老人生活

2019/05/13 23:51:14 網誌分類: 生活
13 May

由星期五晚開始約朋友飯聚,星期日母親節當然就要同母親慶祝然後趕返屋企睇英超爭霸,西甲比賽。星期一放假瞓到自然醒,之後唔想出街,自己一個人喺屋企睇互動電視睇返之前Miss左嘅球賽,簡直係好享受自己喺屋企嘅生活,唔想約人出街,唔知呢啲係咪所謂嘅老人生活。

我識好多朋友係好多chat group活躍,成日都組織好多聚會食飯。我最近發現嘴唇邊嘅皮膚敏感係同食物嘅醬汁好有關係。我星期五晚食中菜又龍蝦又花膠,本來冇咩事嘅信嘴唇旁邊嘅皮膚又開始起敏感;食完琴晚母親節果餐簡直係一食完飯已經敏感到紅晒一撻撻,但今日因為我只係食好簡單嘅食物,皮膚又已經轉好不少,證明我已經唔可以亂食嘢,這樣也好,可以禁止我食一些較為油膩的食物。我仲要考慮帶一把細嘅鉸剪去剪開食物先食。如果真係要搞到咁就真係老餅到不得了,都唔知敢唔敢再出街食晚飯😰不是說笑我開始體會到為何有人嚴重濕疹會自殺或殺人。我皮膚一向都好敏感,但想不到我五十幾歲會變成這樣。

我們部門再一次改組,我老闆今次好懶懶閒,佢話佢無力捲入鬥爭,都係等完contract。佢已經有出面的公司邀請佢做INED 獨立非執董,不用上班,只要開董事會。佢有同我講話會盡力幫我轉部門,但我不會太在意,新部門都不會想要老兵。學馬仔話,生活豐儉由人。冇多餘錢去南北極探索,留在香港也沒有大不了。

PS.  今天看報紙,「雌虎雙雄」的女主角72歲病逝。這套是我細個時很喜歡的劇集。

回應 (297)
我要發表
Persie
Persie 2020/08/30 20:53:58 回覆
@蕃茄...

蕃茄你好👋

首先恭喜愛隊一個月之內奪兩個杯,既是美妙的結局亦係好的開始。

你提起chanreborn的BB,我翻查一下:

2016/01/01 10:32:06回覆

Persie ,番茄,主席,馬仔,聯廣兄,和上來的blogmate新年好,2016祝福大家新年進歩,身體健康,食得瞓得,開開心心! Persie,阿B5個幾月開始識坐,又喜歡企起身(當然要大人扶),瞓醒會望住你笑,又識開始發音講説話』

阿B應該係2015年7月出世,現在足5歲啦,時間過得飛快。

主席可能已經退休也說不定。不知Chanreborn近況如何,希望他生活愉快。我今年初曾「垂死掙扎」希望得到新老細認同,畢竟我是一個「做到嘢」嘅人(自己認為),但我得到了答案,我算是失敗了。因為我多花了點時間在工作上,二三月時錯失了恆指下跌買入的時機。現在我冷靜下來,覺得明年一月應該係離開公司的時機,就算我自己唔走,我相信公司都會「請」我走。公司現在「保就業」,但半年後應該保完。加上「保就業」不是不准炒人,只要保持員工數目就可以。炒一個月薪10萬再聘一個月薪1萬亦無不可。

巴塞變天,絕對係一個時代的終結。我看不到33歲的美斯去到英超會有甚麼破格演出,我係支持他在巴塞收山的。球員係受制於年紀,這是千古不變的定律。

蕃茄
蕃茄 2020/08/30 16:43:58 回覆

Persie,

美斯都要離開巴塞, 巴塞變天, 代表一個時代,一種足球文化的逝去? 美斯巳33, 如果真係如傳聞所講去曼城, 亦難再創高峰吧. 不過他巳六奪金球獎, 以個人榮譽計, 夫復何求? 其實太完美的人生,可能都係一種失落同寂寞?

呢度好似好耐無人講財經股票了, 記得十多年前大家於此結緣,  缘起, 係講財經開始的. {#icono0_1}

零息時代長又長, 我4月中開始投資 新加坡上市的幾隻REIT股票, 收息約4-7%, 亦開始買美國 科技/電子支付股票. 分散吓, 在不同區域 投資.

好似好耐無見主席留言, 唔知佢同伯母狀況如何? 

仲有Chanreborn都好耐無出現了, 佢個B都好似有3,4歲了.

Persie
Persie 2020/08/26 12:33:40 回覆
@李聯廣...

聯廣,拜仁並非牢不可破,無奈PSG自己未能把握機會,天使隻右腳如果生性少少PSG已經不用落敗。麥巴比大好機會卻射得太正中,落在紐亞身上。尼馬傷感落淚不是裝出來,不過他仍有大把機會。佢在2015年亦已經贏過歐聯獎牌。

我有時覺得,大家出來行,是否真的需要滅門式8-2去血洗另一隊同行。我兩隊愛隊都曾經承受這比數,我心中都極難受,何況是他們,所以我係非常希望PSG贏的,可惜事與願違。

美斯仍然要求離隊,且看是否需要跟母會對薄公堂。

李聯廣
李聯廣 2020/08/24 09:00:12 回覆

估唔到拜仁贏得咁驚險,紐亞都仲有三斤釘。尼馬、迪馬利亞、麥巴比都有必入機會結果都蹧蹋了,PSG亦無話可說了!

Persie
Persie 2020/08/20 13:40:00 回覆
@李聯廣...

是炮灰

李聯廣
李聯廣 2020/08/20 08:32:47 回覆

朗奴高文棄荷蘭執教巴塞,是禍是福?

Persie
Persie 2020/08/17 13:20:55 回覆
@李聯廣...

聯廣,我見到巴塞在西甲對弱旅也沒有好演出,接連失分,我是心中有數,只是沒想過係遭滅門式血洗。現在傳美斯要求馬上離隊。碧基在接受賽後訪問都說想第一個走。基本上我覺得碧基厭戰已一段時間。巴塞需要從上(管理層)到下來一個大改革。

曼城係唔應該輸的,迪布尼靚波追平,氣勢如虹,無奈後防好似發夢。Sterling近門對住空門竟然抽高,沒有任何藉口(我朋友又大叫「假波」)。哥迪奧拿要接受佢除了帶巴塞之外,贏不到歐聯冠軍。

昨晚曼聯大好形勢,結局也是落敗。無話可說。

李聯廣
李聯廣 2020/08/16 19:28:22 回覆

里昂 3:1 曼城

拜仁 8:2 巴塞

 

真係跌晒眼鏡,仲諗住係曼城對巴塞添!雖然拜仁近況都好fit。既然係咁,拜仁就要攞冠軍,唔好畀PSG偷雞嘞!

Persie
Persie 2020/08/10 15:55:40 回覆
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10 03:06:39 回覆

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07 08:11:45 回覆
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06 13:52:29 回覆

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。

Persie
Persie 2020/08/04 12:19:35 回覆
@幪面馬仔...

馬仔,妳好搞笑。妳說的餅乾存氣箱子,我D錢連一個也不能盛滿。我認為放$1M現金和一些金條在家已經係極限,如果唔係被爆格就好傷。本來放銀行保險箱係好,但又曾經發生「保險箱被丟棄堆填區」事件,又令人多一重擔心。

如果匯豐倒閉,匯豐離岸戶口也不能獨存。我同Citi有「牙齒印」,曾經怒關戶口,哈哈。

疫情之前某機構有一條龍服務,可以飛去新加坡開戶口,有專人接待,不嫌奔波即日來回也可以。

但如果真係引發全世界金融危機,離岸戶口也沒有用。

Persie
Persie 2020/08/04 12:08:45 回覆
@幪面馬仔...

馬仔,妳竟然已經要驗第二次!恭喜妳平安無事。

我同意香港的家庭環境係好難做家居隔離的。起碼有一間套房才可以成事,但不是很多家庭有套房。我有朋友讓了套房出來給英國回港的兒子家居隔離,自己要睡在大廳。

我有幫媽咪叫Deliveroo,但佢不慣餐餐食那些食物,點都係要自己去買餸。佢有齊護目鏡,帽子,膠手套,又勤清潔,所以我都覺得OK。

幪面馬仔
幪面馬仔 2020/08/04 01:30:13 回覆

上星期有感冒徵狀,當然俾醫生捉去驗,冇事,陰性。

但我已經"驗第2次”,那種心理折磨,好難受。

不禁要問幾時完呀???。

你會問我在等結果期間点隔離?我冇自己房,唯有24小時口罩,瞓覺都戴,日間自己坐在家中某角落自我隔離,但。。。我老豆又坐在我格離。。。

星期二驗,星期四有結果,星期五上班,但我不敢回去,好驚,但吾做又冇錢,我D客來自五湖4海。明天有個舊客從美國回港已3星期,你問我驚吾驚,確係有D担心。

我父母每星期只出一天,2小時,叫放下電咁啦。日常用品由我們放工買回家。

你媽咪如何??

幪面馬仔
幪面馬仔 2020/08/04 01:26:32 回覆

舅父仔

我建議你買個批發餅乾罐,$4O左右,1X1X2.3呎。街市,零食舖有雜餅賣的舖頭就有架啦。好存氣,我們用來放果皮的。

全部金牛,我諗一百個應該可以。

大生銀行租保險箱基會大D。

一係開個離岸户口,聽聞獅子行要等3個月。又或直接海外citibank 開,25萬USD。

Persie
Persie 2020/08/03 22:34:28 回覆
@李聯廣...

聯廣,咁買夠三盒。

「恆馳」個廣告勁到無倫,務求哽死大家為止。香港又冇得賣,咁花錢做乜?幾時有得賣?

李聯廣
李聯廣 2020/08/03 14:00:58 回覆

Persie, 一個月餅盒點放得落幾百萬呀!買多幾盒月餅喇!

我有諗過買些少楓葉金幣(最多10個8個)當做吓保險,可惜金價已升得過高!

Persie
Persie 2020/08/03 10:10:31 回覆
@李聯廣...

聯廣,我真係有想過,買盒月餅,然後拿鐵盒裝住幾百萬養老金放在床下底。這叫做分散風險。

我好蠢,多年前放棄了個銀行保險箱,現在租唔返,除非去不就腳的分行。以前覺得保險箱冇用,我又冇名錶(剛看新聞有位年輕人被打劫搶去$160萬名錶,我自己個表千幾蚊,20年前買🤣)。

如果唔係,保險箱也可以放些現金。

李聯廣
李聯廣 2020/08/03 08:55:59 回覆
@Persie...

Persie, 就算你不是杞人憂天,也只能是無能為力。若你cash out ORSO fund後,除非你將所有現金都放在家裡,否則放在銀行的話,情況還會是一樣。匯豐若倒閉,其他銀行都不會冇事。而且現時都不見得係cash out的最佳時機。

Persie
Persie 2020/08/02 15:50:18 回覆

謝謝蕃茄,希望大家都身體健康。

聯廣,我覺得我公司的productivity低了很多。我大部份時間都有上班,有同事話住得遠,每天要3小時交通時間太大風險所以要WFH,不過幾天後她說她住的大廈有人確診,為何公司HR個系統掃唔到資料?因為她說她搬了去黃大仙(重災區)住。這樣,來回需要三小時這個說法不符,但她求仁得仁,可以quarantine14日了。

我用carpool(兩人)上班,也不知風險大不大,反正留家的人亦會出街買嘢食飯,交叉感染風險一樣高。

我是一個先天下之憂而憂的人,現在想緊是否應該離職cash out ORSO fund。如果經濟一路衰退,公司爆煲陸續有來,錢好像在自己身邊比較安全。

我公司ORSO嘅Trustee係匯豐銀行,當然匯豐倒閉理論上不會影響我個Fund,但如果匯豐倒閉,火燒連環船效應之下,沒有其他銀行或fund house能獨善其身。當然我的朋友話我過慮,我但願他們是對的。

Persie
Persie 2020/08/02 15:37:17 回覆

是不是漂亮一仗?哈哈,我不理會,但捧了獎杯我很高興。

奧巴的第二球要高超技術才能做到,在杯賽入這樣的入球會令人記住。不過我認為馬天尼斯真是一個無名英雄,從他入替Leno的那分鐘開始,他就有優秀演出,甚至對熱刺那場雖然落敗,他仍交出高水準。

車迷唔開心,話球證偏幫,又改圖說馬天尼斯走出禁區接球。BBC有畫線平反,既然係BBC,大家應該相信了,是嗎?車仔又有得打歐聯,皆大歡喜呢!

李聯廣
李聯廣 2020/07/21 08:34:54 回覆
@Persie...

槍手漂亮的一仗!最估唔倒係「計時炸彈」大衛雷斯竟變成「定海神針」。

公司因生意淡薄要進行業務重整,最近要頻頻開會,好鬼煩!

蕃茄
蕃茄 2020/07/19 23:20:08 回覆

祝 七月壽星們生日快樂,  在現今環境之下, 好老土都依然要加一句: 祝願各位網友 身體健康.

錢財,身外之物, 身體康健最緊要呀. 上兩個月見到香港連續二十多天無本地確診個案, 心諗都好大機會夏天就唔需要戴哂罩出街, 點之又爆第三波, 今日更破百, 唯有繼續堅持抗疫. 明天起, 午餐我都會買外賣, 減小人群聚集.

Persie
Persie 2020/07/19 20:01:05 回覆
@李聯廣...

多謝晒聯廣,你太客氣啦。

阿仙奴打出漂亮一仗2-0擊敗曼城,made my day!

你公司發生什麼事?

我發現我想馬上辭職都有問題,因為公司剛剛替我付費14萬做手術,如果馬上辭職,原來HR可以秋後算賬!嘩,我唔知可以這樣,係我朋友告訴我的。他先同公司溝通話要換兩個膝關節,要40萬,跟住半年內辭職移民大馬。佢公司approved左,佢換了關節,由每天行步路都痛苦到現在「重新做人」,佢好開心。

我的醫生常說,我隻腳傷得很重,但又幸運地腳踭冇爛,如果唔係就更加麻煩很多。我六月做了手術,如果等到今日,連私家醫院都有確診case就可能又做唔到,所以我會提醒自己,我都有「大命」之處,閻王放了我一馬。

Persie
Persie 2020/07/19 19:17:13 回覆
@幪面馬仔...

馬仔,謝謝。我都祝妳生日快樂,心想事成。

我情況可以,行動自如,可以上班。兩條疤痕好似蟲蟲,哈哈冇所謂啦。靚仔話自己fully recovered,已經上班!但佢冇話我知biopsy結果,究竟拿出來的是什麼。隨他幾時想講才講。

馬仔,行路要小心,希望妳的傷冇大礙,祝妳早日康復。

800
800 2020/07/18 12:51:10 回覆
李聯廣
李聯廣 2020/07/18 12:06:52 回覆

各位7月之星,生日快樂,身體健康,願疫情快過,一切順利。

最近被公司的事煩擾著,忘記了,請諒。

幪面馬仔
幪面馬仔 2020/07/15 23:35:28 回覆

舅父仔

7月之星,生日快樂,身體健康!

{#iconb_210}

幪面馬仔
幪面馬仔 2020/07/15 23:36:51 回覆

其實我舊年尾卜左落地,西藏式五體頭地禮,好在最傷係knee,物理治療做到一半就疫情,想今個月緩和可再重做,現在又吾去得!

你點做物理治療??

靚仔如何??

幪面馬仔
幪面馬仔 2020/07/15 23:27:59 回覆

sig乜鬼吖!! 佢Sig我吾sig。

現在只剩一個鬼婆加我,分配平均了一些,但疫症又來,今個星期book了的客仲有一半來,但下星期就未有新booking. 

星期一時見了一個鬼佬醫生客人,我問點解你吾cancel呀?可能真係英國人,佛系抗疫,他說不用驚,好似流感咁,久吾久又會返發 {#icons_girl9}

公司應該吾會停工。。。。。除非我自己請假?所以我會自求多福。

Persie
Persie 2020/07/15 10:02:12 回覆
@幪面馬仔...

馬仔,我已經恢復上班。樓下coffee shop店長話我行得好過舊時。

我都係用妳這句說話(來勢洶洶)跟加拿大朋友對話。佢答我「簡直急轉直下,你裝左Signal未?」

九唔搭八,但他這樣說,我要小心對答。我不想冇了30年的朋友。

你點啊?一切安好?

幪面馬仔
幪面馬仔 2020/07/14 16:37:21 回覆

舅父仔

還在家休養??

又黎過,好似來勢洶洶。。。

Persie
Persie 2020/06/23 23:13:20 回覆

馬仔,我出左院,暫時一切OK,星期六照X-光和洗傷口。

幪面馬仔
幪面馬仔 2020/06/22 23:24:07 回覆

舅父仔

你現在醫院?專心休養。

她始終是你媽咪,一定擔心,切肉不離皮!

幪面馬仔
幪面馬仔 2020/06/22 22:32:19 回覆

世界在變,世事無常。

我現在反而努力返工,有就做。襯現在經濟尚可,儲多D柴。

蕃茄
蕃茄 2020/06/21 23:34:44 回覆
@Persie...

Persie,

祝願 你腳患康復程況理想.

"人生無常" 呢四個字在今年全球新冠肺炎大流行之際, 令我感受很深,

我盡量會記多D令自己 開心,溫暖 嘅人同事, 令到自己心境 保持平靜同多番D正能量

蕃茄
蕃茄 2020/06/21 23:14:43 回覆

馬仔,

工作有轉機, 就把握機會好好努力一拚吧, 盡左力可無悔. 我現在的工作心態就真係有D無欲無求, 不太辛苦就繼續做.

我不會移民, 一把年紀, 不想轉换,再適應新環境了, 假如將來阿女有一日想到外地工作/生活, 我地做父母的, 會不捨得的, 但不會阻止她, 會尊重她的決定, 始終佢有權選擇自己的人生方式吧.

Persie
Persie 2020/06/19 23:59:16 回覆

疫症之後,對足球的熱情減退了。

總覺新不如舊。

Persie
Persie 2020/06/19 23:48:32 回覆
@幪面馬仔...

馬仔,有轉機就好,努力!

我在醫院搞隻腳。

靚仔在另一間醫院開腦。

初步大家手術成功,之後看各自造化。

我覺得好多人對我好好,幫我照顧我,我懷感恩之心,就算以後不會長壽,我此生已無遺憾。

但讓家母難過,為我流淚,我覺得很對她不起。

我不會移民,只要港獨份子走晒,我覺得香港再有生機。

工作方面無甚改變,我有引退之心,不為任何人,只是為了自己,俾自己過得更好!

幪面馬仔
幪面馬仔 2020/06/18 23:43:38 回覆

公司事情好似有D轉機,繼續努力!

大家可好嗎?

你們會移民嗎?我冇錢又怕死,他鄉驚難生活啊!

Persie
Persie 2020/05/30 22:00:36 回覆

全世界睇住美國的國防警衛軍是否會真槍實彈對付美國citizen。

今次精彩了。

Persie
Persie 2020/05/14 23:55:55 回覆
@幪面馬仔...

馬仔,妳全中。靚仔非常錫媽媽,佢話佢覺得在世間責任已經完結,隨時可以走。我話你今日仍然堅持繼續上班,就代表你的鬥心,不可輕言放棄。

還幸他有個好弟弟,搵錢多又很願意照顧他,係個超筍盤。我搞笑問點解佢細佬冇結婚,佢又搞笑答話或者細佬結左冇話佢知。

幪面馬仔
幪面馬仔 2020/05/14 23:02:31 回覆

我都掛住chanreborn, 仲有花姐

幪面馬仔
幪面馬仔 2020/05/14 21:29:15 回覆

靚仔媽媽不在,他冇了記托,或牽掛,吾知对他好事定壞事……

希望他積極面對!

Persie
Persie 2020/05/14 14:03:22 回覆
@幪面馬仔...

馬仔,我都係這樣想,做多半年睇下,真係忍唔住就算。

近月都發生了一些事情,患腦癌的靚仔朋友又復發,不知該如何處理這第三次翻發的腦癌。最傷感係佢媽咪突然在睡夢中逝世,令佢好傷心。另外一位朋友的老友65歲平日好端端的忽然去左。做人唔知幾長命,也不要太刁難自己。

不知道chanreborn近況如何?

幪面馬仔
幪面馬仔 2020/05/14 13:37:05 回覆

你有怨無路訴,係好辛苦,吾做就算喇,我最憎俾人屈……

幪面馬仔
幪面馬仔 2020/05/14 13:33:21 回覆

我們的門口小姐負責booking.

如客人沒有指定要見誰的話,就任由他們分配工作。我們多勞多得,你得罪她們,係咪想冇客丫……

Persie
Persie 2020/05/14 12:42:33 回覆

還有,我不明白為何Receptionist咁大權力?由佢地分配工作?

我們的Receptionist小姐笑臉迎人,接待客人,接電話和收件,沒有這種權力。

Persie
Persie 2020/05/14 12:40:28 回覆
@幪面馬仔...

馬仔,老板肯插手係好事。我覺得總有D客(不想講英文)鍾意由中國人服務。妳比我年輕,努力吧,相信情況有機會改善。

我的新老板係見到鬥爭但決定袖手旁觀,由我地自行拆掂。其實我只有兩年就退休,時間過得很快,也不需太傷腦筋。昨天又聽了一件關於我的謠言,完全跟事實不符,但就令我聲譽受損。

又如何?我也不會去解釋(也不知解釋給誰聽)。

如果鬥爭太辛苦,我不在乎下堂求去,這麼多年我鞠躬盡瘁,不欣賞就算了,但不要抹黑。

瀏覽更多回應 正在載入...
user

最新回應

李聯廣
李聯廣 2020/09/18

列斯的著名球員應該要說的是剛去世了的積查爾頓(Jack Charlton, 是卜比查爾頓的哥哥),還有就是布藍拿(Billy Bremner),應該比阿倫史密夫和羅利馬還要出名。

Persie
Persie 2020/09/16
@蕃茄...

後來,阿倫史密夫經歷了一個horrific injury,基本上係佢自己坐左落隻腳度,dislocated ankle隻腳變晒形。

中堅活基治和保耶去酒吧消遣,差D打死人,好彩該位「阿裔人士」唔死得。

前鋒基維爾你一定記得。

蕃茄
蕃茄 2020/09/16

列斯 嘅球員, 我剩係記得十幾二十年前, 有個好型,好靚仔吓, 一頭好金頭髮嘅 後生仔- [阿倫史勿夫] , 係由 列斯 去左 踢 曼聯, 打左幾年.

Persie
Persie 2020/09/15
@李聯廣...

聯廣,有聽過他的名字但應該沒有睇過佢踢波。我同意以前的重炮比現在的厲害許多。

阿仙奴開咧開得不錯,不是有甚麼精彩演出,但新球員(韋利安)融入+贏波,我收貨。

列斯v利記,很精彩!

占士似乎屈就愛華頓,但由安察洛提教,OK啦,希望他們越打越好。