3~4月財經留言版

貿易戰紓緩, 中港股市點跌落黎就點上番去, 惟30000超級阻力大位攔路

4月假期多, 交易日數少, 係大龍鳳的月份, 通常月初先上攻屠熊, 月中回落屠牛, 消化沽壓後再上, 如下旬不但無法向上突破, 反而創即月低位就要慎防是收跌月, 即係30/4會收29051之下, 如4月夾硬托住高位派貨, 守住29051, 不進則退, 5月就要看破頂30280抑或破底29383, 否則唔夠波動空間

市強: 低位一瞬即逝, 全日呈先低後高走勢, 如買盤強, 午後創即市高位

市弱: 高位一瞬即逝, 全日呈先高後低走勢, 如沽壓大, 午後創即市低位

恒指1月大波幅3114點

恒指2月細波幅1480點

恒指3月細波幅1285點, 28201(8/3底), 28435(26/3底), 29486(19/3頂)

3月恒指細波幅, 估計4月就會係大波幅, 假設4月份波動區:

升穿關鍵位29800, 以500點為一級, 向上挑戰30300.30800..., 如打回頭, 向下500點級級落, 29800.29500.29300.....

(1/4遺留上升裂口29100~29383):

29383(裂口頂)+1500~2000點月波幅=30900~31400

29383(裂口頂)+跟3月1300點月波幅=30700

(去年下跌裂口頂在30259, 阻力非輕, 如受阻而回就要下試29500~29800)

當大市向上屢攻不下, 封了頂, 就可以用頂部來推算向下空間, 頂 - 月波幅

30300(假設4月頂部)-1300~1500=28800~29000

既然向上受阻, 加上樓下有肥牛引誘大鱷, 落山都有得開大餐, 就冇必要爆頂飛出外太空啦! 港股會否落地獄就要睇上証, 因為兩地股市通常係同步見底頂

如大鱷想玩好淡通殺窄幅炒上落, 就會以29900為中軸, 上下400點穿梭(29500~30300), 貼價牛熊都是大鱷的殺戮目標

上升裂口: 1/4遺留的上升裂口29100~29383一直未回補是後患, 只係落山回補裂口時辰未到, 那麼究竟何時會回補呢? 通常會扮跌唔落守住關鍵位, 嚇到淡友輸到唔敢再做淡, 紛紛買上, 當牛肥熊瘦, 大市就會失驚無神大插回補裂口, 如熊熊重倉, 大市就會高企不下

去年大時代見過2100~3500點超大月波幅, 由於二三月都係細波幅, 大鱷壓住大市來消化沽壓, 如今完成部署, 所以四月有可能出現大波幅, 見步行步啦! 大鱷都係睇住牛熊分布來出手, 當牛熊分布嚴重失衡, 牛多熊少, 港股就會大插屠牛, 如未見頂落山食1~2口牛就會反彈, 如吃多過3口牛就係見頂回落, 轉勢向下的警號

尋頂模式: 在尋頂的過程中少不免會受阻而回，如沖頂回落就會再試底，市強嘔四五百點就會反彈，試完底就會再沖頂，以底頂上移的形態來向上推進，跌下彈下, 牛市氣氛佳，急跌亦會急彈，因為市場水多, 游資會進場炒波幅, 不過如果市弱, 見頂後就會嘔千點, 當牛牛累積超過四千張就有下殺誘因

恒指慣性走勢(5天市): 短炒周波幅就要留意, 如果該星期有5天開市, 收跌周會在周初見頂, 周四五見底, 而收升周多數不會在周一二見頂, 周四五見頂居多, 不過如果係4天市, 升跌模式就未必跟慣性走勢, 港股好少全周日日升或跌, 每月高位不會在開月首日或首周出現,

每月最後6天恒指表現: 以往多數係3升3跌, 不過今年1及3月就係5升1跌, 換句話說, 月尾6天不會全升或全跌, 就算市弱都會升1~2日, 短炒做好做淡手腳要快

今年首季大鱷係玩窒窒步升來養及殺牛熊, 不過通常要有超肥熊才有誘因上攻, 有勁肥牛才有誘因下殺, 過去一季港股尋頂, 當時係反覆上升時間長, 下跌就係快速完成調整再上, 呈反覆上升, 震住上格局, 不過由於已連升3個月, 3月份升幅亦收窄, 代表大市於29500沽壓大增

逢星期一多數係升市, 不過亦試過2次周一收市急挫, 不過往後隨即收復失地, 只係震倉，跟住就上衝, 如大跌後未能收復失地, 重上關鍵位, 就係見頂訊號

港股成交: 成交突然急增或急降都係大龍鳳先兆, 大龍鳳代表大波幅或變盤, 可升可跌

恒指波幅: 每日波幅多數係約200~400點, 周波幅多數係500~1000點, 可以用周一的高低位來推算該周波動區間, 來定下買賣策略

恒指於1~2月結算前每周慣性走勢: 每星期多數跌1~2天就反彈, 今年只係試過一次跌3天, 反映市場看好居多, 往往趁低吸納買上，散戶容易受大鱷假手影嚇窒，往往喺低位驚驚唔敢入貨甚至沽貨走鬼，高位就心紅追貨, 其實大鱷玩插水目的係逼死好友就彈高, 逼死淡友就插水, 當恒指連跌超過3天就打破了慣性走勢, 可能係見頂訊號

港股每月慣性走勢: 月初尋頂, 月中回吐, 下旬再尋頂，如收跌月就會在月尾尋底, 收升月就會在下旬創即月新高, 今年首季港股形勢大好, 每個月都係於該月下旬創高位, 而每次出現大陰燭, 往後都能收復失地, 當下旬無法再創新高, 未能收復失地, 就可能係收跌月, 月尾沽壓會加劇, 要慎防創即月新低

港股連升慣性走勢: 由1月中起最多四連升就斷纜, 不過4月已打破了慣性走勢, 日日升仍未斷纜, 牛市就算企錯邊都有得坐到返家鄉, 逆勢操作好易被挾屎, 3月最多四連升就回, 因為大鱷想壓住大市來消化沽壓, 並作出向好部署, 踏入4月份恒指日日升就代表大鱷已完成部署, 準備破頂而上, 挾屎淡友, 所以連升4日後都冇斷纜, 當連升斷纜就代表買盤縮, 沽壓增

慣性走勢係試完底就會再沖頂, 沖頂打回頭就要再試底,

恒指首季升跌日數: 今年首季60個交易日當中恒指40升.20跌, 不過恒指已連升3個月, 累積龐大升幅, 獲利沽壓愈來愈大, 推升亦愈來愈難, 30000係超級關鍵位, 通常每個千點整數關口例如28000.29000都會見阻力, 今次30000係萬點整數關口阻力就更大, 加上有唔少股份都升過籠, 亦係陳年蟹貨重倉區, 大鱷未必肯冒風險再大幅推升, 要消化沽壓後才會再爆頂

地產板塊: 地產板塊表現具啟示作用, 收升或小跌, 代表大鱷想撐市, 大市不會深潛, 如地產板塊大跌, 代表港股會反艇

123分注法: 估頂底難, 最好用123分注法來買賣, 假設見跌市想入5000股, 第一注試水溫入1000股, 見再跌就買多2000股, 再插就買多3000股, 拉勻平均價也不會太高, 相反, 如見升市想沽5000股, 第一注試水溫沽1000股, 見再升就沽多2000股, 再升就沽多3000股, 沽完仲升就等大市回吐才低吸

1月尾 四連升後跌1天, 2月尾 四連升後跌3天

1~6/3 四連升後跌2天, 14~19/3 四連升後跌2天, 26/3~3/4 七連升後跌1天

今年1月初港股大平賣最多六連升就斷纜, 今次升勢真係拍得住1月, 回顧去年1月跨年恒指大牛市就試過14連升, 不過當時係牛市尾聲,

市強只會回吐少過500點就彈, 如市弱累計插800~1200點就會彈高, 當大市跌勢過急, 累積龐大跌幅, 通常急跌亦會急彈, 不會一去冇回頭, 會彈番上去, 目的係擴大周及月波幅, 如未見底就會彈完再跌過, 如已見底就會高企不下再尋頂

QQ係港股溫度計, 當QQ見底港股亦見底, QQ見頂等如港股見頂, 不過大鱷有時會推高其他股份來接力推高大市, QQ每升$10都會見阻力, 下一個關鍵阻力大位$370, 如能上破有運行, 向上超級阻力位在$400, 向下關鍵支持位$350~$370

如果大鱷嫌牛瘦就會托市引好友入局, 等磨到牛肥才會再插過, 當熊熊下移大市就會彈上去屠熊, 港股於首季通常係升市多天, 跌市1~2天, 多數係快速完成調整

恒指即市波幅一般有200~500點, 港股即市通常跟上証波動, 亦係同步見底頂, 如上証止跌回升, 或見頂回落，港股多數會跟, 市場一致認為上証已進入牛市, AH股相關系數極高, 無論升跌, 港股都會跟住上証走

港股、上證、美國標普500指數的50天皆升破250天線出現黃金交叉, 技術派買盤支持大市於4月上旬繼續走高

由於年波幅未達標, 大頂仍未出現, 港股在尋頂期間底頂上移, 只要守住50及250天線就會再向29500.29800.30000.30200.30500.....進發, 按照慣性走勢，恒指收升月多數係在下旬才創即月高位, 即係月初首周的高位只係短頂, 待4月下旬就會破頂，如果4月喺收升月, 30/4收就會收29051樓上, 如收跌, 就會收29051樓下

留意頂部上移的幅度, 就可推算4月每個浪的高低位會在哪個水平

28193頂--->27534底 ~ 跌659點
27534底--->28533頂 ~ 彈999點
28533頂--->27845底 ~ 跌688點
27845底--->29241頂 ~ 彈1396點
29241頂--->28201底 ~ 跌1040點
28201底--->29486頂 ~ 彈1285點

如跟隨前反彈幅度: 28435+1400=29835(如能突破就係破位, 而不是反彈, 是大升浪)

29486頂--->28435底(26/3)~跌1051點
28435底--->30222頂(9/4)~彈1787點
30222頂--->29694底~跌527點(回吐幅度未達標.跌得少.彈得少)

(12/4)29694底--->30280頂(15/4)~彈585點

30280頂--->29665底(16/4)~跌615點

29665底--->30178頂(17/4)~彈513點

30178頂-->尋底中

如沖頂30222或突破後又打回頭，仍有可能再下試29694底，因為現時只係4月上旬，仍有時間忽上忽落好淡通殺，港股後市升跌關鍵在上證，因為兩地股巿通常係同步見底頂

上面的底頂表反映恒指每一浸的底部都上移200~1300點, 而頂部就上移250~1000點, 所以4月初就會上破29486(前頂)+250=29736起

上升裂口: 1/4遺留29100~29383上升裂口是後患, 不得不防, 如市強不會在短期內回補, 要有超過四千張肥牛才有誘因補回, 而處於大升浪當中多數係出現多個上升裂口才補回最高的一個, 按照底頂上移的走勢, 後市應不會破底, 即係4月不會跌穿28201/28435

向上阻力位有19/6/2018端午的下跌裂口30012~30259及11724~11841, 以目前的趨勢及周+月波幅來推斷, 理應會上破呢個阻力位，如能突破並企穩裂口頂，就會挑戰30500.30800.....如補完裂口就掉頭向下, 就係見頂訊號, 要下試29800.29500的支持力

當熊熊有超過4000張, 就有誘因上攻, 如市弱或沽壓大, 高位會一瞬即逝, 市強就高企不下

留意地產分類表現, 如大升代表大鱷托市唔俾插, 係向好屠熊訊號, 如地產分類走弱, 代表大鱷唔想飛天, 想壓住大市

近來恒指日波幅230~400點, 周波幅大約650~1000點,

恒指2019首季累計上升3206點, 牛味愈來愈濃, 但熊派仍堅信係熊市, 有分析指以黃金比率計, 反彈0.5倍目標見29012(已達標), 反彈0.618倍目標在30067(阻力大位), 反彈0.786倍目標在31570(現時仍有唔少熊派說今次只係熊市反彈, 信者失救), 30067剛好是去年19/6下跌裂口(30012~30259)附近, 按照月波幅, 今次升浪會全數回補裂口, 因為上証強勢會拉住港股上山, 不過大鱷多數會玩窒窒步升跌, 跌下彈下來養牛熊, 好淡通殺

向上就會挑戰去年19/6端午的下跌裂口30012~30259及11724~11841, 睇下升抵呢個水平會否有蟹貨出籠窒礙升勢, 要留意每日10時前見即市頂抑或底, 以及地產分類強弱, 就知大鱷想上山抑或落山,

要留意的是由於港股累積龐大升幅, 大鱷大媽賺到開巷反而唔係好事, 會玩托沽, 睇下分析師金大獅兄早前推介的中移, 我早已說跟大獅兄的指示買入就信者失救, 如今中移跌到阿媽都唔認得, 因為大鱷大媽正在暗暗沽貨獲利, 換馬落後股, 大鱷好古惑, 股份跌下彈下, 散戶以為已見底買入, 殊不知已接了火棒, 結果成手蟹貨

恒指多次上破30000大關不過都企唔穩, 皆因自從上証站上3200老外就密密沽出A股拖低上証禍及港股, 所以恒指30000亦無法企穩, 而且30000樓上係蟹貨重倉區, 牛肥熊瘦拉住港股後腿亦削弱港股上升動力, 道指高見26487/上証高見3288齊齊打回頭, 中港美三地通常係同步見底頂, 港股回吐壓力大增，早前威威的中移新地等股份持續捱沽, 有走鬼味

港股高開低收, 先破頂屠熊後倒插呈大陰燭, 失守10天線, 部署屠牛

15/4 周一恒指收報29810, 跌99點~收市U盤最低位, 一度上升370點

恒指30000 VS 上証3200, 齊齊玩穿梭, 好淡通殺

嘩))) 港股全日沽空比率高達17%, 連vhsi恒指恐慌指數都急升6.86%, 好驚啵! 上周五港元拆息回落, 刺激港股大插後v彈, 不過今日拆息再度上升, 港股即刻彈散, 反映港股沽壓未除, 內地經濟數據改善, 股樓熱炒, 投資者亦擔心阿爺會出招打壓, 紛紛沽貨鬆人

目前樓下牛牛愈養愈肥, 牛熊分布嚴重失衡, 牛多熊少利下殺, 由8/4起的6個交易日, 2天殺牛, 2天屠熊, 呢班賤大鱷將港股舞高弄低來玩好淡通殺, 現時牛熊分布係貼價牛熊都肥, 上攻下殺都得, 超貼價就有重倉肥牛, 即係引誘大鱷29900穿梭炒窄幅殺貼價牛熊, 唔飛出外太空, 一如上周所說, 上周跌, 按照一周升一周跌的慣性走勢, 本周就會升, 即係周四(18/4)會收29909樓上

#7300逆向ETF(對沖下跌)連續5日成交都比以往多, 反映升穿30000投資者做緊防風措施, 沽出正股獲利及做對沖

大鱷最陰毒係咬住指數在29800穿梭, 股份卻陰d陰d跌, 大市急跌又識急彈, 令股民失去戒心, 誤以為股份都會跟升, 不止蝕不止賺, 結果搞到成手蟹貨, 反而仲輸死人, 因為唔少股份累積跌幅遠遠大過指數, 即係指數高企, 股份卻下行, 係托沽派貨格, 反映走貨情況仍未紓緩, 持貨要睇住股份表現來食胡, 唔好凈係睇指數, 因為市升但股份亦可逆市下跌, 早前曾說QQ爆上$395屠熊及掩護大鱷沽貨, 其實QQ重倉牛一直拉住QQ後腿

中港股市通常係同步見底頂，但上證高見3254(前頂3288)就打回頭，旣然上證冇破頂，港股破頂創新高見30280亦只係虛火上升，冇上證支持港股當然難以企穩高位, 怪不得港股先急升後急瀉, 

咦))) 淡友熊熊唔係清明趁地淋咖! 近來幾次上30100樓上做淡炒熊都揾到到食呀! 不過由於牛肥熊瘦, 大鱷唔想飛出外太空, 所以唔想俾太多淡友進場, 目的係部署日後下殺, 所以往往一插即彈, 每次調整都係快速完成, 挾屎淡友, 股民誤以為跌唔落就會紛紛買上, 股民入貨及買上就中伏了, 燈神梁蛇近來密密追貨持重倉, 相反指標係利淡訊號, 美企宣布季績，又到了炒業績的時間, 市況會受業積及強美元影響而特別波動

上証前頂3288/道指前頂26487能否突破並企穩對港股極為關鍵

留意底頂上移的幅度:

28193頂--->27534底 ~ 跌659點
27534底--->28533頂 ~ 彈999點
28533頂--->27845底 ~ 跌688點
27845底--->29241頂 ~ 彈1396點
29241頂--->28201底 ~ 跌1040點
28201底--->29486頂 ~ 彈1285點
29486頂--->28435底 ~ 跌1051點
28435底--->30222頂 ~ 彈1787點
30222頂--->29694底 ~ 跌527點
29694底--->30280頂(15/4) ~ 彈585點
30280頂--->29665底(16/4) ~ 跌615點
29665底--->30178頂(17/4)~ 彈513點

30178頂-->如插700點見29580, 插千點見29100~29383裂口區

變數: 29/4期指結算日, 29/4~3/5北水港股通關閉, 30/4~1/5聯儲局議息

溫水煮蛙式派貨

大鱷非常頭痕, 10天線湧緊上黎, 如不推升就會失守, 但卻不能上山, 因為牛熊分布嚴重失衡, 整體牛熊分布係牛多熊少(2:1), 拉住港股後腿, 大鱷推升屠熊就會放生肥牛, 係得不償失, 結果大鱷就玩日升日跌, 高低位都玩快閃, 牛熊都走避不及

月中大市似升非升, 似跌非跌, 股民無論買上買落都要死, 大鱷一日屠牛一日屠熊, 既可以好淡通殺, 亦可以養牛熊, 唔好凈係睇牛熊殺戮數量, 即市不斷拋上拋落, 股民止蝕大鱷亦獲利甚豐,

不要見大市高企就以為好景, 唔好凈係向上望, 其實唔少股份都破位而下, 跌到走樣, 大鱷推高幾隻權重股來掩護派貨, 唔少股民都坐艇, 大市其實暗湧處處, 大鱷抽高幾隻亮點股來吸引眼球, 營造熱炒的氣氛, 引到燈神梁蛇近來係30000附近密密追貨持重倉, 你估大鱷會點做? 燈神看好掃貨港股死得, 要燈神走鬼轉口風唱淡港股才會彈高