12~15/7 窄幅上落殺貼價牛熊

8/7~1/8 水星逆行, 期間有中美貿易談判, 有聯儲局議息, 業績期, 反對派亂港, 7月第二周開局第一天(8/7)就踏入水逆時段, 港股即插, 其後出現五連跌, 低見28080後反彈高見28603, 過去3天反彈屢次挑戰阻力位28600都打回頭, 島頂威力以及牛牛拉住港股後腿, 而大鱷唔捨得放生貼價肥熊就令港股高企不下,

大市在28500穿梭養牛熊, 部署日後的殺戮, 本周大鱷就2天殺牛2天殺熊, 好淡通殺, 7月上旬在28000~29000主區間內游走等7月下旬爆邊, 大鱷準備食牛熊大餐, 只要上証突破2950, 港股上升動力就會增強, 相反, 如跌穿2900牛就命危, 今日A股內銀內險油股全面做好, 內險表現量麗, 係中港股市升市功臣, 國壽向上突破, 上企$20大關, 上証2900附近見買盤承接

無論尋頂抑或尋底, 大鱷都鍾意玩失驚無神轉向, 令跟風的股民走避不及, 好友淡友通殺, 大鱷就可獲得最大利潤, 如向上受制於29000, 後市就要插穿28080來擴大月波幅, 如能守住28000就有望破頂升穿29008

本周恒指周線連升斷纜, 回顧今年初周線結束六連升, 收跌一周之後, 隨後一星期即彈, 換句話說, 如跟隨慣性走勢, 下周就有可能係先插落去試底做第二隻腳, 雙腳站穩然後才反彈, 留意QQ表現就可知好友有冇誠意撐市,

國指已成功全數回補8/7的下跌裂口, 解除了島頂威脅, 港股後市升跌關鍵就要睇上証表現

裂口

08/7 恒指下跌裂口 28541~28715, 已補回部份,如能全數回補就可解除島頂威脅
08/7 國指下跌裂口 10807~10858, 已成功全數補回裂口

無論大頂抑或大底都要經過無數次急跌急彈才出現, 好友淡友短炒波幅要手腳快, 否則貪字變個貧

19/6 恒指上升裂口 27584~28022(未回補)
19/6 國指上升裂口 10538~10717(已補回至10632)

~~~~~~~~~~~~~~~~~~~~~~~~~~~~~~~~~~~~~

靜候下試前底28080做第二隻腳

恒指今年上旬最長跌浪是五連跌, 今次7月份五連跌果然反彈, 不過今日高見28603就掉頭向下, 周末沽壓效應下, 港股沖高急回, 午後沽壓加劇, 抹去大部份升幅, 港股慣性走勢係沖頂打回頭就要再試底, 觸底回升就會再沖頂, 不斷上下兩頭飆來擴大月波幅

向上方面, 只要有肥熊, 仍有回補下跌裂口上28715的誘因, 向下方面, 或會落去下試前底28080做第二隻腳來擴大月波幅, 雙腳站穩後通常會急彈, 不過今日港股收升, 但下跌股份卻多過上升股份, 反映大鱷大媽貨多未出晒, 所以咬住指數來派貨

第一次五連跌後彈下跌下, 然後大瀉
第二次五連跌後彈下跌下, 轉勢向上

睇牛熊分布除了睇整體數據外, 亦要睇埋上下500點的牛熊量, 以目前28471收市位來來看, 就要睇28000~28500牛, 28500~29000熊 的數量, 目前28000樓下只得瘦牛, 欠缺吸引力, 而28500~29000熊較肥, 貼價牛在28338亦具吸引力, 熊在28688, 牛熊都命危

A股表現舉足輕重, 7月初開局恒指爆上29008即插, 甚麼壞消息都只係藉口, 主因係上証反艇, 推左港股落山, 但過去三天上証於2905~2910好淡爭持, 咬住2905唔放, 正在築底, 所以港股就冇再創新低, 換句話說, 炒港股應要睇住上証來行動, 當上証升穿2945.2950.3000, 淡友就要小心, 如上証失守2900, 好友亦要小心, 不過近來有心人似在力守2900,

分三期放水的定向降準於下周一(15/7)又有水到, 可能係上証兩連升的原因之一, 亦有助守住上証前底2905/2874, 中港股市多數係同步見底頂, 只要上証觸底回升, 港股多數會跟, 恒指已連升3天, 下周一(15/7)如能收升就係四連升, 如果升到水尾, 下周二(16/7)就要收跌, 如周二續升, 就係五連升, 打破了過去3個月恒指最多四連升的慣性走勢, 代表好友主導大市, 有望全數回補8/7的上升裂口並挑戰28800關鍵大位, 美股方面走勢仍佳, 亦有助穩住市場信心, 美元及港元拆息下跌亦有利股市

經濟與股市密不可分，股市成交具啟示作用，目前局勢下，香港經濟會如何? 股市又會如何? 陸蛇說經濟差, 股市反而會好

根據周五(12/7)陸蛇的分析, 係全球經濟愈差, 央行就愈會放水救市, 受熱錢推動下, 經濟差, 但股市反而會向上走, 而美股就炒緊減息, 到月底揭盅時才會回吐, 股市主要靠資金供應驅動，經濟環境是其次。陸蛇提醒大家不要受到中美貿易談判，或者本地經濟麻麻，而看得太淡。

12/7 港股連升3天, 收28471, 燈神口吻偏好, 燈神相反指標, 牛牛小心

反對派沒完沒了地搞事, 政局混亂, 人心不穩, 勢必拖跨經濟, 香港前景堪虞, 假如你係大戶投資者, 會否來香港投資呢? 假如你係大鱷, 會推高港股派貨散水抑或咬住高位接晒散戶的蟹貨呢? 留意地產板塊強弱會有啟示

博反彈炒埋本周, 再買上唔舒服, 走貨縮手觀望, 等靚位做淡, 博落去做第二隻腳, 前底在28080, 過去3個月恒指最多四連升, 如今已是三連升, 可能已升到水尾, 等下周一(15/7)或周二(16/7)落山, 周一通常係大龍鳳的日子

7月上旬大鱷力守28000及10600, 前底在28080/10632, 留意老外會否沽A股, 大媽會否掃港股, 係港股升跌關鍵, 上下500點係大鱷操控範圍, 炒貼價牛熊要小心, 如能守住28000, 後市就要再上28500才夠周波幅

競價的慣性走勢: 近來恒指低開多數低收, 就算收升, 幅度也不會大

美企進入業績公布期: 本週有包括摩根大通、花旗、高盛和美銀派成績表，打頭陣的是花旗銀行

15/7 恒指收28554, 四連升, 收復10天線, 牛死熊命危

本來計劃今日做淡, 但跌勢過急, 一步到位見第二隻腳28071, 冇得做淡只好買上做快閃黨, 博升穿28600, 大鱷真係陰毒, 突然大插400點落去秒殺BB牛即彈, 殺完好友殺淡友, 下一步就係回補 08/7 恒指下跌裂口 28541~28715, 如能全數回補就可解除島頂威脅, 大鱷玩緊陰d陰d補裂口

今日高低位28071~28567, 試完底再沖頂, 後市有望升穿今日高位28567及上周五高位28603來擴大周波幅, 因為一周的高低位不會在一天內見晒, 唔想落去28400就要上破關鍵阻力位28600, 因為即市波幅閒閒地都有200點, 最少都有約170點, 雙底回升利上攻, 不過大鱷鍾意玩窒窒步升, 俾時間熊熊入局, 等養肥就會殺上去

過去3個月四連升例牌斷纜, 反映連升後沽壓會增加, 明日理應收跌, 如收升就係五連升, 打破了慣性走勢, 不過另一個慣性走勢就係定向降準最少升兩天, 即係今明兩天都應收升, 今次兩個慣性走勢有衝突

港股升跌關鍵在上証, 大鱷用緊拖字訣, 大市在28500穿梭殺牛熊, 大鱷一見養肥就出手, 中國公佈的經濟數字不理想，工業產出及零售數據雖然好過預期，但第二季度經濟增長只有6.2%，係27年以來最低