨普及
喺好多呢啲店舖門口，仲見到「5G is here」（「呢度有5G」） 嘅桃紅色鮮艷標記。
有小店老闆話俾我哋同事聽，用咗5G後，最開心係舖頭內嘅防盜系統、鏡頭、收款機、影印機、落單系統、電視機，以至傳真機等，全部用5G連接，萬物互連，有條不紊。由此可見，不論企業規模，均可受惠於涵蓋5G寬頻、網絡設計、策劃及配備流動裝置嘅一站式5G商業方案。
上星期日出咗消費券，商舖多咗客戶用電子支付，有時職員攞住部流動收款機收錢，遇到客戶嘅手機收唔到訊號，又或者手機冇數據，店舖就可以立即放5G Wi-Fi比佢哋用，方便人哋，亦方便自己。
邊個話5G一定係大型企業嘅專利？記得初推出5G時，我成日同啲同事講：「4G改變生活，5G改變社會」，當大家逐漸喺社區接觸到5G嘅日常應用，就知道此言非虛。
微企作數碼轉型非難事
根據記錄，截至去年底，香港大概有超過36萬間中小企，當中微企嘅數目十分龐大，係一個極具潛力嘅巿場。中小企及微企要開展數碼轉型並非難事，有時人少少，要改變或做決定都相對容易。「千里之行，始於足下」，應用5G，可以由5G寬頻開始！
和記電訊香港執行董事及行政總裁
古星輝
■現時不少店舖也有應用5G寬頻，並在門口張貼「5G is here」的標記。
he used to settle his whole body inside when he was small hahah
gor gor is too big and the basket is too small :P