6~10/6 技術性反彈

端午長周末前夕, 恒指連升兩天力守26800, 陽燭收升, 部署屠熊

6/6 周四恒指收報26965, 升69點(最多上升89點, 一度下跌58點)

國指收報10334, 跌10點(最多下跌57點, 一度上升5點), 國指大幅跑輸恒指

假期前後例牌大龍鳳.熊肥牛瘦利上攻

今日轉節氣芒種, 預示有大變, 成交只得$671億, 成交急降, 波幅收窄, 大龍鳳先兆, 下周會有好戲上演, 淡友食完端午粽就要去見屈原, 本周恒指收陽收升, 結束由30081轉勢向下, 連跌四周的弱勢, 釋出回穩訊號, 代表好友正部署反擊,

淡友係6月首兩天夾硬再隊多一浸插穿26800關鍵大位, 由年度高位30280插到落26671, 累計跌幅3609點, 剛好略為插穿關鍵大位26732就拗腰, 看來淡友已食胡, 可能等彈高再沽過, 現階段炒下反彈先, 無論以周波幅抑或月波幅計, 下周都要升穿本周高位27119, 目的係擴大波幅及挾淡屠熊, 順道回補23/5的下跌裂口27523~27640, 不過要留意補裂口任務完成後會否掉頭回落

一如日前所說, 碌到落26700博反彈具值博率, 因為大市正醞釀反彈, 自從3/6低見26671後VHSI恒指恐慌指數就日日跌, 唔少指標股都止跌回升, 大鱷刻意壓住大市來養熊引淡, 因為5月跌勢過急, 大舉屠牛, 樓上的貼價熊來不及出世, 所以呢幾日大鱷就將港股點穴, 俾時間貼價熊登場, 上証六連跌, 都係時候彈高了,

美股觸底回升, 大鱷不會放過大好機會挾淡, 只係想詐死拖多幾日, 引多些淡友入局才殺, 呢兩日港股一開即插, 人人都話市弱彈唔起, 牛牛好友死心, 似係刻意壓住升勢, 係大鱷一貫養熊引淡的手法, 磨左幾日, 如今27000~27500熊熊已經養到肥肥白白, 達到超過四千張的誘惑水平, 熊多牛少, 大鱷正部署食大餐,

賤種桶特朗普及美國財政部長努欽唱雙簧話中美好大機會能達成協議, 目的係推高美股來為6月18日狂人宣布競逐連任做勢, 經濟差明明利淡, 但大鱷就玩憧憬減息救市, 就當係利好, 大鱷及狂人玩晒, 輸死股民, 小散戶的血汗錢不斷被蠶食, 港股的確係大鱷大媽的提款機

 ~~~~~~~~~~~~~~~~~~~~~~~~~~~~~~~~~~~

長周末復市港股報復式反彈, 港股高開高走呈大陽燭, 大舉屠熊

10/6 周一恒指收報27578, 升613點(最多上升641點), 收復10.20.200天線

國指收報10527, 升192點(最多上升223點), 收復10天線, 國指大幅跑輸恒指

按照慣性走勢, 無論該周收升或跌, 周一的高位不會是頂, 往後仍會再創高位, 大鱷未食飽, 熊命危, 今日高見27606, 但推升任務未完, 27523~27640, 10504~10588裂口仍未全數回補, 國指雖然今日跑輸恒指, 不過只要等上証彈高, 國指上升動力就會增強, 炒減息, 地產股強, 港股好, 所以當地產股轉弱就要小心

上証結束6連跌, 重上2850, 連跌斷纜利好, 下一站為月初高位2920, 再上阻力就係2950.2986

港股升跌由大媽大鱷操控, 跌了一個多月老肥牛死得七七八八, 食完牛扒就轉口味, 掉頭上攻食熊掌, 今日收27500樓上, 下一站挑戰27800.28000, 呢個水平阻力甚大, 向上亦阻力重重, 今次跌浪(30280至26671)0.382倍在28049, 0.5倍在28475, 往後如沖高回落, 回補今日上升裂口26984~27155就代表反彈浪結束

一如上周網誌所說, 老外手影具啟示作用, 老外於5月份大舉沽A股撤退, 拖累中港股市反艇, 但踏入6月卻大舉掃貨, 今日繼續瘋狂掃A股, A股升拉埋H股上山, 亦係港股今日飛天的原因之一, 只要上証走高, 就可推動港股更上一層樓, 阿爺好.港股好,

大鱷另一個推高港股的藉口係美股連日爆升, 不過道指已連升5天, 平了今年最長升市記錄, 要密切留意道指連升何時斷纜, 因為中港美三地股市通常係同步見底頂, 時間不會相隔太遠, 自從道指於5月初失守26000後, 其後多次衝上去都企唔穩, 當道指結束連升就要小心, 其實今次股市爆升係匯市形勢好轉, 大鱷就借勢挾淡, 因此要密切留意匯市變化